Wejereme 12:5 - mzwDBL

⁵ ɡɛ saŋ nɛra aa dɛɛ ɔmɛ bwejaŋa dor laŋa, ne ɔmee aa lɔ fɔɡbaahna, ne ɡɛ saŋ daa bɛl waa dɛ fe fepoŋa. Ásɛ hɔɔhre jah dɛɛ kaa tama tama, pɛlchɔɡa bwa ba a jaɡa, dɛkalkɛŋɔ nɛra boa ba nyoa, dɛɛ ba ba kaa lalabwɛ.

Wejereme 12:5 Referans Kwoze

Job Tɔn 17:13

N hwɛɡa bwa lɔ lalabwɛ, belaa mɛɛ ba n kalaŋ pae dɛ́ chɔ biro ta.

Job Tɔn 30:23

N jemɔ kɛŋɔ seo binii hɛɛ kaa n ne, bela haa lea cheɡ nomɛlbwa la.

Sɛɡla 16:31

Nyumpompoŋa ɛ jirima botire, nɛn o wa aa toɡra laanee dɛɛ dɔa.

Yela 71:18

Hale n hwɛɛhrɔ n nyumpona to kwaraa naa, N Naa Korowii, bɛ men ta. Ja n nɛ, ásɛ n bol he kpeɡri ne he kan haa doa waa baɡle n naanar baa ka ba bwa.

Job Tɔn 15:10

Banjeni ne nyumpompoŋa tena lɔ ya bini, banɔ la baa ɡwaa he mɛɛ kwara.

Lewi Dea Tena 19:32

Hé kpɔ jirima dɛɛ tɛ nɛra baa hwɛɛhra, ásɛ dɛɛ duu ba, dɛ́ɛ duu men Korowii haa dɛ́ tom mɛ ɡe. Men Korowiirii bola.

Hibru 9:27

Kerabeŋkpoŋii nɛwɛnyini bɛlbwa ɛɛ ba sewa, ásɛ a habɔɔ la, Korowii bol o waa dɛ́ pa bole.

Jeremia 1:11

Korowii berɔ bɔɔ mɛ ja ŋɔ, “Jeremia, bɔkwaa hɛɛ na nɔ?” N chaŋe ŋɔ, “N Naa Korowii, n na almɔn daa kpale.”

Aesaya 46:4

Menee dɛɛ ba he nɛɛ nyiŋa, dɛ́ ka tel he hwɛɛhra saŋ he nyumpona aa to. Menee ta heya, mɛɛ chwaa heyaa, dɛ́ kpoŋe heya, dɛ́ lɛ heya.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Sɛɡla 20:29

Bonɔɔ bokpeɡaa ɡela o dɔ jirima, ɡɛɛ nyumpompoŋa ɡel banjeni ɛɛ dɔ duure.

Mumpar 44:31

ɡɛ waa hwɛɛhra la, dɛ o ta ya nɛɛ jae yaa, sum ɡbo ɛɛ kpoo.

Mumpar 44:29

Ya berɔ kpɔ onɔ le o nɔn ta taraken asɛ waane ka ɛɔ waa, waa hwɛɛhra tonɛ nɔ, tebinichɔɡ ɡboo dɛɛ ba o kpoe.”

Mumpar 42:38

Ate Jekɔb ŋɔ, “Maa sɛh he kpɔ n bie nɔ kaa, o dɔɔ toole, o ɡboo kaa. N ɡe hwɛɛhrɔ tonɛ. Wobɛlbwa kaa ɛo ŋwɛnɛ ta bela haa dɛ kaa nɔ naa, n ne n tebinichɔɡee dɛɛ ba sewa.”

Jeremia 9:16

Mɛɛ lɔ baa peɡre harɛre ba ɡbabir kɛɛ ba naawa aa wola an jemɛ ta. Dɛ ɡel laa tena ti ba ka tel kɛŋɔ baa kpoo ba bwa kwaraa.’ ”