Wejereme 3:2 - mzwDBL

² Bie lola dɔ o tɔpere, seo ɡe dɔ o tɔpere, kwaa dui saŋ lole, a fuɡra ɡe dɔ a saŋ,

Wejereme 3:2 Referans Kwoze

Hibru 9:27

Kerabeŋkpoŋii nɛwɛnyini bɛlbwa ɛɛ ba sewa, ásɛ a habɔɔ la, Korowii bol o waa dɛ́ pa bole.

Job Tɔn 14:5

He tɔ sie jemɛ ɡɛ nɛn aa so ka tel, dɛ jemɛ korobie aa lɔ o soɡa la ta. He maɡa ɡɛ bil aa wola charɛ.

Galaasia 4:4

Korowii Tɔpere La aa tela la, o tomɛ o ɡbaɡba Bie, asɛ nɛŋhaah lolɔ harɛ nɔ ta, asɛ o ɛ nɛra baa dɛ teŋɛ Mosis Mmara ta la bɛl.

Amanesoma Luk Aa Chwera Tɔn 1:20

Kɛ haa wola n waa nɔ yaradae dɛɛ tɔŋ mɛ nomanta, hɛɛ berɛ amumuu dɛ́ ka tel kɛŋɔ waa nɔ bwa aa ɛa dɛ ɛ kpela mɔɔ he won bol wa. Jemɛ kɛŋɔ waa nɔ maa bola nɔ saŋ telaa, a bwa ɛɛ ɛo kɛrɛdɛ ken.”

Matiu 15:13

Anee Yeesu chaŋ ba ŋɔ, “Daa te bɛlbwa n Mɛɛ waa lɔ nyundua la aa wola on due la, baa huɡruu ta.

Amanesoma Jɔn Aa Chwera Tɔn 16:21

Dɛ lol tea lɔ haah naa, o tea bini dɛ chɔɡ, dɛkalkɛŋɔ o bonyɛɡa saŋ telo. O baa lolɛ tonaa, o dɛ soh o bonyɛɡa la, ásɛ o sie berɛ lɛ kɛŋɔ waa lolɛ bie ba harɛ nɔ ta.

Aesaya 38:1

Aa ba dɛ la sie la, weela lɔ Kooro Hɛsɛkea wɛɛ ba sewa. Asɛ Emɔɔs bibaa Korowii keame Aesaya la o be dɛ ka ŋɔ, “Waa Korowii aa dɛ bol laanee kɛŋɔ, ɛ he dem ne he wobɛlbwa kɛrɛdɛ, dɛkalkɛŋɔ haa he weela nɔ taa ir, hɛɛ chɔ he banɔn taa!”

Job Tɔn 7:1

Job berɔ ŋɔ, “Nɛwɛnyini soɡa bini, tomkpeɡaa chɔ le dɛ tɛo, kɛŋɔ paate waa dɛ ɛ toma la.

We-ɛɛla 7:20

A ɡɛ saŋ nɔɔ ba lolɛ Mosis. Dɛ o wer bonɔɔ kɛrɛdɛ. O nya nyiŋi o nɛɛ korobie atoro mɔɔ dɛ kpɔɔ ka ta.

We-ɛɛla 7:17

Korowii nyobaɡa waa baɡɛ Abraham kɛ wɛɛ lee ba Ijipt harɛ taa dɛ tɛɛ ba harɛfale la aa tela la, ya naawa baa lɔ Ijipt harɛ la warɔ kohona.

Amanesoma Jɔn Aa Chwera Tɔn 7:30

Anɔ nomanta, ba fe dɛ lawɔ, asɛ ba ta wone, dɛkalkɛ dɛ o tɔpere ta tele mɔɔ.

Amanesoma Luk Aa Chwera Tɔn 1:36

Dɛɛ no! He lole Ɛlesabɛt baa dɛ lii kɛŋɔ o hwɛɛhrɔ ŋɔ waa lolɛ la, taraken o jo tea. Korobie anumɛlee nɔ, kɛ o ɡe fe ɛ hambara.

Amanesoma Luk Aa Chwera Tɔn 1:13

Anee nyundua torome la ŋɔ o be ŋɔ, “Sekaria, dɛɛ berɛ ɔma! Korowii no he wesoŋa. He haah Ɛlesabɛt ɛɛ lolɛ bibaalee tɛɛ, ásɛ he pa o sɔn Jɔn.

Matiu 13:41

Men Nɛn Bie la ɛɛ tomɛ n nyundua toromaa ba n kora nɔ ta, bá ba kpɔ nomɛlbwa waa dɛ do nɛra wechɔɡa ta ne wechɔɡ-ɛɛra bwa,

Jeremia 45:4

Belaa Korowii ŋɔ men Jeremia bol Baruk be ŋɔ, “Mɛɛ taɡɛ komɛlbwa maa mao ta harɛ, dɛ́ fuɡri komɛlbwa maa duu ta, harɛ nɔ ta bobɛlbwa.

Jeremia 1:10

Na, n lee fini dɛ tɛɛ kpeɡri harɛre nɛra bwa nɛ, hé fuɡri dɛ́ kuuɡi dɛ́ chɔɡ, dɛ́ berɛ laɡ ba ir dɛ́ du, bá kpeɡ kɛŋɔ konduula ken.”

Aesaya 54:1

Korowii ŋɔ, “Jerusalam haa do kɛŋɔ hambara, ɡel he sie lɛ hɛɛ moo, dɛkalkɛŋɔ haah o jaa aa chwao la ɛɛ ba dɔ biirii ɡwaa onɔ la o jaa aa wola on chwae.

Aesaya 38:5

ó berɛ, dɛ́ ka ŋɔ Kooro Hɛsɛkea be kɛŋɔ, “Men Korowii he nabaa Devid fa aa tomɔ la, n no he wesoŋa, dɛ na siniire aa dɛ yɔɔre. Mɛɛ kpɔ bene fi dɛ anuee ja he mkpa ta.

Yela 113:9

O swee hambara andɛɛɡa o dem, o berɛ won dɔ bii o sie lɛ. Hé kpɛɛ Korowii!

Yela 52:5

Anomanta, Korowii ɛɛ chɔɡee saŋ bɛlbwa dɛɛ la, dɛ́ ba jo he dem tɛre le, dɛ́ lawɛ le harɛ nɔ ta.

Job Tɔn 14:14

Nɛn sewaa, wɛɛ won ir dɛ́ dɔ mkpa ja aa? N fe ɛɛ ɛ tomaa dɛ kpa ka tel kɛŋɔ n wenaale bwa aa ba a jaɡa.

2 Koranar 4:16

Elaesa ŋɔ haah la be ŋɔ, “Benanyoa saŋ nɔ dɛ he kpoŋe bibaa.” Haah la ŋɔ, “Akai, n dɔɔ. Korowii keamee hen, bɛ nyosone teŋe tɛ he tolo!”

1 Koranar 13:2

Korowii keame la cheɡɛ Korowii waa ta dɛ kpɔ takpeɡ ŋɔ, “Korowii tom mɛ ŋɔ ń ba bol kon baa dɛ ɛ saraha o ta nɔ wa. O ŋɔ, ‘Baa lolɛ bibaalee ó ɛ Kooro Devid naa baa yerɔ Josia. He taa wɛɛ ba ó kpoo kerekpoŋra baa soɡe voɡa baa cheɡa deŋɡarere ta dɛɛ ɛ sarahare, dɛ́ fuh ba hoɡa he ta.’ ”

1 Samoɛl 2:5

Nɛra ba fa aa dɔ kondikwaa kohona la, ba ɛ toma tɛ ba bala mɔɔ dɛɛ di kwa, banɔ la ba fa aa dɛ chɔ lɔr ɡe dɔ dɛɛ di name. Hambara wono lolɛ bii banuanɛ, onɔ la waa dɔ bibaala kohona ɡe ta dɔe kpa.

Mmarare 34:5

Anomanta, Korowii bonɔɔ Mosis sewɛ Moab harɛ ta bela ɡɛ Korowii aa ŋɔa waa ɡel o la harɛ la ta la.

Mumpar 47:29

O seo tɔpere aa dɛ tel la, o yerɛ Josef dɛ ŋɔ o be ŋɔ, “Kpɔ nɔn do n hwie baah dɛ́ ŋwɛɛ kɛŋɔ nyina haa dɛ nyin mɛ ne kasinteŋ haa dɔa kohona tɛ mɛ nomanta, n sewaa, haa men Ijipt harɛ taa huɡe.

Mumpar 17:21

Kɛ mɛɛ ɡeloo n fɔo la do n ne he bie Aesek Saara aa dɛ ba o lola benanyoa saŋ nɔ bɔr la baah.”

Sɛɡla 24:27

Nyin koo haa dɛ di o ta mɔɔ dɛɛ nyin bela haa kpɔ he nyu bil.

Aesaya 28:24

Saŋ bɛlbwa laa paa teŋɛ dɛɛ parɛ, kɛɛ dɛɛ buɡli koo.