Wejereme 7:25 - mzwDBL

²⁵ Anomanta, n kpɔ n liire bwa do a ta, dɛ́ won jemɛ a mun, dɛ́ nyiŋi wejema ne ŋwɛnɛ aa cheɡɛ a ta waanee yon dɛɛ ɛ, dɛ́ na ɡɛnewaa aa lɔ nyubinikpeɡ ne ɡɛna ta.

Wejereme 7:25 Referans Kwoze

Wejereme 10:13

Gɛne bol wa aa, a ɛ ɡɛne wobol, a tona bini do kɛ choɡla te wobol.

Wejereme 7:27

Wejereme la ŋɔ, “Hé na, waa maa naa laanee nɔ, n nyiŋi waane bini beŋkpoŋa beŋkpoŋa, dɛ jemɛ ŋwɛnɛ aa cheɡɛ a ta waane yon dɛɛ ɛ.

Wejereme 2:20

Anomanta, n bambile pa mun chɔɡ, koeh bwa maa koah harɛ nɔ ta la wa.

Wejereme 2:15

Belaa n lii kɛŋɔ, “Waa aa pu ɡɛne la ɛɛ won ba n ɡe nɛ. Amɔ dɛ ɛrɛɛ n wejema maa dɔa la dɔ tɔnɔ tɛ mɛ nɔ?” Asɛ n ŋɔ, “Anɔ bwa ɡe ɛ wepuu, a ta mun dɔe.”

Wejereme 2:12

Belaa n berɛ kpɔ liire, dɛ nyiŋi ɡɛ wejema aa doa, ne ɡɛ choɡla ne ɡɛnewaa ɡe aa doa. Bɔkwaa kooro waa baa chiɡ o dɔŋ naa ta, ɛɛ ba wona ɛ á ɡwaa anɔ la sitɔte la aa ɛa ta nɔ?

Sɛɡla 26:11

Gɛ nyoate yon uɡe dɛ berɛ kaa dia la, ɡɛɛ ɡɛne teŋɛ dɛɛ ɛ ɡɛnewa.

Sɛɡla 17:12

He cheme sisire baa pa o bii kaa bɔ ɡɛne waa lɔ o ɡɛne we-ɛɛla ta.

2 Samoɛl 13:12

Asɛ o ŋɔ o dɔɔ be ŋɔ, “Akai, bɛ men ɡuɡri. A ɡɛ waa nɔ ta chɛ kɛ bá ɛa Israel harɛ nɔ ta! A ɛ wedoŋa kohona.

Josua 7:13

Ir la nɛra la be, dɛ́ ka sɔ ba doŋa bɛlbwa aa lɔ ba nɛɛ ta. Ŋɔ ba be ŋɔ bá sɔ ba doŋa ta dɛɛ kpa kere. Ŋɔ men Korowii Israel tena aa dɛ tom mɛ la ŋɔ, kwaa maa ŋɔa he le cheɡ mɛ la lɔ he be. Haa won che he dɔma sie dɛ he ta a ne leɛ.

Mumpar 34:7

dɛ Jekɔb bii la ɡe denɔ le kpɔɡ bini ba. Baa baa no waa la la, a we ba nɛ, asɛ ba baah di kohona kɛŋɔ Sɛkem aa ɛ wedoŋa dɛ nyiŋi Israel tena nyubaah kɛŋɔ waa ɡuɡri ba nimambie o ne o chɔ la.