Wejereme 2:18 - mzwDBL

¹⁸ N sie ta kwaa maa ɛ toma dɛ nyina harɛ nɔ ta lɛɛ, dɛkalkɛ n dɛ ba a ɡela tɛ nomɛl waa ba di n kwa.

Wejereme 2:18 Referans Kwoze

Yela 49:10

Nomɛlbwa nao kɛŋɔ wejerema dɛ sewɛ, ɡɛna ne banɔ la baa wola liire dɔe ɡe ɛɛ sewɛ, dɛ́ ɡel ba kondɔɔh tɛ bane.

Yela 39:6

Nɛwɛnyini mkpa do kɛŋɔ lileo, ba wobɛlbwa ɛ wepuu. Wɛɛ nyin kondɔɔh cheɡ kohona, kɛ waa jemɛ naate aa ba ɛ o kwa.

1 Kɔrent 3:10

Korowiirii cha mɛ n won ɛ toma kɛŋɔ nɛn waa jemɛ dea mae kɛrɛdɛ la, dɛ pa dea la mun, asɛ nomɛl ɡe ba ma dɛɛ chɔŋɛ. Kɛ bɛlbwa nyiŋi kɛrɛdɛ ɡɛ waa maa dɛɛ chɔŋɛ.

Amanesoma Luk Aa Chwera Tɔn 12:20

Anee Korowii ŋɔ o be ŋɔ, ‘Gɛne! Fini jwaana nɔ ne hɛɛ sewɔɔ, ásɛ kwaa haa kwaara cheɡ la, lee hɛɛ ba a bɔr nae jaɔ?’ ”

Wejereme 9:9

He ne he haah haa dɛ nyinu so sodɛɛɡa dɛɛ lɛ he sie, tɔpera aa teŋa baa kaa Korowii kpɔ tɛɛ harɛ nɔ ta nɔ. Dɛkalkɛ anee chɔ le tɛɛ, he le koeh haa dɛ koh harɛ nɔ ta nyoa.

Wejereme 5:18

Ate, n na kɛŋɔ a wer kɛ nɛn di kondikwa, dɛ́ nyɔ sen, ásɛ o sie lɛ koeh waa dɛ koh tɔpera tama, Korowii aa kpɔa tɛo harɛ nɔ ta. Waa aa chɔ le tɛo laanee la.

Wejereme 4:3

Kɛ nɛra baa wola ban lolɛ, baa wola wechɔɡa bɛlbwa harɛ nɔ ta nae mɔɔ la, ba na som.

Wejereme 2:26

Korowiirii dɛɛ tɛ nɛn o wa aa dɛ lɛ o sie wejema ne liire dɛ silɛɛ, kɛ wechɔɡ-ɛɛ te, o ɡelɔ wɛɛ ɛ toma dɛɛ boa o kondɔɔh nyoa cheɡ tɛ nɛn o wa aa dɛ lɛ Korowii sie. Anɔ bwa ɡe ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini la ken.

Wejereme 1:13

N siwi beɡrɔ kɛ ń jemɛ, dɛ le n te cheɡ dɛ hweli waa bwa nɛra aa dɛ ɛa harɛ nɔ ta. Na wekpeɡa Korowii aa kpɔa ba dawɛ ya nɛ!

Wejereme 1:3

Bɔkwa tɔnɔɔ nɛn ɛɛ ba dɔe dɛ́ le koeh bwa waa dɛ koh harɛ nɔ ta nɔ?

Yela 17:14

N Naa Korowii, che he kpeɡri ta, dɛ́ lɛɛ mɛ le nɛra baa dɔ harɛ nɔ ta liire, dɛɛ nyin ba soɡa bini kwaa la nɔn ta. Banɔ la haa dɛ nyin ba waa la dɔ kondikwaa kohona, ba bii dɔ ane di dɛ́ vaɡɛ, ásɛ ane ka ba naanar ɡe ba dɔ.

Wejereme 2:11

Kɛ maa kari waa bwa maa ɛa, ne kwaa maa koah dɛ dɔ la, dɛ komɛlbwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken, komɛlbwa ta tɔnɔ dɔe harɛ nɔ ta.

Wejereme 2:21

Nɛn ɛɛ che o wejema ne o liire waa dɔa taa ɛ toma dɛ́ nyin kwa, dɛ́ ɡel a bwa habɔɔ tɛ nomɛl waa wola a toma ɛɛ. Anɔ ɡe ɛ wepuu.

Wejereme 3:22

Anomanta, n nao kɛŋɔ waa nɛwɛnyini aa ɛ laanee kɛŋɔ, ó ɡel o sie lɛ toma waa ɛa dɛ dɔ kwaa la ta, dɛkalkɛ anee ɛ kembɔr aa chɛ kɛ ó dɔ. Umee dɛ́ won jemɛ o seo habɔɔ wa ɔ?