Sekaria 9:15 - mzwDBL

¹⁵ Koranar Bwa Kooro ɛɛ tɔ o nɛra ɡbemɡbee. Baa chɔɡ ba dɔma vamtor bwea nee, dɛɛ moo laa ta kɛŋɔ sennyɔdɛɛra ken. Baa kpoo ba dɔmaa, ásɛ ba chal ɛɛ palɛ kɛŋɔ baa kpoo kwaa ɛ saraha, dɛ kpɔ a chale dɛɛ merɛ saraha kwaa loŋkoni ta la ken.

Sekaria 9:15 Referans Kwoze

Sekaria 12:6

Awola tɔpere la, mɛɛ ɡeloo Juda nomonome do kɛŋɔ koropɔɔto ninhɔla aa suu dɛ́ do dahola baah dɛɛ hɔ, kɛɛ kapɛle aa lɔ mea baah ta dɛɛ lawɛ nii. Baa chɔɡ harɛre aa bar ba la nɛra bwaa, kɛ Jerusalam tena te ɛɛ so ba buɡ taa deŋnesɔɔhna ne.

Sekaria 10:7

Israel tena ɛɛ doo kɛŋɔ banyoola, ásɛ ba sie lɛ kɛŋɔ nɛra aa nyɔ sen ba sie ɛɛ lɛ la. Ba bii ɛɛ nao ba sie lɛ, ásɛ ba hɛɡre waa Korowii aa ɛa wa.

Sekaria 12:8

Awola tɔpere la, Korowii ɛɛ tɔ nɛra baa soɡe Jerusalam ɡbemɡbee, hale ɡwɛɡre kwaraa waa lɔ ba bini kpeɡri do kɛŋɔ ɡɛ Kooro Devid fa aa doa la. Ásɛ Kooro Devid naanar tɔ ba sie kɛŋɔ Korowii nyundua torome kɛɛ Korowii ɡbaɡba.

Sekaria 10:5

Ba bwa ɛɛ doo kɛŋɔ banyoola, dɛ́ɛ tiɡri ba dɔma nɛɛ fɔɡbaahna laa ta. Men Korowii ja ba nɛɛ nomanta, baa yoo dɛ́ pɔ ba dɔma baa soɡe jaɡre ta, laa ta nɛ.

Kaala 27:2

Sɛh o loŋkoni anaarɛ la bwa á kaa nyundua tama kɛŋɔ nyeɡlare ken. Daa beŋkpoŋii chɛ kɛ he kpɔ ɛ saraha kon la ne o nyeɡlare bwa, kpɔ ayaawa ɛ o bwara.

Yela 78:65

Belaa Korowii ir, a do kɛ nɛn waa ir dom ta ken, kɛŋɔ nɛn o bwara aa kpeɡa, dɛ nyɔ sen a dɛɛro, o bwara yon ir la.

Lewi Dea Tena 4:25

Ásɛ sɔfo la kpɔ o nonii do chal la ta, dɛ́ kpɔ ane ɛ kwaa aa paaɡe kon baa dɛ fuh saraha o ta la loŋkoni ta. Ásɛ dɛ fuɡe a kabora ta o mun ta.

Lewi Dea Tena 4:18

Sɔfo la kpɔ chal la ane ɛ kwaa aa paaɡe kon baa dɛ fuh daawiile a sɔɔh aa soma o ta la loŋkoni la ta n sie, n Dea Cheremibɔr bela. Dɛ́ fuɡe chal la kabora ka ta kon baa dɛ fuh saraha kwaa o ta la mun ta, n Dea Cheremibɔr la doonyoa bɔr bela.

Ɛfesos 5:18

He bɛ sen nyɔ kohona dɛɛ dɛɛ. Gɛ dɛ chɔɡ nɛn. Kɛ hé ɡel Korowii Domadɛɛɡe la so he nɛɛ kɛrɛdɛ,

1 Kɔrent 1:18

O daɡaɡre la ta seo la yaa dɛ bol a waa la ɛ wesale tɛ nɛra baa dɛ nyoɡre. Kɛ ya banɔ la Korowii aa dɛ lɛ yaa la te, ya jemɔ kɛŋɔ Korowii kpeɡri lɔ a ta.

Sekaria 14:20

Awola tɔpere la, dorɔŋre baa kpɔ do jaɡre baŋa la, baa chwerɛ a taa ŋɔ, ‘A Do Goroŋ Tɛ Korowii’, ásɛ viine baa kpɔa dɛɛ daa saraha kwaa Korowii Dea la, á berɛ do kɛŋɔ loɡa aa do ɡoroŋ dɛ che kon baa dɛ ɛ saraha o ta la sie.

Sekaria 9:17

Na ɡɛ harɛ la aa dɛ ba wer doe dɛ́ dɔ pɛla! Kondikwaa ne sen aa lɔ harɛ la ta la ɛɛ ɡeloo bonɔɔna ne toli kpeɡ, dɛ́ dɔ bokpeɡa.

Maeka 5:8

Banɔ la baa kaa dɛ peɡre ka do harɛre ta la, ɛɛ doo kɛŋɔ nyujente aa lɔ kpɔɡ bini, dɛɛ kpaah ola kɛɛ peera dɛ́ pee a ola, baa wola lɛɛ dɔ.

Aesaya 55:1

Korowii ŋɔ, “Hé banɔ la nyɔɡre aa dɛ kpo heyaa la, nee lole, hé ba nyɔ! He ta suuɡa dɔe yaa, hé ba, hɛɛ dɔ kondikwaa di pɛɛpɛɛ! Sen ne na-elnee lole, suuɡa ne laa baa yawa, yoɡ ɡe toole a ta!

Aesaya 37:35

Mɛɛ tɔ bwɛɛ nɔ ɡbemɡbee dɛ́ lɛo, n jirima ne nyoa maa baɡɛ n bonɔɔ Devid nomanta!”

Yelsom 7:9

asɛ he nyoa som kɛŋɔ sensoma tenten. Gel sensoma la palɛ bɔeeh, ka kpɔ n sɛnodɛɛɡe nyotɔn ne o nyena ta bwa.

Yelsom 5:1

N sɛnodɛɛɡe ne n hanfale, n ba bodɛɛɡe maa du daa. N boa n konsɔɔhsoma ne korobo bwa nyoa. N di n tohvaahna ne n tohno, dɛ nyɔ n sen ne na-elne. N daamanar, hé di kondikwa dɛ nyɔ sen. Hé nyɔ ɡɛ bɛlbwa ɡɛ haa won.

Yelsom 1:4

Laɡ mɛ kaa warane, n dɛ nyin kɛ n kooro laɡ mɛ kaa o dem warane! Yá hɛɡre, dɛ́ ɡel ya sie lɛ kohona, yaa kpɛɛ he nyina haa dɔa laanee ɡwaa kɛ ya nyɔ sen. A waa ɡela bitoli bwa ɛɛ nyin he waa kɛrɛdɛ la!

1 Samoɛl 17:45

Anee Devid ŋɔ Goliat be ŋɔ, “Kere ne lampeaa he kpoŋe dɛɛ ba ba yoo mɛ, kɛ n te Korowii Waa Ɛ Koranar Bwa Kooro wɛɛ teŋɛ Israel laa tena nɛɛ he nyiŋu dɛɛ vah la sɔn nee mɛɛ ba dɛ́ ba yoi.

Lewi Dea Tena 4:7

Ásɛ sɔfo la ɛ chal la ane ɛ kwaa aa paaɡe kon baa dɛ fuh daawiile a sɔɔh aa soma o ta la loŋkoni ta dɛ do n sie n Dea Cheremibɔr la bini la. Chal la kar la, ó le dɛ́ ka fuɡa ta o mun ta n doonyoa bela.

Job Tɔn 41:28

Waa hɛma nae dɛɛ chwa, vamtor bwea do kɛŋɔ haahra o be, aa on wobɛlbwa ɛ.

Sekaria 14:3

Korowii ɛɛ leo, dɛ́ ka yo a ɡɛ harɛre la nɛra ɡɛ waa dɛ yo saŋ la.

Sekaria 2:9

Men Korowii ɡbabirii dɛ́ yoo ba, ásɛ n nɛra ba fa aa ɛɛ ba yoma la pa ba laala kɛ laa ta kwaa kaa.” Anɔ bwa chiɡaa, hɛɛ jemɔ kɛŋɔ Koranar Bwa Kooroo tomɛ men Sekaria.