Wejereme 10:14 - mzwDBL

¹⁴ Gɛne wobol warɔ, aa tonɛ bwa. Nomɛlbwa aa jemɛ waa aa dɛ ba bala kerekere. Umee dɛ́ won baɡle waa aa chiɡ ya seo habɔɔ?

Wejereme 10:14 Referans Kwoze

Sɛɡla 15:2

Wejereme wobol ɡelɔ wejema ɛɛ dɔ pɛla, ɡɛne ɡee dɛɛ bol waa warawara, wejema aa wola toole a ta.

Wejereme 8:7

Nomɛlbwa aa wola kere waa jemɛ nɔ, umee dɛ́ won baɡlo waa aa dɛ ba bala ɔ?

Wejereme 6:12

Dɛkalkɛ umee dɛ́ won jemɛ waa aa wera tɛ nɛn, ya tɔpera tama aa wola tɔnɔ dɔe dɛ teŋe baa kaa kɛ lileo nɔ ta nɔ? Umee dɛ́ won baɡle waa aa chiɡ harɛ nɔ ta o seo habɔɔ?

Wejereme 5:3

Liire waraa ɡela nɛn ɛɛ dee deera, ɡɛɛ dɛ nɛn dɛ́ bol waa kohona, dɛ o ta nyiŋe kɛrɛdɛ naa, wɛɛ bol ɡɛnewa.

Wejereme 3:22

Anomanta, n nao kɛŋɔ waa nɛwɛnyini aa ɛ laanee kɛŋɔ, ó ɡel o sie lɛ toma waa ɛa dɛ dɔ kwaa la ta, dɛkalkɛ anee ɛ kembɔr aa chɛ kɛ ó dɔ. Umee dɛ́ won jemɛ o seo habɔɔ wa ɔ?

Sɛɡla 10:19

Wobobala te bɛlbwa dɛ koni, asɛ nɛn waa won o nyoa lawa la jemɛ wa.

Job Tɔn 35:16

Job, he dɛ bol waa pɛɛpɛɛ, haa wola wejema dɔe nomanta, he wobol warɔ.”

Job Tɔn 34:37

O kpɔ deŋnekpeɡ dɛɛ ja wechɔɡa ta, ya bini kwaraa la, o mamɔ dɛɛ lɔ kpaŋa, dɛ teŋɛ bol waa kohona dɛɛ yaɡɛ Korowii.”

Wejereme 7:14

Waane kaalɔ dɛɛ tɛɛ kɛrɛdɛ naa, ɡel he sie lɛ, kɛ dɛ wenaale bɛlee tenaa, lii kɛŋɔ, Korowiirii ba silɛɛ ne, dɛ berɛ ba wenaale ɡe ne. Anomanta, nomɛlbwa aa won jemɛ ɡɛ aa chiɡu kerekere.

Wejereme 9:1

N lii anɔ bwa kɛrɛdɛ, dɛ na kɛŋɔ nɛra ba wa aa toɡra, ne wejerema waa baa dɛ ɛ bwa, lɔ Korowii nɔn ta. Kɛ bɛlbwa aa jemɛ kɛ wedɛɛɡa, kɛɛ wechɔɡa chɔ le dɛɛ kpaa ba.

Wejereme 10:15

Gɛne dɛ koh o toma ta, waa jemɛ ɡɛ waa ɛ dɛ́ kaa bobɛlbwa.

Ɛsekeɛl 35:13

N no mbarafo waa haa bola yaɡ mɛ aa wola nyoa dɔe.’ ”