Wepila 1:1 - mzwDBL

¹ Waa nɔ aa lɔ tɔn nɔ bini nɔ, Korowiirii kpɔa baɡle Yeesu Kristo, ásɛ o kpɔ baɡle o bonɔɔna ne toli bá won jemɛ wa aa dɛ ba ɛɛ taraken. Yeesu Kristo ɡelɔ nyundua torome bɛl ba o bonɔɔ Jɔn be dɛ ba baɡlo a wa.

Wepila 1:1 Referans Kwoze

Wepila 22:16

Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men. Menee Chɔmbibi Wewee waa dɛ chaah kɛrɛdɛ la.”

Wepila 22:6

Belaa nyundua torome la ŋɔ n be ŋɔ, “Waa nɔ ɛ kpela, nyosone bɛlbwa toole a ta. N Naa Korowii o fa aa ir keamere nɛɛ la, onee tom mɛ ásɛ n ba baɡle waa aa dɛ ba ɛɛ taraken la, ásɛ o bonɔɔna ne toli jemɛ.”

Galaasia 1:12

Nɛwɛnyini laa tɛ mɛ ɡɛ wejema nɔ. Nɛwɛnyini laa baɡ mɛ. Yeesu Kristo ɡbaɡbaa pili a bini baɡ mɛ dɛ ɡel n jemɛ a wa.

Emɔs 3:7

Nemenɛ Korowii aa waanee ɛ, dɛ o ta a bini pile baɡle o bonɔɔna baa ɛ o keamere.

Ɛfesos 3:3

O ɡbaɡbaa pili o wesɔɔhla waa bini baɡ mɛ. N fa chwerɛ ɡɛ waa nɔ tama dɛ tɛ heya.

Wepila 1:19

Chwerɛ waa haa naa nɔ, ne anɔ la aa lole taraken, ne anɔ la aa dɛ ba bala anɔ nɔ habɔɔ.

Daneɛl 9:23

Gɛ saŋ haa dena pa mun dɛɛ soŋe Korowii la, o no he wesoŋa la, asɛ n ŋɔ ń ba bol he be, dɛkalkɛ Korowii dɛ nyin he waa taeh. Anomanta, cheɡ deŋne kɛrɛdɛ no wepila maa dɛ ba a mun baɡla tɛɛ nɔ.

Wepila 1:9

Menee Jɔn maa ɛ he dɔŋ, dɛ koh pɛɛ ya bwa ne Yeesu Kristo aa pɛa la waa dɛɛ na wahala, dɛɛ tomɛ Korowii o Kora ta, dɛɛ lawɛ bambile wobɛlbwa ta la. N lɔ ekwi harɛ baa dɛ yerɔ Patmɔs la ta, bela baa koah kɛŋɔ n bol Korowii Waa dɛ ɛ Yeesu danseɛ dɛ laɡ mɛ ka ta la.

Amanesoma Jɔn Aa Chwera Tɔn 3:32

Waa o siwi aa naa ne waa waa noa Korowii be laanee wɛɛ bol, kɛ nɛwɛnyini aa o be no.

Daneɛl 9:21

N ta aa lɔ n wesoŋa ta la, nyundua torome Gebreɛl n fa aa nao wepila aa tɔ sie ta la iro kpɔ nyundua wɔrɔbe nɛɛ dɛ ba n be. Dɛ jɔmɔr saraha saŋ telo.

Amanesoma Jɔn Aa Chwera Tɔn 15:15

Maa heyaa n bonɔɔna yerɛ kpa, dɛkalkɛ bonɔɔ naa won jemɛ o nomoa waa bini. N daamanaree mɛɛ yerɛ heyaa name te, dɛkalkɛ n ɡelɔ he jemɛ wobɛlbwa maa noa dɛ le n Mɛɛ be.

Daneɛl 8:16

asɛ n no nomɛl taa Ulai Moo la nyoa o ŋɔ, “Gebreɛl, baɡle baa nɔ o wepila waa naa la mun.”

Yela 25:14

Nɛra baa dɛ duu Korowii la, o kpɔ ba ɛ o daamanar, o ɡelɔ o ne ba fɔo baa fɔwa la che kiŋkiŋ.

Wepila 4:1

Anɔ bwa habɔɔ la, n nao kɛŋɔ doonyoa bɛl pilo ta Korowii bwɛɛ la ta, dɛ no taa bɛl n fa aa noo kɛŋɔ bɛla la. Taa la ŋɔ n be ŋɔ, “Teeh ba bonɔ ń baɡle waa aa dɛ ba ɛɛ anɔ nɔ habɔɔ.”

Amanesoma Jɔn Aa Chwera Tɔn 12:49

Dɛkalkɛ n ɡbabir kpeɡri ne laa mɛɛ bol waa nɔ. N Mɛɛ waa tom mɛ laanee do mɛ dɛ chaɡ mɛ ɡɛ maa bol o wa.

Amanesoma Jɔn Aa Chwera Tɔn 8:26

N fe dɔ he waa dɛ bol kohona he di bolchɔɡe a ta, kɛ maa bol. Naate waa tom mɛ la waa dɔ kasinteŋ nomanta, n wobɛlbwa maa bol nɛra be la ɛ waa aa le o be.”

Wepila 21:2

N berɔ na Korowii bwɛjen Jerusalamfale o le Korowii be dɛɛ ba harɛ. Korowii kwaaro kɛrɛdɛ kɛŋɔ hanfale yon kpɔ o te dɛɛ ba o jaa be la.

Tɔn Pɔɔl Aa Chwerɛ Rom Tena 16:25

Hé ɡel ya jam Korowii. Wɛɛ wonoo ɡel he che kiŋkiŋ Yeesu Kristo Amanesoma maa dɛ bol he be la ta. Korowii pili a ɡɛ waa nɔ bini. Anee fa ɛ wesɔɔhla saŋ la bwa la,

Amanesoma Jɔn Aa Chwera Tɔn 17:8

N bol waa haa baɡ mɛ la baɡ ba, asɛ ba sɛh a ta. Ba jemɔ kɛrɛdɛ kɛŋɔ he bee n le ba, dɛ yarada kɛ henee tom mɛ.

Taetos 1:1

Men Pɔɔl maa ɛ Korowii bonɔɔ dɛ berɛ ɛ Yeesu Kristo torome la, men chwerɛ tɔn nɔ. Korowiirii lee mɛ dɛ ŋɔ mɛ́ɛ cha nɛra waa lee ba tɛ o te la, ásɛ ba yarada kaa sie ba won jemɛ o kasinteŋ la, dɛ́ che a ta tomɛ Korowii.

Wepila 5:7

Pebie la kaa laa tɔn la lɛ naate waa soɡe kookara la ta la nɔndiɡ ta.

Wepila 17:1

Belaa nyundua toroma banuanɛ baa kpoŋe loɡa anuanɛ la bɛl ŋɔ n be ŋɔ, “Ba ń baɡle ɡɛ Korowii aa dɛ ba jwamane te tenten la deŋne tɛra. O soɡe neerare nyoo.

Wepila 19:9

Anee nyundua torome la ŋɔ n be ŋɔ, “Chwerɛ waa nɔ bil. Nɛra baa yer ba ŋɔ bá ba di Pebie la hanfale kwaa la na som,” dɛ́ berɛ ŋɔ, “Korowii wobolee, a ɛ kasinteŋ.”

Wepila 19:10

Belaa n ɡuŋi o sie, dɛ fee ŋɔ n duuru, asɛ o ŋɔ n be ŋɔ, “Bɛ ɡɛ ɛ. N ne hen ne he bala la baa lawɛ Yeesu waa bini la bwa ɛ o bonɔɔna. Korowiirii chɛ kɛ he duu. Yeesu waa waa baɡla laanee ɛ keamere la bwa wobol.”

Wepila 21:9

Belaa nyundua toroma banuanɛ la ba fa aa kpoŋe loɡa hɔhɔrɔwa bele anuanɛ aa ka mun la aa su a bwa la bɛl ba, dɛ ba ŋɔ n be ŋɔ, “Ba ń baɡle Pebie la hanfale la.”

Wepila 22:1

Belaa nyundua torome la baɡ mɛ moo bɛl waa pala dɛɛ le Korowii ne Pebie la kookara la ta. Nee la dɔ mkpa dɛ do ɡereŋ ken,

Wepila 22:8

Men Jɔn, menee no waa nɔ dɛ naa. Maa noa dɛ naa la, n ɡuŋi nyundua torome waa baɡ mɛ waa nɔ la sie, dɛ fee ŋɔ ń duuru,

Wepila 22:9

asɛ o ŋɔ, “Bɛ ɡɛ ɛ. N ɡba ɛ Korowii bonɔɔ la bɛl kɛŋɔ he ne he bala keamere la ne nɛra la bwa baa dɛ no tɔn nɔ bini waa nɔ. Korowiirii chɛ kɛŋɔ hé duu.”