Sekaria 9:6 - mzwDBL

⁶ Hɔɔhraa dɛ́ ba kpɔ Asdɔd so, ásɛ n sɔɔh Filisti tena mbarafo nyoa.

Sekaria 9:6 Referans Kwoze

Emɔs 1:8

Mɛɛ ir koranar baa lɔ bwɛjena Asdɔd ne Askɛlɔn kora taa. Mɛɛ tɛr bwɛjen Ekron tena deŋnee, ásɛ Filisti tena baa kaa la bwa serewe. Men Nemenɛ Korowiirii bola.”

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

Sefania 2:10

Anɔɔ dɛ́ ɛ kembɔr tɛ Moab ne Amɔn tena, mbarafo ne chɛɡra dɛ bammuɡli waa baa kpɔa ɛ Koranar Bwa Kooro nɛra la wa.

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Aesaya 28:1

Israel harɛ bwɛɛlɛ! O jirima dɛ dime kɛŋɔ kwaa fee aa lɔ sitɔɔla baa ɛ sennyɔɔra kooɡbɛrɛre ta dɛɛ lee la. Ba nyuune baa ɡɔɔra dɛɛ valɛ sɔɔh konsɔɔhsoma, kɛ ba dɛɛrɔ chɔ.

Aesaya 23:9

Koranar Bwa Kooroo ɡela a chiɡ. O ɛ ɡɛ ásɛ ba jirima baa dɔa dɛɛ ɡɔɔ ba te la tonɛ, dɛ́ ba banɔ la baa dɔ nyanyini harɛ nɔ ta la ne harɛ.

Wejereme 6:2

Korowiirii dɛɛ tɛ nɛn kondɔɔh ne jirima, ɡɛ aa ɛ o bɛ komɛlbwa waa dɛ nyin nya o soɡa bini. Kɛ Korowii aa ɡel ó dɔa di, nɛmpɛɛ bɛlee yon berɛ ba kpɔ. Anɔ ta mun dɔe, a ɛ wedoŋa.

Jeremia 47:1

Mɔɔ Ijipt kooro aa ka yo Gasa tena la, Korowii bol Filisti tena wa men Korowii keame Jeremia be.

Sefania 2:4

Nomɛlbwa ɛɛ chwao le Gasa, ásɛ Askɛlɔn chɔ pɛɛ. Wee ne ŋɔ o ba che nyufala, dɛ Asdɔd tena bwa chwao le kaa, ásɛ Ekron tena bwa le kwaraa.

Sekaria 9:5

Bwɛjen Askɛlɔn tena ɛɛ nao dɛ́ ɔmɛ, bwɛjen Gasa tena ɡe na ba bambile wee ba, ásɛ Ekron tena ɡe hwɛɡa bwa tonɛ. Gasa tena kooro ɛɛ le ba nɔn taa, ásɛ Askɛlɔn chɔ pɛɛ.

Sekaria 9:7

Baa ol chal aa lɔ o ta, kɛɛ kondikwaa maa kia di. Banɔ la baa ka la, ɛ berɔ ɛ men Korowii nɛra, dɛ́ ɡe dɔ ba dea Juda harɛ ta, ásɛ Ekron tena ɡe berɛ ɛ n nɛra kɛ Jebus tena ken.