Wejereme 8:12 - mzwDBL

¹² A lole kɛŋɔ wechɔɡ-ɛɛ ɛɛ won ɛ wechɔɡa kera lafa dɛ́ ta so biɡri. Kɛ n jemɔ kɛŋɔ nɛra baa dɛ ɔmɛ Korowii dɛɛ duuru la, wobɛlbwa ɛɛ do werii tɛɛ ba.

Wejereme 8:12 Referans Kwoze

Yela 37:11

Nɛra baa pwɛr ba te la, ɛɛ so harɛ la taa, dɛ́ dɔ deŋnesɔɔhna kohona.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.

Wejereme 7:15

N soɡa maa soɡa aa wola mun dɔe nɔ, webele anɛ aa teŋa nɔɔ n na, nɛn o wa aa toɡra dɛ́ sewɛ o wedɛɛɡa ɛɛ wa, ásɛ nyubinikpeɡ te so dɛ́ biɡri o wechɔɡa ta.

Wejereme 3:14

N jemɔ kɛŋɔ komɛlbwa Korowii aa ɛ la, ɛɛ do lee saŋ bɛlbwa dɛɛ la. Nɛn aa won kpɔ ane ja kɛɛ dɛ́ laa ane kpɔ a ta. Korowiirii ɛa ɡɛ, ásɛ nɛwɛnyina kpɔ duure tɛo.

Tɔn Pɔɔl Aa Chwerɛ Rom Tena 9:22

Gɛɛ a do Korowii be. Nɛwɛnyina ɛ o viine waa maa. Bane chɛ chɔɡa. O ma bane ɡe ásɛ ba ba na som o be. Dɛ o fe dɛ nyin o baɡle o bandia nɛra baa chɛ chɔɡa la nɛɛ dɛ́ ɡel nɛra na o kpeɡri, kɛ o lawɛ bambile,

Amanesoma Luk Aa Chwera Tɔn 1:50

Nɛra te bwa baa dɛ ɔmɔ la, o dɛ na ba sum, dɛɛ na ba biirere sum, dɛɛ na ba ɡe biirere ne ba naanar bwa sum.

Tɔn Pɔɔl Aa Chwerɛ Rom Tena 2:5

He deŋne kpeɡri. Haa ɡelɛ he tea bini ɛɛ chɔɡ he wechɔɡa wa. He ɡelɔ Korowii bwaawee ɛɛ do kan he nɛɛ tɔpere bɛlbwa. Awola waa ba pa bole kasinteŋ ne la, o baah ɛɛ di he nɛɛ taeh.

Matiu 25:34

Belaa mɛɛ ba n ŋɔ banɔ la baa lɔ diɡ ta la be ŋɔ, ‘He banɔ n Mɛɛ aa swee andɛɛɡa tɛ heyaa la, hé ba di kora waa le harɛ mumpar dɛ kwaa cheɡ heyaa la,

Wejereme 7:18

Lawɛ a bwa bini kpoŋe, dɛ bɛ ɡel bɛlbwa le he nɔn ta. Naate waa dɛ ɔmɛ Korowii ɛɛ won le ɡɛ waa nɔ bwa nyoa.

Wejereme 5:16

Waa aa teŋa nɔ ɡe ɛ wedoŋa kohona. Gɛ baa lolɛ nɛn o ba harɛ nɔ ta la, ɡɛɛ wɛɛ kaalo. Bɔkwa tɔnɔɔ wɛɛ ba dɔe, o koeh waa dɛ koh pɛɛpɛɛ ta nɔ?

Sɛɡla 13:21

Wechɔɡ-ɛɛra ne waa bobɛlbwa, kɛ nɛra ba wa aa toɡra te, wedɛɛɡaa ɛ ba kembɔr.

Yela 115:13

Wɛɛ swee andɛɛɡaa tɛ nɛra baa dɛ tomɔ, nɛnjena ne nɛmpɛɛne bwa.

Yela 112:1

Hé kpɛɛ Korowii! Nomɛlbwa waa dɛ tomɛ Korowii, o sie ɛɛ lɛ o Mmarare ta kohona la, o na som.

Yela 96:9

Hé kpɔ jirima tɛ Korowii Waa Do Goroŋ la. Harɛ nɔ ta nɛra bwa, hé ɔmɔ!

1 Webena 16:30

Harɛ nɔ ta nɛra bwa ɛɛ chel o sie! O ta harɛ o che kiŋkiŋ, waa wola yiiɡi.

1 Koranar 21:25

Nomɛlbwa toole o siwi swɛɛ wechɔɡa ɛɛ Korowii siwi ta kɛŋɔ Kooro Ahab waa teŋɛ o haah Jɛsɛbɛl nyoa wobol ta la.

Mmarare 12:25

He bɛ an di, ásɛ a chiɡ he ne he bii ba taa dɛ ba bala la kɛrɛdɛ. He dɛ ɛ ɡɛ naa, dɛ he dɛ ɛ waa aa wera Korowii be.

Kaala 1:20

Anomanta, Korowii nyiŋi haahna baa dɛ lɛ haahna lol la nɛ, dɛ ɡel Israel tena mun ya kohona.

Mmarare 4:40

Hɛ́ɛ teŋɛ o Mmarare bwa maa dɛ bol he be fini nɔ ta, ásɛ a do wer tɛ he ne he bii ne naanar baa ka ba, ásɛ he won so harɛ waa kpɔa dɛɛ ba heyaa tɛɛ la ta saŋ bɛlbwa.”

Mmarare 12:28

Hé nyiŋi kɛrɛdɛ dɛɛ teŋɛ waa maa ŋɔ he be bwa ta, ásɛ a chiɡ he ne he bii ba taa dɛ ba bala bwa kɛrɛdɛ, ɡɛ haa dɛ ɛ waa aa wera dɛ toɡre Korowii haa dɛ tomɔ nɔ be.

Yela 128:2

Naate ɛɛ di o koeh tɔnɔɔ, dɛ́ na som o wobɛlbwa do wer tɛo.

Wejereme 5:7

Deera kohona ne wobol kohona ta mun dɔe. Anomanta, a chɛ kɛ hɛɛ ɔmɛ Korowii.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Job Tɔn 35:15

Anɔ la aa jaa, he ŋɔ waa nɛra deŋne tɛr o bandia ne, waa sie do kohona wechɔɡ-ɛɛra be.

Sɛɡla 28:14

Nɛn waa dɛ ɔmɛ Korowii la, o na som, kɛ deŋnekpeɡ te ɛɛ ba na waa taeh.

Jeremia 44:10

Hale ba le fini he ta he te pwɛrɛ mɔɔ. Haa men duu kɛɛ dɛɛ teŋɛ me Mmarare maa kpɔa tɛ he ne he naawa la ta.