Wejereme 1:3 - mzwDBL

³ Bɔkwa tɔnɔɔ nɛn ɛɛ ba dɔe dɛ́ le koeh bwa waa dɛ koh harɛ nɔ ta nɔ?

Wejereme 1:3 Referans Kwoze

Wejereme 3:9

Bɔkwaa nɛn waa dɛ ɛ toma, ɛɛ ba dɔe le o koeh waa dɛ koh ta nɔ?

Wejereme 5:16

Waa aa teŋa nɔ ɡe ɛ wedoŋa kohona. Gɛ baa lolɛ nɛn o ba harɛ nɔ ta la, ɡɛɛ wɛɛ kaalo. Bɔkwa tɔnɔɔ wɛɛ ba dɔe, o koeh waa dɛ koh pɛɛpɛɛ ta nɔ?

Wejereme 2:22

Bɔkwaa nɛwɛnyini ɛɛ ba dɔe, dɛ́ le o koeh bwa waa swɛɛ siwi dɛɛ koh harɛ nɔ ta nɔ?

Wejereme 2:11

Kɛ maa kari waa bwa maa ɛa, ne kwaa maa koah dɛ dɔ la, dɛ komɛlbwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken, komɛlbwa ta tɔnɔ dɔe harɛ nɔ ta.

Amanesoma Jɔn Aa Chwera Tɔn 6:27

He bɛ kondikwaa aa won chɔɡa nɔ ta dɛɛ koh. Hɛ́ɛ koh kondikwaa aa wola chɔɡ dɛɛ tɛ mkpa aa wola jaɡa dɔe la ta. Gɛ kondikwaa nɔɔ Men Nɛn Bie la ɛɛ ba heyaa tɛɛ, dɛkalkɛ menee Korowii tɛ kpeɡri kɛŋɔ kooro aa tomɛ o bie faahna ne la.”

Matiu 16:26

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ? Bɔkwaa nɛwɛnyini ɛɛ ba wona kpɔ dɛ́ charɛ o nyu ɔ?

Aesaya 55:2

Bɔkwa waa hɛɛ chɔɡ suuɡa kwaa aa wola kondikwaa ɛɛ ta, dɛɛ koh kwaa aa wola vaɡɛ ta nɔɔ? Hé cheɡ deŋne kɛrɛdɛ dɛɛ no waa maa dɛ baɡle heya, ásɛ dɛ dɔ kondikondɛɛɡa di.

Wejereme 2:19

Umee dɛ́ won jemɛ kɛ naate ɛ wejereme kɛɛ ɡɛne ɔ? Kɛ onee dɛ́ di kpeɡri kondɔɔh maa koah, dɛ nyina cheɡ harɛ nɔ ta bwa ta. Anɔ bwa ɡe ɛ wepuu.

Habakuk 2:13

Koranar Bwa Kooro ɛa kɛŋɔ harɛre nɛra toma baa ɛa dɛ koh la bwa dɛ ba fuih. A bwa ɛ koeh pɛɛpɛɛ.

Wejereme 9:13

N berɔ na waane aa ɛ wejemwaa aa lɛ n sie harɛ nɔ ta.

Wejereme 9:6

Ba dɔŋa nyina ne dɔŋa haeh, dɛ ba meera waa bwa nyoɡrɔ, baa komɛlbwaa dɔ le wobɛlbwa aa lɔ harɛ nɔ ta kpa.

Wejereme 9:3

Waa aa ɛ wechɔɡa, dɛ do wobɛlbwa aa lɔ harɛ nɔ ta laanee nɔ. Webeŋkpoŋ laanee chɔ le tɛ nɛwɛnyina bwa. Wechɔɡa su nɛra bambili ɡɛ saŋ ba taa soɡe le dɛɛ ɡɛn, ásɛ mɔɔ bá piɡri sewɛ.

Wejereme 7:11

Wejema wer kɛŋɔ haa dɔ kapɛrɛ kon bɛl dɛɛ cha nɛra baa lɔ harɛ nɔ ta.

Wejereme 6:12

Dɛkalkɛ umee dɛ́ won jemɛ waa aa wera tɛ nɛn, ya tɔpera tama aa wola tɔnɔ dɔe dɛ teŋe baa kaa kɛ lileo nɔ ta nɔ? Umee dɛ́ won baɡle waa aa chiɡ harɛ nɔ ta o seo habɔɔ?

Wejereme 5:18

Ate, n na kɛŋɔ a wer kɛ nɛn di kondikwa, dɛ́ nyɔ sen, ásɛ o sie lɛ koeh waa dɛ koh tɔpera tama, Korowii aa kpɔa tɛo harɛ nɔ ta. Waa aa chɔ le tɛo laanee la.

Wejereme 4:3

Kɛ nɛra baa wola ban lolɛ, baa wola wechɔɡa bɛlbwa harɛ nɔ ta nae mɔɔ la, ba na som.

Habakuk 2:18

Bɔkwa tɔnɔɔ voɡ nɛwɛnyini aa kpɔ nɔn sɛoh la dɔɔ? O waa bwa ɛ nyosone. Nɛn waa kwaaro la dɔ yarada o ta. O dɛ kwaa voɡa aa wola won waa bol.

Wejereme 4:7

N berɔ na waane ɡe aa wola mun dɔe harɛ nɔ ta.

1 Kɔrent 16:16

Anomanta, n dɛ soŋe heya, hɛ́ɛ no nomɛlbwa waa do ken ne nɛra baa ja ba nɛɛ dɛɛ koh toma nɔ ta la deŋna wa.

Wejereme 2:18

N sie ta kwaa maa ɛ toma dɛ nyina harɛ nɔ ta lɛɛ, dɛkalkɛ n dɛ ba a ɡela tɛ nomɛl waa ba di n kwa.