Taetos 2:8 - mzwDBL

⁸ Gel a toɡre kɛrɛdɛ, nɛra bɛ a wobɛlbwa dɔ dɛ́ bol, ásɛ nɛra baa dɛ tɔŋle heyaa bɛ ya wechɔɡe bɛlbwa dɔ dɛ́ bol, ásɛ sihiih kpo ba.

Taetos 2:8 Referans Kwoze

1 Pita 2:12

Haa lɔ nɛra baa wola Korowii tomɛ baah nɔ, hé ɡel he wobɛlbwa toɡre, ásɛ dɛ ba dɛ bol he waa ŋɔ he ɛ wechɔɡ-ɛɛra aa, a habɔɔ la, bá na he we-ɛɛla kɛŋɔ a wer, dɛ kpɔ jam tɛ Korowii awola waa ba ya ne o na dɔŋa la.

1 Pita 2:15

Korowii dɛ nyin kɛ hɛɛ ɛ wedɛɛɡa, dɛ́ won dɛɛ tɔ ɡɛna ŋwɛnɛ ba bɛ won bol ɡɛnewaa dɛɛ chɔɡ heya.

1 Pita 3:16

He dɛ baɡla aa, hé kpɔ sisɔna ne taa dɛɛ baɡla. A chɛ kɛ he tea to he jemɛ kɛŋɔ nomɛlbwa aa he wobɛlbwaa dɔ dɛ bol. He dɛ ɛ ɡɛ naa, nɛra baa koh he teŋa haa dɛ teŋɛ Yeesu Kristo nɛ, ne he wedɛɛɡa haa dɛ ɛ waa dɛ bol wobochɔɡa dɛɛ yaɡɛ heyaa la, sihiih ɛɛ kpo baa.

1 Timoti 6:3

Nomɛlbwa waa dɛ chaɡle Korowii Wa, asɛ a korɛ ya Dɔɔ Yeesu Kristo kasinteŋ waa la ta, ne ɡɛ yaa dɛ chaɡle nɛra ŋwɛnɛ baa kpɔa dɛɛ tomɛ Korowii la ta la,

2 Tesalonika 3:14

Dɛ nomɛlbwa ta sɛɛh kɛ wɛɛ teŋɛ ɡɛ yaa ŋɔa tɔn nɔ bini nɔ taa yaa, hé nyiŋu kɛrɛdɛ. He ne o bɛ pɛ dɛɛ ɛ wobɛlbwa, ásɛ sihiih kpoo.

Nehemia 5:9

N berɔ ŋɔ ba be ŋɔ, “Gɛ haa dɛ ɛ nɔ aa were. A chɛ kɛŋɔ hé ɔmɛ Korowii dɛ́ ɛ wa aa toɡra. Ásɛ dɛ bɛ nɛra baa wola Juu tena ɛɛ dɛ ɛ ya dɔma la ŋwɛnɛ tɛ, bá ba mamɛ yaa.

Aesaya 66:5

Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.

1 Timoti 5:14

Anomanta, dɛ luhaahna ba taa ɛ toli la yalɔ dɛ loɡle bii, dɛ won ba deremi ta nyiŋa, ɡɛ aa ɛ ásɛ ya dɔma bɛ wedoŋa bɛlbwa dɔ bol yaɡɛ yaa aa, ɡɛɛ n fe ɛɛ nyin.

Amanesoma Luk Aa Chwera Tɔn 13:17

Yeesu aa bol ɡɛ la, sihiih kpo o dɔma la. Kɛ nɛnlaa baa kaa la te sie lɛ nyokpowaa waa ɛa la ta.

Amanesoma Mak Aa Chwera Tɔn 12:34

Yeesu aa naa kɛŋɔ baa la chaŋe waa la wejema ne la, o ŋɔ o be ŋɔ, “He sie dɛ chaah Korowii Kora waa la ta.” A habɔɔ la, nomɛlbwa ta berɛ hɛlɛ waa dɛ bɔɔro waane kpa.

Amanesoma Mak Aa Chwera Tɔn 12:32

Asɛ Tɔnjereme la ŋɔ Yeesu be ŋɔ, “Jam, he ɛ wa, Nomoa. He waa nɔ bwa ɛ kasinteŋ. Korowii beŋkpoŋ ɡboo lole. Komɛlbwa toole dɛ dɔ yaa ka ja o nɛ.

Amanesoma Mak Aa Chwera Tɔn 12:28

Dɛ Tɔnjereme bɛl ɡe ba bela dɛɛ no waa baa dɛ pɛɛro wɛɛ baɡle a bini la, dɛ na kɛŋɔ waa la ŋwɛnɛ taa Yeesu bola la. O ɡe bɔɔ Yeesu ŋɔ, “Mosis Mmarare la bini umee ɛ onjen ɡwaa a bwa nɔ?”

Amanesoma Mak Aa Chwera Tɔn 12:17

Asɛ Yeesu ŋɔ ba be ŋɔ, “Oo. Amɔ hé kpɔ kwaa aa ɛ Koojen Siisa kwaa la tɛo, dɛ́ kpɔ kwaa aa ɛ Korowii kwaa la tɛ Korowii.” Asɛ o waa ɛɛ ba anebɛlbwa.

Taetos 3:14

Gel yabala bwa hweli wedɛɛɡa ɛɛ, dɛɛ cha nɛra aa hiah ba, dɛ bɛ nɛra baa wola tɔnɔ dɔe ɛ.