Wejereme 8:9 - mzwDBL

⁹ N na a ɡɛ waa nɔ bwa, asɛ n lii waa baa dɛ ɛa harɛ nɔ ta bwa. Nɛra bane dɛ di kpeɡri, asɛ bane ɡe do ba lɔɡa ba bwara ɛɛ nyɛɡ.

Wejereme 8:9 Referans Kwoze

Wejereme 5:8

He na nomɛl waa nyaa, baa wola o waa bolɛ dɛɛ tɛo aŋwɛnɛ ta, dɛɛ fiiɡu harɛ la ta naa, bɛ ɡel á kpo he nyoa. Nomoa bɛlbwa lɔ o dɔŋ waa ɡwaalo lɔɡa, asɛ ba bwa habɔɔ, nomonome bane ɡe ɡwaa ba.

Wejereme 5:13

N na wedoŋa ane ɡe harɛ nɔ ta, nɛra yon pa ba kondɔɔh sɔh kɛ aa ban cha,

Wejereme 7:25

Anomanta, n kpɔ n liire bwa do a ta, dɛ́ won jemɛ a mun, dɛ́ nyiŋi wejema ne ŋwɛnɛ aa cheɡɛ a ta waanee yon dɛɛ ɛ, dɛ́ na ɡɛnewaa aa lɔ nyubinikpeɡ ne ɡɛna ta.

Wejereme 3:10

N na wekpeɡa Korowii aa kpɔa ba dawɛ nɛwɛnyina nɛ.

Wejereme 1:14

N na komɛlbwa nɛra aa dɛ ɛa harɛ nɔ ta, a bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Mmarare 2:30

Kooro Sihon ta yaa ŋwɛnɛ tɛɛ ya kpɔ o harɛ ta dɛ kaa. Dɛ Korowii ɡelɔ o deŋne do kpeɡri wɛɛ lɛ ɡaeh, ɡɛ aa ɛ ásɛ ya won pɔ o nɛɛ dɛ́ lɛ harɛ haa lɔ o ta fini nɔ.

Kaala 14:28

Nee la palɔ dɛ ba tɔ o laa tena la bwa nɛ. Kwaa aa do kɛŋɔ torɔɡo ne nɛra baa soɡe jaɡre ta dɛɛ ti Israel tena la bwa ka mpo la bini, beŋkpoŋ kwaraa ta kae.

2 Koranar 25:7

Ba kpoo Kooro Sedekia bibaala o siwi ta, dɛ foromi o ɡe sibie, dɛ doo ayaawa jɔɡrɔre, dɛ kpɔɔ kaa Babelɔn.

Wejereme 3:16

N berɔ na waane harɛ nɔ ta ja, nyubinikpeɡ chiɡ kasinteŋ bole pae naa ta, wechɔɡa ɡe chiɡ waa aa toɡra naa ta.

Wejereme 4:1

N berɔ nyiŋi dɛ na fiiɡa nɛra aa dɛ fiiɡi ba dɔŋa harɛ nɔ ta. N na nɛra baa dɛ fiɡ ba siniire, kɛ nɛn toole dɛ́ larawe ba bwara, dɛkalkɛ, nɛra baa dɛ fiɡ ba la nɔn taa kpeɡri ka di.

Wejereme 7:7

He ɛ wejereme dɛɛ faah nɛra aa, he do kɛŋɔ ɡɛne. He sɛoh baa yawɛ sen ɡe aa, nɛnchɔɡee hɛɛ ɛ.

Wejereme 5:7

Deera kohona ne wobol kohona ta mun dɔe. Anomanta, a chɛ kɛ hɛɛ ɔmɛ Korowii.