Wejereme 3:13 - mzwDBL

¹³ Nomɛlbwa di kondikwaa dɛ́ nyɔ sen, ásɛ o sie lɛ kwaa waa koah dɛ dɔ la ta, a ɛ Korowii koŋkɛɛla waa kpɔa kɛ yaa.

Wejereme 3:13 Referans Kwoze

Wejereme 9:7

Kaa ka di kondikwaa dɛ́ nyɔ sen silɛɛ ne, kɛ taraken Korowii sie dɛ lɛ waa haa dɛ ɛ ta.

Wejereme 2:24

Waa aa wera tɛ nɛwɛnyini bwaa kɛŋɔ, o di kondikwa dɛ́ nyɔ sen lɛ o sie, ásɛ o bwara sɔɔhno o toma waa ɛa ta. Anɔ ɡe kwaraa la, Korowii bee aa le,

Yela 128:2

Naate ɛɛ di o koeh tɔnɔɔ, dɛ́ na som o wobɛlbwa do wer tɛo.

Wejereme 6:2

Korowiirii dɛɛ tɛ nɛn kondɔɔh ne jirima, ɡɛ aa ɛ o bɛ komɛlbwa waa dɛ nyin nya o soɡa bini. Kɛ Korowii aa ɡel ó dɔa di, nɛmpɛɛ bɛlee yon berɛ ba kpɔ. Anɔ ta mun dɔe, a ɛ wedoŋa.

Mmarare 12:7

Korowii sie belaa he ne he dem tena ɛɛ ba kwaa dii, dɛ́ɛ lɛ sie toma haa dɛ tomɔ nɔ wa.

Mmarare 26:11

Ásɛ he ne Lewi dea tena ne hɔɔhra baa lɔ he baah la sie lɛ kondɛɛɡa Korowii haa dɛ tomɔ nɔ aa kpɔa tɛ he ne he dem tena la wa.

Yela 34:12

Nomɛlbwa waa dɛ nyin mkpajaŋ, dɛɛ nyin kɛ o bwara sɔɔhno la,

Wejereme 2:3

N cheɡɛ n wejema ta dɛ ŋɔ mɛɛ nyɔ senee dɛ́ di n nyu. N liiro kɛŋɔ ɡɛɛ nɛra ɛɛ ba wona di ba nyuune, tɔpera tama baa dɛ ba dii harɛ nɔ ta.

Wejereme 8:15

Anomanta, n liiree kɛŋɔ a wer kɛ nɛwɛnyini di kondikwaa dɛ́ nyɔ sen lɛ o sie harɛ nɔ ta. Gɛɛ dɛ́ ɡel o dɔ silɛɛ o toma ne o tɔpera Korowii aa kpɔa tɛo o so harɛ nɔ ta bwa.