Wejereme 7:12 - mzwDBL

¹² Wejema dɛ tɔ nɛn nɛ, kɛŋɔ suuɡa aa won nɛn lɛɛ la ken. Wejema dɔe kohona ɛɛ won ɡel naate la so sodɛɛɡa, dɛ́ dɔ mkpa.

Wejereme 7:12 Referans Kwoze

Sɛɡla 8:35

Nomɛlbwa waa na mɛ la dɔ mkpa, Korowii tea ɛɛ too o nɛɛ.

Sɛɡla 3:18

Nɛra baa dɔ wejema la, ba na som, o dɛ tɛ mkpa kohona.

Sɛɡla 2:7

Onee dɛɛ cha nɛn o wa aa toɡra, dɛɛ tɔ nɛn o ŋwɛnɛre aa wera ɡbemɡbe.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Amanesoma Jɔn Aa Chwera Tɔn 12:50

N jemɔ kɛŋɔ o waa la dɛ́ tɛ mkpa aa wola jaɡa dɔe, anomanta, anɔ la waa bol n be laanee n ɡee bol.”

Sɛɡla 11:4

Kondɔɔh ta tɔnɔ dɔe seo tɔpere, kɛ he waa toɡrɔ aa, a dɛ lee seo ta.

Sitɔɔla 9:15

Asɛ o ŋɔ, ‘He dɛ nyin kɛ he cheɡ mɛ kooro aa, hé ba sɔh n chunchule ta. Dɛ ɡɛ laa tenaa, mɛɛ ɡeloo nii le dɛ́ ba fuh peleme daa aa lɔ Lɛbanɔn harɛ ta.’ ”

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

Aesaya 33:6

Wɛɛ ɛo kɛŋɔ dea mumpar waa kpeɡa dɛ tɛ heyaa he saŋ, dɛ́ lɛ heya dɛ́ tɛ heya wejema ne waa mun noe kohona saŋ bɛlbwa. O ɔma taa hɛɛ ba cheɡa, dɛ́ dɔ ɡɛ waa nɔ bwa.

Aesaya 32:2

Ba bɛlbwa ɛɛ doo kɛŋɔ bɔr dɛ peu dɛ ta aa, he chwa ka jo, dɛ́ berɛ do kɛ bɔr dɛ bwaala peu dɛ ba naa, he chwa ka sɔh. Ásɛ pua hɛŋle ɡbo harɛ ta ɡe neerare aa chɔ o ta, do kɛŋɔ bwetal waa dɔ chunchule, dɛ che bela daa a wola toole.

Sɛɡla 9:11

Menee Wejema, he teŋɛ n nɛ aa, hɛɛ dɔ mkpajaŋee.

Sɛɡla 2:11

He waa mun noe ne he wejema ɛɛ nyiŋi he nɛɛ,

Yela 57:1

N Naa Korowii, na n sum, dɛkalkɛ henee n chwa baa marɛ dɛ dɔ bosɔɔhna. He lɔɡaa n chwa baa sɔh, kɛŋɔ jal yon lawɛ o bii do o kena lɔɡre, ka tel saŋ harɛ chɔɡa aa baa kaa.

Job Tɔn 1:10

He kpɔ nɔn tɔ o ne o dem tena ne komɛlbwa waa dɔa nɛ. Dɛ swee andɛɛɡa tɛo o toma bɛlbwa ta, dɛ ɡel o kondɛɛra ya perɛ harɛ la bwa ta.

Mmarare 32:47

Gɛ waa nɔ ta wepuu ɛɛ, a ɛ waa haa che a ta dɛ́ dɔ he nyu. Hé teŋɛ a ta, aa ɡeloo he dɔ mkpajaŋ harɛ waa lɔ Jɔɔdan Moo la baŋ hɛɛ la dɛ ka so o ta la ta.”

Aesaya 30:2

Ba ta men bɔɔrɛ no dɛ chiɡ ŋwɛnɛ ta dɛ la Ijipt harɛ ta, dɛ ka marɛ Ijipt kooro ó tɔ ba nɛ, dɛ́ lee ba le ba dɔma nɔn ta.

Sɛɡla 14:20

Nyaa dɔŋ kwaraa laa sie dɛɛ kpɔ o nɛ, suuɡatee dɔ chamene tena warɛ.

Wejereme 2:13

N nao kɛŋɔ wejema wer ɡwaa ɡɛna, ɡɛ bɔr chaahna aa do wer ɡwaa biro la.

Wejereme 7:19

Wejema ɛɛ won ɡel nɛmbeŋkpoŋ di kpeɡri, dɛ́ ɡwaa koranar fi baa lɔ bwɛjen ta.

Wejereme 9:16

Anomanta, n ŋɔ, “Wejema ɡwaa kpeɡri.” Kɛ baa la waa nyaa dɛ dɔ wejema la, nɛra ta on bui, nomɛlbwa ta o waa kwaraa liire kpa.

Wejereme 9:18

Wejema wer ɡwaa dɔmkwaa baa dɛ yo ane, kɛ ɡɛne beŋkpoŋ ɛɛ won chɔɡ waa aa wera kohona.

Wejereme 10:19

Kondikonjena dii dɛ ba silɛɛ ne, asɛ sen nyɔe ɡee ba hɛɡra ne, kɛ he ta suuɡa dɔe yaa, haa won ɛ a bini bɛlbwa.