Taetos 3:13 - mzwDBL

¹³ Takapɔ dɛ́ cha Sɛnos waa ɛ mmara jereme la ne Apolos bá won la ba ŋwɛnɛ la. Bɛ ɡel komɛlbwa baa kpɔ la ŋwɛnɛ la waa hiah ba.

Taetos 3:13 Referans Kwoze

We-ɛɛla 18:24

Dɛ Juu te bɛl ɛ bwɛɛ bɛl baa dɛ yerɔ Alɛksandrea la bie, dɛ ba Ɛfesos, asɛ baa yerɔ Apolos. Dɛ o jemɛ wobol taeh, dɛ jemɛ Korowii Tɔn bini waa ɡe kɛrɛdɛ.

Matiu 22:35

asɛ ba bini Tɔnjereme bɛl pɛɛ Yeesu waane, dɛ́ kpɔ harɔ bel.

We-ɛɛla 28:10

Ba kɛ yaa kwaa pirim. Yaa dɛ ba stiimae ta joe dɛ kaa la, ba tɛ yaa laala aa chɛ kɛ ya dɔ mɔɔ dɛ́ le la bwa.

1 Kɔrent 16:11

Anomanta, he bɛ o sie lawɛ teɡɛ harɛ. Hé doo ŋwɛnɛ ásɛ o kpɔ bambisɔɔhna dɛ berɛ ba n be. N dɛ nyiŋi o ne yabala la ŋwɛnɛ.

Tɔn Pɔɔl Aa Chwerɛ Rom Tena 15:24

n dɛ nyin kɛŋɔ n ba dɛ kaa Speen harɛ ta naa, ń na heya. N jemɔ kɛŋɔ n baa so he be tɔpera anɛ, dɛ le bela dɛɛ kaa Speen harɛ ta naa, hɛɛ cha mɛɛ.

We-ɛɛla 21:5

Ya kaala aa tela la, ya le bela dɛ chiɡ ŋwɛnɛ ta dɛɛ kaa. Ba ne ba haahna ne bii bwaa baa do yaa ŋwɛnɛ dɛ le bwɛɛ la ta, dɛ ka tel nee nyoa, asɛ ya ɡuŋi harɛ nee nyoa bela dɛ soŋe Korowii dɛ kal dɔŋa.

Amanesoma Luk Aa Chwera Tɔn 14:3

anee Yeesu bɔɔ Tɔnjerema la ne Farisii tena la ŋɔ, “Ya mmarare la dɛ tɛ ŋwɛnɛ kɛ ba chah nɛn Ona Tɔpere aa?”

Amanesoma Luk Aa Chwera Tɔn 11:52

Hé Tɔnjerema ɡe bwɛɛlɛ! He do kɛŋɔ nɛra baa laa dea Korowii wejema aa lɔ o bini karɛ, dɛ laa koŋkare la kpɔ haa wola o binii jo, he ɡe aa nɛra ŋwɛnɛɛ tɛ bá jo dɛ́ ka hweli.”

Amanesoma Luk Aa Chwera Tɔn 11:45

Belaa Tɔnjerema la bɛl ŋɔ Yeesu be ŋɔ, “Nomoa, dɛ he ŋɔ ɡɛ naa, dɛ he jo ya ɡba nɛ.”

Amanesoma Luk Aa Chwera Tɔn 10:25

Tɔnjereme bɛl balɔ dɛ ba kpɔ wobol kɛ wɛɛ daah Yeesuu dɛ́ jemɛ o liire, dɛ bɔɔro ŋɔ, “Nomoa, ɛrɛɛ mɛɛ ba ɛɛ dɛ́ dɔ Korowii mkpa aa wola jaɡa dɔe bwa nɔ?”

Amanesoma Luk Aa Chwera Tɔn 7:30

Kɛ ba nomonome ne Farisii tena la ne Tɔnjerema la te vɛh Korowii waa aa wera tɛɛ ba la. Dɛ ba te fa ta ɡelɛ Jɔn sɔ ba Korowii ne.

We-ɛɛla 15:3

Baa tom ba la, ba kaalɔ. Baa dɛ kaa la, ba kaa kpɔ harɛre ane baa dɛ yera Finiisia ne Samaria ta dɛɛ kaa, dɛɛ bol bela asɔre tena be ɡɛ nɛra baa wola Juu tena ɛɛ la aa bera dɛɛ yarada Yeesu dɛ kpɔ ba te tɛo. Ba ɡe aa no ɡɛ la, ba sie lɛo taeh.

We-ɛɛla 19:1

Apolos aa lɔ Kɔrent la, Pɔɔl kpɔ harɛ la bwe doa bɔr dɛ ka le Ɛfesos. Waa la bela la, o kaa pu nɛra baa dɛ teŋɛ Yeesu nɛɛ la bane bela,

1 Kɔrent 16:12

N soŋe ya dɔŋ Apolos ŋɔ ó ja yabala la nɛɛ ba ba he be, kɛ a ta o som doe kɛ ó la bela taraken. Dɛ o baa dɔ bɔr aa, wɛɛ bao.