Wejereme 7:14 - mzwDBL

¹⁴ Waane kaalɔ dɛɛ tɛɛ kɛrɛdɛ naa, ɡel he sie lɛ, kɛ dɛ wenaale bɛlee tenaa, lii kɛŋɔ, Korowiirii ba silɛɛ ne, dɛ berɛ ba wenaale ɡe ne. Anomanta, nomɛlbwa aa won jemɛ ɡɛ aa chiɡu kerekere.

Wejereme 7:14 Referans Kwoze

Wejereme 3:22

Anomanta, n nao kɛŋɔ waa nɛwɛnyini aa ɛ laanee kɛŋɔ, ó ɡel o sie lɛ toma waa ɛa dɛ dɔ kwaa la ta, dɛkalkɛ anee ɛ kembɔr aa chɛ kɛ ó dɔ. Umee dɛ́ won jemɛ o seo habɔɔ wa ɔ?

Wejereme 3:4

Wii tɔpere lole, mama ɡe dɔ o tɔpere, suna dii tɔpere lole, silɛɛ ne hɛɡra ɡe dɔ a tɔpera,

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Mmarare 28:47

dɛkalkɛŋɔ he ta silɛɛ ne bambidɛɛɡe kpɔe tomɛ Korowii saŋ waa ɡela he do wer wobɛlbwa ta la.

Mmarare 8:3

O ɡelɔ lɔr kpo heyaa he pwɛr he te, asɛ o tɛ heyaa kondikwaa ane baa dɛ yera maana la he di, kondikwaa he ne he naawa aa wola an jemɛ bwa. O ɛ ɡɛ dɛ ɡel he jemɛ kɛŋɔ kondikwaa ɡbo laa dɛɛ tɛ nɛn mkpa. Waa Korowii aa dɛ bol la bwa ɡe dɛ tɛ nɛn mkpa.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Jems 5:13

Dɛ sibeɡrewaane pu bɛlbwa naa, wɛ́ɛ soŋe Korowii. Dɛ silɛɛ waane ɡe pui naa, ɡo yela dɛ́ kpɛɛ Korowii.

Matiu 9:13

Hé ka kwaa hweli waa baa chwera bil heyaa ŋɔ, ‘He dɛ na he dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ’ la. Nɛra baa dɛ lii ba te nɛndɛɛɡa waa laa n ba. Wechɔɡ-ɛɛra waa n ba, ásɛ ba charɛ ba liire.”

Maeka 6:9

A ɛ wejemwa kɛŋɔ hɛɛ ɔmɛ Korowii. O dɛ yerɛ nɛra baa lɔ bwɛjen Jerusalam ŋɔ, “Hé no, he nɛra haa baa cheme bwɛjen la bini!

Jeremia 23:20

Korowii bandia la nyoa aa sɔɔh, ka tel kɛŋɔ waa ɛ o tetoowa tonɛ. Tɔpera ane dɛ ba bala, ásɛ mɔɔ he no waa nɔ mun kɛrɛdɛ.

Yela 119:71

A wer kɛ maa dɔ deŋnetɛra, dɛkalkɛ a ɡelɔ n won hweli he waa la.

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

Yela 40:3

O kpɔ yelfale do n nyoa, kpɛɛra yel waa dɛ baɡle kɛŋɔ, Korowii yaa dɛ tomɔ la kan. Nɛra ɡalɡa ɛɛ na waa waa ɛa, dɛ́ kpɔ ba te dawɛ o nɛ.

Aesaya 42:25

A waa o ɡel o bandia waa kana kohona ba ba nɛ, dɛ ɡel ba na waa laa ta. A do kɛ o mar nii bar Israel harɛ ken, kɛ ba ta kpɔe do ba nyu bini. Nii la nyaa ba, kɛ ba ta wobɛlbwa ɡe hwele dɛ le a ta.

Wejereme 12:8

Wejereme la ŋɔ, “A bwa ɛ wepuu, Wobɛlbwa ta mun dɔe.”

1 Koranar 8:47

hale ba lɔ ba dɔma la harɛ ta, dɛ charɛ ba liire dɛ sɛh ba wechɔɡa dɛ ŋɔ, ‘Ya ɛ wechɔɡa, dɛ ɛ waa aa wola were.’

Mmarare 8:5

Hé jemɛ kɛŋɔ, ɡɛ nɛwɛnyini aa dɛ tɛr o bie deŋne la, ɡɛɛ Korowii haa dɛ tomɔ ɡe ɛɛ ɛ heya.

Mmarare 26:11

Ásɛ he ne Lewi dea tena ne hɔɔhra baa lɔ he baah la sie lɛ kondɛɛɡa Korowii haa dɛ tomɔ nɔ aa kpɔa tɛ he ne he dem tena la wa.

Job Tɔn 2:10

Asɛ Job chaŋo ŋɔ, “He dɛ bol ɡɛnewobol. Wedɛɛɡa ɡboo yaa ba dɔe le Korowii be, yaa wola wechɔɡa tenee dɔ aa?” A ɡɛ waa nɔ bwa ta la, o ta waa bolɛ yaɡɛ Korowii bwa.

Wejereme 8:7

Nomɛlbwa aa wola kere waa jemɛ nɔ, umee dɛ́ won baɡlo waa aa dɛ ba bala ɔ?

Wejereme 9:7

Kaa ka di kondikwaa dɛ́ nyɔ sen silɛɛ ne, kɛ taraken Korowii sie dɛ lɛ waa haa dɛ ɛ ta.

Wejereme 10:14

Gɛne wobol warɔ, aa tonɛ bwa. Nomɛlbwa aa jemɛ waa aa dɛ ba bala kerekere. Umee dɛ́ won baɡle waa aa chiɡ ya seo habɔɔ?

Wejereme 11:9

He ta ɛ bonɔɔ naa, ɡel he sie lɛ, dɛɛ di he bwara he bonɔɔne saŋ. Dɛɛ teŋɛ waa he bambile aa dɛ nyin, ne komɛlbwa haa na ta. Kɛ jemɛ kɛŋɔ Korowii ɛɛ ba bol a bwa waa, dɛ́ pa bole.

Wejereme 5:17

O soɡa bini bwa do kɛŋɔ nɛn waa soɡe biro ta ken, o liire chɔɡ, dɛɛ na wenaale kohona o baah di.

Wiile 3:38

Nemenɛ Korowii nyoa laa wechɔɡa ne wedɛɛɡa bwa do aa?