Sekaria 8:23 - mzwDBL

²³ A ɡɛ saŋ la, baala fi ɛɛ le harɛre wobol bɛlbwa binii, dɛ́ ba lawɛ Juu te beŋkpoŋ batakaare nyoa dɛ́ ŋɔ, ‘Gel ya ne he kaa, ya noɔ kɛ Korowii ja he nɛ.’ ”

Sekaria 8:23 Referans Kwoze

Aesaya 60:3

Harɛre nɛra ne koranar bwa ɛɛ ba he bochaah la taa.

Aesaya 55:5

Kpelaa, hɛɛ yerɛ harɛre nɛra baa wola hen jemɛɛ, bá ba he be, harɛre nɛra haa wola ban jemɛ ɡe ɛɛ chwao ba he be. Men Israel Nɛŋɡoroŋ haa dɛ tom mɛ nomanta, baa ba he bee, jirima maa ɡela he dɔ la wa.”

1 Kɔrent 14:25

O tea bini waa bwa ɛɛ chɔ baŋee, ásɛ o ɡuŋi Korowii harɛ dɛ́ soŋo, ásɛ dɛ ŋɔ nɛra be ŋɔ Korowii ja he nɛɛ kpela.

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Aesaya 66:18

Maa jemɛ ba liire ne ba we-ɛɛla nomanta, n dɛ ba ń yerɛ harɛre nɛra, ne wobol bɛlbwa tena bwa cheme, ásɛ ba na n jirima.

Mumpar 31:7

O ɡarɔ faah mɛ n kembɔr dɛ beɡra kera fi. Kɛ Korowii ta on ŋwɛnɛ tɛɛ asɛ o won ɛɛ mɛ wechɔɡa bɛlbwa.

We-ɛɛla 19:12

Dɛ nɛra kpɔ dukure ne yakwane waa leɡa dɛɛ la weela tena be, asɛ ba weelare ɛɛ le ba nɛ, asɛ ba bini banɔ la kwaa aa dɛ ir ba nɛɛ la ɡe kwaa la ɛɛ le ba nɛ.

Aesaya 4:1

Gɛ tɔpere la, haahna banuanɛɛ ka lɔɔ tɔ babeŋkpoŋ nɛɛ dɛ́ ŋɔ, “He te kpɔ he sɔn dawɛ ya nɛɛ dɛ mo yaa, dɛ laa sihihsɔn haŋkwii la kpɔ ya nɛ. Yaa hen kondikwaa waa pɛɛ, yaa hen yal waa pɛɛ.”

Aesaya 3:6

Nɛn ɛɛ lawɛ o lole bɛlee dɛ́ ŋɔ o be ŋɔ, “Henee dɔ bwara laala. Ba di ya nomonome, saŋ waa chɔɡa dɛ do kpeɡri nɔ ta!”

Wejereme 11:2

Bɔne he kwaa haa dɔa bini ane tɛ nɛra banuanɛ kɛɛ banuatoro, dɛkalkɛ haa jemɛ saŋ chɔɡa aa ba harɛ la ta.

Job Tɔn 19:3

Saŋ bɛlbwaa hɛɛ chɛɡ mɛ, sihiih aa heyaa kpo ɡɛ haa dɛ sopa mɛ nɔ naa?

1 Webena 12:18

Korowii Doma baa so Amasae waa baa ɛ banyoola fifraatoro sitɔɔ la nɛ, asɛ o ŋɔ, “N naa Kooro Devid, henee dɔ yaa! He ne nɛra baa dɛ chae bwa dɔ hɛɛra. Korowii ɛɛ ja he nɛɛ.” Anomanta, Kooro Devid lɛɛ ba dɛ ɡel ba ɛ o laa sitɔɔla.

2 Koranar 2:6

Elaeja berɛ ŋɔ Elaesa be ja ŋɔ, “Korowii tom mɛ Jɔɔdan Moo la ta, kɛ so bonɔ.” Elaesa ŋɔ, “N ŋwɛɛ Korowii waa lole, asɛ he ɡe do le nɔ kɛ n ne henee.” Asɛ ba bwa kaa.

Maeka 5:5

Onee dɛ́ ba tɛɛ ba deŋnesɔɔhna. Dɛ Asiiria tena baa yo ya harɛ, dɛ won jo ya dekpeɡa yaa sɔh a bini ta naa, yaa le nomonome baa wara kohonaa bá ka yoo ba.

Mumpar 31:41

Dɛ kenii mɛɛ na bene fifraanɛ la bwa n ne haa soɡa. Bene fi dɛ anaarɛɛ n ɛ toma dɛ dɔ he bihaahna banɛ, asɛ bene anumɛl ɡe n ɛ toma dɛ dɔ kondɛɛra. Anɔ bwa habɔɔ la, he beɡre n kembɔr kera fi.

Amanesoma Luk Aa Chwera Tɔn 8:44

O jo nɛra la baah ta dɛ ka che Yeesu habɔɔ dɛ leɡe o batakaare nyoa. Buɡ la ta, dɛ chal la aa dɛ fuɡo la teŋo.

Nɛra Kura 14:22

nɛra la baa na n jirima ne nyokpowe-ɛɛla maa ɛa Ijipt harɛ ta ne pua hɛŋle ɡbo harɛ ta, ba ta n waa noe dɛ ta daah mɛ dɛɛ na hale kera fi bwa la,

Josua 8:35

Wobɛlbwa toole Mosis aa chwera, Josua aa wola an kure. O kure wobɛlbwa kɛrɛdɛ ken dɛ baɡle Israel tena la baa cheme bela la bwa. Haahna ne bechale ne hɔɔhra ba ne baa soɡa bwa.

Aesaya 45:24

Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

Aesaya 60:14

Nɛra ba fa aa ɛ heyaa hɔhɔrɔwa naanar ne banɔ la ba fa aa hah he ya, dɛɛ nyiŋi he nyubaah ɛɛ ba ɡuŋi he siee. Baa yerɛ he bwɛɛ Korowii Bwɛjen, Saayɔn, Israel Nɛŋɡoroŋ la Bwɛ.

Sefania 3:19

Saŋ bɛl dɛ ba ń tɛr nɛra baa dɛ do heyaa hɔhɔrɔwa la deŋne. Mɛɛ lɛ banɔ la ba peri aa serewaa, dɛ́ berɛ ba banɔ baa laɡ ba kaa harɛfala ta la ne dem. Mɛɛ ɡeloo banɔ la ba fa aa di sihiih la berɛ dɔ duure, ásɛ harɛ nɔ ta nɛra bwa kpɛɛ ba.

2 Webena 15:9

Nɛra warɔ le Efrem ne Manasɛ ne Simeon deene ta dɛ ba ja Kooro Asa nɛ, dɛ so o harɛ ta, dɛkalkɛ ba nao kɛŋɔ Korowii ja o nɛ. Kooro Asa yerɛ ba bwa, ne Juda ne Bɛnjamen deene nɛra cheme.

Ɛsta 8:17

Harɛ bɛlbwa ne bwɛɛ bɛlbwa ta toroma la aa la mmarafale nɔ ne la, Juu tena baa lɔ bela la bwa sie dɛ lɛ baa hɛɡre, dɛ so di kwaa dɛɛ lɛ ba sie. Nɛra baa wola Juu tena ɛɛ la bini bane ɔmɔ, dɛ kpɔ ba te berɛ Juu tena, dɛkalkɛ ba we-ɛɛla la ɡelɔ ɔmee laɡ ba.