Taetos 3:9 - mzwDBL

⁹ Kɛ laa he te kpɔ ɡɛne wetɔŋla ne ɡɛ he naawa aa teŋɛ dɔŋa nɛɛ waa bini baɡla ta, ne naɡrenyin, ne Mmara ŋwɛnɛre waa tɔŋla ta. A ta tɔnɔ bɛlbwa dɔe. A ɛ wepuu.

Taetos 3:9 Referans Kwoze

2 Timoti 2:14

Dɛɛ lii nɛra ɡɛ waa nɔ, dɛ kah ba sibeɡra ne Korowii sie ŋɔ ba bɛ waa dɛɛ tɔŋle. Wetɔŋla ta tɔnɔ bɛlbwa dɔe. Nɛra liiree aa chɔɡ.

2 Timoti 2:23

Bɛ he te kpɔ dɛɛ jo ɡɛnewaa ne wesale tɔŋla ta. He ɡbabir jemɔ kɛ naɡra nee aa ba.

1 Timoti 4:7

Laa he te kpɔ wobosale aa wola Korowii waa ɛɛ nɛra ɛɛ nyin a bola la ta, dɛ swɛɛ siwi hweli ɡɛ haa dɛɛ teŋɛ Korowii waa la ta.

2 Timoti 2:16

Laa he te kpɔ nɛra baa dɛ bol wobosale a ne Korowii waa aa wola kaa la nɛ, dɛkalkɛ ɡɛ waa nɔ ɡelɔ nɛra ɛɛ le Korowii habɔɔ dɛ kaa ɛ anɔ la aa wola chɛɛ.

Taetos 1:14

Ŋɔ ba bɛ deŋne cheɡ dɛɛ no Juu tena waa aa ɛ nyosone la, ne waa nɛra baa vɛh kasinteŋ waa la aa ŋɔa báa ɛ la.

Job Tɔn 15:3

Wejereme bɛlbwa aa waa kenii bol, kɛɛ dɛ́ bol waa lɛ o te wobol aa wola mun dɔe ne.

1 Kɔrent 8:1

A ka kwaa baa kpoora dɛɛ tɛ voɡa wa. A waa jema te, ya bwa jemɛ a wa. Kɛ nɛwɛnyini wejema ɡelɔ wɛɛ nyin sɔn. Asɛ nɛnnyin ɡe ɛ chae.

1 Kɔrent 13:2

Hale n wono che Korowii kpeɡri la ta, dɛɛ bol o waa aa dɛ ba bala kerekere la kɛrɛdɛ, dɛ jemɛ o wesɔɔhla bwa, dɛ dɔ sipila kɛrɛdɛ, dɛ che o kpeɡri la ta, dɛ dɔ yarada dɛ won ŋɔ bwejen be ó chuɡri le o buɡ ta, dɛ kaa bofale asɛ o chuɡri, dɛ maa nɛn nyin aa, dɛ n ta nɛn ɛɛ.

Jems 4:1

Bɔkwaa dɛɛ ba naɡra ne he baah ta nɔ? Kwaa haa dɛ pɛlɛ a nɛɛ laa dɛɛ ba a ne naa? Anee dɛɛ yo heya.