Wejereme 7:16 - mzwDBL

¹⁶ Bɛ ɛ kɛŋɔ he waa toɡrɔ kohona, kɛɛ he jemɛ waa kohona, dɛ́ chɔɡ he te.

Wejereme 7:16 Referans Kwoze

Tɔn Pɔɔl Aa Chwerɛ Rom Tena 12:3

N cheɡɛ suna Korowii aa sune n nɛɛ dɛ kpɔ o toma do n nɔn ta nɔ ta, dɛɛ ja heyaa kɛ ɡɛ bɛlbwa haa doa la, ɡel ba nae ɡɛ. Bɛ́lbwa pwɛr o te, dɛ́ won jemɛ waa Korowii aa tɛo yarada ŋɔ ó kpɔ ɛ.

Sɛɡla 25:16

He dɔ tooh naa, di anɔ la aa maɡre he ne, a kohona dii ɛɛ ɡeloo he dɔ weela.

Kolosi 2:18

Dɛ nomɛlbwa dɛ pwah heyaa ŋɔ haa ɡɛ waa teŋe nyosone ŋɔ pwɛraa wɛɛ pwɛr o te dɛɛ tomɛ nyundua toroma la ta teŋaa, he bɛ on dawɛ. Gɛ nɛn nɔ dɛ maŋkura o te kɛŋɔ o dɛ na waa deera ta, dɛɛ yerɛ o te nɛnjen, kɛ pɛɛpɛɛ. Nɛwɛnyini liire taa wɛɛ teŋɛ,

Kolosi 2:23

Kpela, nɛra ɛɛ dɛɛ duu nɛra baa dɛ teŋɛ ɡɛ waa nɔ ta la kɛ ba ɛ wejerema, dɛɛ lii kɛŋɔ ba Korowii toma aa swɛɛ ba siwi kohona waa baa pwɛr ba te dɛɛ ha ba bwadabii la. Kɛ a bwa ɛ pɛɛpɛɛ. Aa won ɡel nomɛlbwa lawɛ o te dɛ́ ɡel wechɔɡa ɛɛ.

1 Kɔrent 3:18

He bɛ he te dɛɛ neɡre. Dɛ he bini bɛl lole dɛɛ lii kɛŋɔ o dɔ harɛ nɔ ta wejema aa, ó ɛ o te ɡɛne ásɛ dɛ dɔ Korowii wejema tenten.

Wejereme 12:12

N bie, nyiŋi kɛrɛdɛ dɛ bɛ wobɛlbwa kpɔ ja a ta. Tɔne chwera ta jaɡa dɔe, kwaa hwela kohona ɡelɔ nɛn ɛɛ ɡwɛɡre.

Mumpar 3:6

Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di.

Amanesoma Luk Aa Chwera Tɔn 18:12

N dɛ vɔwɛ nyoa tɔpera anɛ yawanyoa bɛlbwa ta, dɛɛ bɔne kwaa maa dɛ dɔ bwa bini bɔre fi dɛ kpɔ beŋkpoŋ dɛ baa tɛ hen Korowii.’

Sɛɡla 23:4

Bɛ kondɔɔh waa koh dɛ́ chɔɡ he te, ɡel a ɡɛ liire la, dɛ́ jemɛ he te lawa.

1 Timoti 4:3

Gɛ nɛra nɔɔ vala dɛɛ chaɡle nɛra ŋɔ aa were kɛ baa mo haah kɛɛ haah yalɛ la, dɛ berɛ ŋɔ kondikwaa ane aa were kɛŋɔ nɛra di la. Kɛ Korowiirii ta ɡɛ kondikwaa nɔ ŋɔ bánɔ la baa jemɛ kasinteŋ waa la dɛɛ yaradao la kpɔ jam tɛo dɛ́ dia.

Felepae 3:6

Ba dɛ nyin nɛn o siwi fa aa swɛɛ a ta naa, menee, dɛkalkɛŋɔ n fa cheɡɛ Yeesu habɔteŋra la nɛɛ taeh. Dɛ ba berɔ dɛɛ nyin nɛndɛɛɡe Mmara la be pera ɡe aa, n waa bwa toɡrɔ.

1 Kɔrent 3:20

Ba chwerɛ o bobɛl ɡe ŋɔ, “Korowii jemɛ harɛ nɔ ta wejerema liire kɛŋɔ a ɛ wepuu.”

Tɔn Pɔɔl Aa Chwerɛ Rom Tena 11:25

Yabala, wesɔɔhla anee mɛɛ nyin kɛ he jemɛ, ásɛ dɛ jemɛ kɛŋɔ wobɛlbwa laa he den jemɛ. Anee kɛŋɔ Israel tena nɔ bane deŋnekpeɡ baa dɛ ɛ nɔ, ken laa aa ba kae. Nɛra baa wola Israel tena ɛɛ Korowii ɛɛ nyin kɛ o lɛɛ ba la, ba tel ɡɛ del waa dɛ nyin la aa, Israel tena ɛɛ ɡel ba deŋnekpeɡ nɔɔ.

Matiu 9:14

Jɔn waa dɛ sɔ nɛra Korowii nee la habɔteŋra ɡe baa pɛɛ Yeesu ŋɔ, “Ɛrɛ waa ya ne Farisii tena nɔ te yon dɛɛ vɔwɛ nyoa, asɛ he te habɔteŋra nɔ te aa wola nyoa vɔwɛ kwaraa nɔɔ?”

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Job Tɔn 11:12

Gɛne ne wejema dɔe la, dɛ ba wono dɛɛ kpɔɡ bini ol o berɛ dem kon.

Wepila 18:19

Ba loo ɛɛ kuu, bá ɛ teera ta ba nyuune ta, dɛ́ɛ wiu dɛ́ɛ dooɡe lɔŋɔre, dɛ́ ŋɔ, “Akwe! Akwe! Waa pu bwɛjen kondɔɔh aa su o bwa, dɛ ɡel nɛra baa dɔ stiimaere do mpo ta berɛ dɔɔhna la. O paŋɛ komɛlbwa dɔŋhwere beŋkpoŋ.

Tɔn Pɔɔl Aa Chwerɛ Rom Tena 10:2

Kasinteŋ, n wono bol ba waa kɛŋɔ ba Korowii toma swɛɛ ba siwi te, kɛ baa on tomɛ aŋwɛnɛ ta.

Matiu 23:38

Anomanta, Korowii ɛɛ ta he waa tɛ heya.

Matiu 23:29

Hé bwɛɛlɛ, Tɔnjerema ne Farisii tena, nɛra haa nyiŋi nɛra sie mɔɔ dɛɛ ɛ wa! Heyaa yon kwaa bela baa huɡe Korowii keamere a do wer. Nɛndɛɛɡa baa serewa la ɡe, he yon kwaa ba ŋwama a do wer ken,

Matiu 23:5

Ba we-ɛɛla bwa la, nɛraa baa nyin kɛ bá na ba dɛɛ tɛɛ ba duure. Gɛ nɛra yon chwerɛ Korowii wobol dɛ kpɔ vɔwɛ ba tili ne ba vaama ta la, hé na ɡɛ ba te kwaa yon do paɡri. Hé na ɡɛ ba batakaani nyoo jɔɔra aa dɛ do jaŋne.