Wejereme 12:13 - mzwDBL

¹³ No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Wejereme 12:13 Referans Kwoze

Mmarare 10:12

Mosis berɔ ŋɔ, “Israel tena, waa Korowii aa dɛ nyin dɛ le he be taraken laanee kɛŋɔ, hɛ́ɛ ɔmɔ dɛ́ɛ teŋɛ o waa bwa ta, dɛ́ nyinu dɛ́ɛ tomɔ he bambile ne he hweera bwa ne,

Maeka 6:8

Akai, waa aa weraa Korowii chaɡle yaa, wáa waa dɛ nyin dɛ́ le ya be laanee kɛŋɔ, ya di kasinteŋ dɛɛ sune dɔŋa nɛ, dɛ́ pwɛr ya te tɛo.

Mmarare 6:2

Hé ne he bii ne naanar bwa ɔmɛ Korowii haa dɛ tomɔ nɔ, dɛ́ teŋɛ o Mmarare bwa maa kpɔa dɛɛ tɛ heyaa nɔ ta, ásɛ he won so biɡri.

Yela 111:10

Korowii ɔmaa dɛɛ ba ɡela he dɔ wejema. Nɛra baa dɛ teŋɛ o waa ta la, o ɡelɔ baa no waa mun kohona. Onee chɛ kpɛɛra saŋ bɛlbwa dɛɛ la.

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Yela 145:19

Nɛra baa dɛ ɔmɛ la, he dɛ tɛɛ ba ba konnyina, dɛ no ba wii dɛɛ lɛɛ ba.

Wejereme 8:12

A lole kɛŋɔ wechɔɡ-ɛɛ ɛɛ won ɛ wechɔɡa kera lafa dɛ́ ta so biɡri. Kɛ n jemɔ kɛŋɔ nɛra baa dɛ ɔmɛ Korowii dɛɛ duuru la, wobɛlbwa ɛɛ do werii tɛɛ ba.

Amanesoma Luk Aa Chwera Tɔn 1:50

Nɛra te bwa baa dɛ ɔmɔ la, o dɛ na ba sum, dɛɛ na ba biirere sum, dɛɛ na ba ɡe biirere ne ba naanar bwa sum.

Sɛɡla 19:23

Korowii ɔmaa dɛɛ ba mkpa ne, anee ɡela nɛn liire ɛɛ chɔ bobeŋkpoŋ o bwara ɛɛ sɔɔhno.

Sɛɡla 1:7

Wejema mumparee Korowii ɔma. Gɛna ɡboo dɛɛ vɛh wejema, ne waa baa dɛ do ba a ta.

Yela 147:11

o sie dɛ lɛ nɛra baa dɛ ɔmɔ, ne nɛra baa kpɔ ba te dawɛ o nɛ, ne o nyina aa wola jaɡa dɔe la ta.

Wejereme 5:7

Deera kohona ne wobol kohona ta mun dɔe. Anomanta, a chɛ kɛ hɛɛ ɔmɛ Korowii.

Wepila 19:5

Asɛ taa bɛl le kookara la ta dɛ ŋɔ, “He nɛra haa ɛ N Naa Korowii bonɔɔna ne o toli la, hɛ́ɛ tɛo sɔn. He bini nɛŋɡwɛɡra ne nɛnjena haa dɛ ɔmɔ bwa, hɛ́ɛ tɛo sɔn.”

1 Pita 2:17

Hɛ́ɛ tɛ nomɛlbwa duure, dɛɛ nyin he bala baa dɛ yarada Yeesu Kristo la. Hɛ́ɛ ɔmɛ Korowii, dɛ́ kpɔ duure dɛɛ tɛ he harɛ bwa nyu te.

Sɛɡla 23:17

Bɛ wechɔɡ-ɛɛra bɔweela ɛ, ɡel Korowii duura swɛɛ he siwi saŋ bɛlbwa.

Mmarare 4:2

He bɛ wobɛlbwa kpɔ ja waa maa do heyaa a ta la ta, he bɛ ane ɡe laa kpɔ. Hé lawɛ Korowii haa dɛ tomɔ waa maa kpɔa dɛɛ tɛ heyaa nɔ bini.

Mumpar 22:12

Asɛ o ŋɔ, “Dɛɛ berɛ bie la wobɛlbwa ɛɛ. Namee n ta jemɛ kɛŋɔ he dɛ ɔmɛ Korowii, dɛkalkɛ he ta men he bibeŋkpoŋ nɔ kwaraa vɔmɛ.”

Wejereme 6:12

Dɛkalkɛ umee dɛ́ won jemɛ waa aa wera tɛ nɛn, ya tɔpera tama aa wola tɔnɔ dɔe dɛ teŋe baa kaa kɛ lileo nɔ ta nɔ? Umee dɛ́ won baɡle waa aa chiɡ harɛ nɔ ta o seo habɔɔ?

Wejereme 2:3

N cheɡɛ n wejema ta dɛ ŋɔ mɛɛ nyɔ senee dɛ́ di n nyu. N liiro kɛŋɔ ɡɛɛ nɛra ɛɛ ba wona di ba nyuune, tɔpera tama baa dɛ ba dii harɛ nɔ ta.

1 Samoɛl 12:24

Hé nyiŋi kɛrɛdɛ dɛ́ɛ teŋɛ Korowii waa ta dɛ́ɛ tomɔ kasinteŋ ne bambile bwa ne, dɛ́ɛ lii wejena waa ɛa tɛ heya la.

Wejereme 3:14

N jemɔ kɛŋɔ komɛlbwa Korowii aa ɛ la, ɛɛ do lee saŋ bɛlbwa dɛɛ la. Nɛn aa won kpɔ ane ja kɛɛ dɛ́ laa ane kpɔ a ta. Korowiirii ɛa ɡɛ, ásɛ nɛwɛnyina kpɔ duure tɛo.

Wejereme 7:18

Lawɛ a bwa bini kpoŋe, dɛ bɛ ɡel bɛlbwa le he nɔn ta. Naate waa dɛ ɔmɛ Korowii ɛɛ won le ɡɛ waa nɔ bwa nyoa.

Wejereme 8:5

Nomɛlbwa waa no o waa waa dɛ bol la, aa wahalaa na, kɛ wejereme te ɛɛ won jemɛ saŋ waa wera ne ɡɛ waa ɛ.

Mmarare 4:10

Gɛ saŋ haa cheɡɛ Korowii haa dɛ tomɔ sie Sinai Bwejen ta asɛ o ŋɔ n be ŋɔ, ‘Yerɛ nɛra la bwa ba cheme n sie bá ba no n waa dɛ́ jemɛ ɡɛ baa duu mɛ. Gel ba ka so harɛ la ta bwa dɛ́ bol baɡle ba bii ne ba naanar ba ɡe ɛɛ teŋɛ a ta.’

Mmarare 10:20

Hɛ́ɛ duu Korowii haa dɛ tomɔ nɔ, hé tomɔ. Hé kpɔ he te pɛlo, o ɡbo sɔn taa chɛ kɛŋɔ hɛ́ɛ ŋwɛɛ.

1 Koranar 2:3

dɛɛ nyiŋi Korowii haa dɛ tomɔ la waa waa doe a ta la ta kɛrɛdɛ, dɛɛ teŋɛ o Mmarare ne waa aa dɛ baɡle ɡɛ baa chwera do Mosis Tɔn la bini la ta, ásɛ kerekere wobɛlbwa haa dɛ ɛ, ne bobɛlbwa haa la la, a do wer tɛɛ.