Wejereme 4:16 - mzwDBL

¹⁶ Nɛra kooro aa dɛɛ di kora ba nɛɛ ta nyoa dɔe, kɛ dɛ o baa sewaa, nomɛlbwa sie aa o waa waa ɛa taa lɛ. Anɔ ɡe ɛ wepuu, a do kɛŋɔ nɛn aa dɛ loo vii habɔɔ, dɛ ɡel o bini la ken.

Wejereme 4:16 Referans Kwoze

Wejereme 1:14

N na komɛlbwa nɛra aa dɛ ɛa harɛ nɔ ta, a bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 2:17

A ɡelɔ n ta silɛɛ bɛlbwa n soɡa bini dɔe kpa, dɛkalkɛ wenaale ɡboo a kpɔ ba ta n nɛ. A bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

1 Koranar 1:40

Nɛra la bwa teŋɛ o nɛ dɛɛ hoh kalipere dɛɛ hɛɡre kohona, asɛ harɛ bwa ɛɛ jiɡri kohona.

Wejereme 2:26

Korowiirii dɛɛ tɛ nɛn o wa aa dɛ lɛ o sie wejema ne liire dɛ silɛɛ, kɛ wechɔɡ-ɛɛ te, o ɡelɔ wɛɛ ɛ toma dɛɛ boa o kondɔɔh nyoa cheɡ tɛ nɛn o wa aa dɛ lɛ Korowii sie. Anɔ bwa ɡe ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini la ken.

Wejereme 2:11

Kɛ maa kari waa bwa maa ɛa, ne kwaa maa koah dɛ dɔ la, dɛ komɛlbwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken, komɛlbwa ta tɔnɔ dɔe harɛ nɔ ta.

2 Samoɛl 19:9

Dɛ Israel tena la bwa dɛ tɔŋle dɔŋa ŋɔ, “N naa kooro lɛ yaa le ya dɔma nɔn ta, dɛ́ lɛ yaa Filisti tena ɡe nɔn ta, kɛ o berɔ koh Absalɔm wa, dɛ chwa le harɛ nɔ ta.

Wejereme 4:15

N nao kɛŋɔ nɛra baa soɡe harɛ nɔ ta bwa, teŋɛ bonɔɔ baa lawɔ o ba chiɡ kooro naa ta la nɛ.