Sekaria 7:14 - mzwDBL

¹⁴ N lɔ ba peɡre harɛfala ta kɛŋɔ kawulewule aa lɔ haahra dɛɛ peɡre la ken, bela ba fa aa kaa ɛ hɔɔhra la. Harɛdɛɛɡe la chɔ pɛɛ, nomɛlbwa toole o ta.”

Sekaria 7:14 Referans Kwoze

Mmarare 28:64

Wɛɛ lɔ heyaa peɡre harɛre ta bobɛlbwa kaa o jaɡa, ásɛ he kaa tomɛ kwaa baa kpɔ daa ne bwea ɛa. Voɡa he ne he naawa aa wola an jemɛ bwa.

Mmarare 28:33

Kwaa haa koh dɛ́ para la, harɛ bɛl tenaa dɛɛ ba dɛ́ ba kpɔa kaa ka di, ásɛ a ka he ne tɔpere bɛlbwa wahala ne fiiɡa.

Jeremia 23:19

Hé na, Korowii bandia do kɛŋɔ peukpeɡ waa dɛ ta, kɛŋɔ kawulewule dɛ ta dɛɛ kpɔ nyubinikpeɡ tena nyubaahna.

Mmarare 4:27

Korowii dɛ́ ba heyaa lɔe peɡre ja harɛre ta, he bini tama banee dɛ́ ba ka.

Sekaria 2:6

Korowii berɔ ŋɔ o nɛra be ŋɔ, “Hé ba warane. Hé chwa le weekaŋle nyunduabɔr harɛ la ta ba, dɛkalkɛ menee lɔ heyaa peɡre harɛ nɔ ta bobɛlbwa. Men Korowiirii bola.

Sefania 3:6

Korowii ŋɔ, “N chɔɡ harɛre bwa nɛra ne ba bwɛjena, dɛ kuuɡi danjwɛɛre baa maa bara, ne a dejaŋa bwa a berɛ dimɡbeeni. Bwɛjena la chɔ pɛɛ, nɛra toole a fɔɡbaahna, nomɛlbwa ta kae kpa.

Sekaria 9:14

Korowii ɛɛ le nyunduaa dɛ́ ba o nɛra be, ásɛ o hɛm nyɛɡle kɛŋɔ bwaala nyɛɡla ken. Nemenɛ Korowii ɛɛ hoh laa bɛlaa, dɛ́ valɛ peujen bini kpeɡri ne le weekaŋle harɛbɔr ba.

Habakuk 3:14

He hɛma yaɡɛ o laa sitɔɔ, ɡɛ saŋ o laa tena aa wura ba tɔ ya nɛɛ dɛ lɔ yaa peɡre la. Ba sie lɛɔ kɛŋɔ nɛra baa sɔah dɛɛ fiiɡi nɛŋɡwɛɡra.

Neehum 1:3

Korowii baah aa di warawara, o dɔ kpeɡri kohona. Waa wechɔɡ-ɛɛ bɛlbwaa ɡel dɛ o ta o deŋne tɛrɛ. Bobɛlbwa Korowii aa dɛ valɛ la, belaa kawulewule ne dompeu ɛɛ ta, asɛ baama ɛ o nakpale tutuɡ.

Emɔs 1:14

Mɛɛ ɡeloo nii ba fuh danjwɛjena aa bar bwɛjen Raba dɛ́ chɔɡ ba dekpeɡa. Dɔma ɛɛ do lɔŋɔree dɛ́ ba yoo ba awola, kɛŋɔ kawulewule aa dɛ ta ken.

Daneɛl 8:9

Nyeɡlejeɡa bɛl leɔ pa nyeɡlare la bɛl ta, dɛ di kpeɡri kohona chaɡɛ weekaŋle harɛbɔr ne wee leebɔr, dɛ kpoŋe kaa Israel Harɛdɛɛɡe la ta.

Jeremia 52:30

asɛ bene fifraanɛ dɛ atoro ta ɡe, Juu tena lafraanuanɛ fifraanaarɛ dɛ banue. Nebusaradan waa chɔ laa tena nyoa laanee laɡ ba kaa. Ba bwa lɔ nɛra kaɡboŋa banaarɛ lafraanumɛl.

Jeremia 44:6

Anomanta, n kpɔ n bandia ba ta Juda bwɛɛre nɛ, ne Jerusalam fɔɡbaahna, dɛ kpaa nii do a ta. A bwa kuuɡo dɛ berɛ dimɡbeeni dɛ do ɔma, nomɛlbwa aa wola nyin kɛ o nyiŋi, dɛ ba le fini.

Jeremia 36:19

Belaa ba ŋɔ o be ŋɔ, “He ne Jeremia bwa ka nyin bɔr sɔh. He bɛ ɡel bɛlbwa jemɛ bela haa lole.”

Jeremia 30:23

Hé na, Korowii bandia do kɛŋɔ peukpeɡ, dɛ́ ta kpɔ nyubinikpeɡ tena nyuune ta.

Jeremia 5:15

Korowii ŋɔ, “Israel tena, n kpɔ nɛra le bojaŋ harɛ ta ásɛ ba ba yo heya. Harɛ o nɛra aa lole le saŋ la bwa dɛ do kpeɡri haa wola ba wobol no, haa a mun ɡe no.

Aesaya 21:1

Waa aa chiɡ Babelɔn harɛ ta Korowii bol baɡle Aesaya chaahna ta laanee nɔ. Gɛ kawulewule aa taa dɛɛ kpɔ pua hɛŋle ɡbo harɛ ta la, ɡɛɛ wekpeɡa ɛɛ ba a le harɛ waa do ɔma ta ba.

Aesaya 17:13

Hale nɛra warɔ dɛɛ moo kɛŋɔ mpo nehɛma sii aa, Korowii ɛɛ kah baa ásɛ ba chwa kaa bojaŋ. Baa chwao dɛ́ peɡre kɛŋɔ peu aa kpɔ haahra, kɛɛ kawulewule aa kpɔ doŋa kaa la ken.

Yela 58:9

Mɔɔ ba jemɛ la, dɛ ba teŋ ba ta kɛŋɔ kpɔɡa ken, hen Korowii ɛɛ perewi baa ta he bandia kohona la ne, ɡɛ saŋ ba taa soɡe le la.

2 Webena 36:21

Anee ɡela waa Korowii aa cheɡɛ o keame Jeremia nɛɛ bol la ɛ kpela. O ŋɔ, “Harɛ la ɛɛ chɔɡoo, dɛ́ chɔ kɛ dimɡbia bene fifraanuanɛ baa wola won parɛ o ta.”

Mmarare 28:49

Korowii ɛɛ ɡeloo nɛra haa wola ba wobol no, le harɛ jaɡa dɛ́ ba he nɛɛ wɔrɔbe nɛɛ kɛŋɔ kee yon ba ta la.

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.

Lewi Dea Tena 26:22

Mɛɛ ɡeloo kpɔɡ bini olchɔɡa ba jo he bini, dɛ́ ba kpoo he bii, dɛ́ chɔɡ he kondɛɛra bwa soo siwi. He bini tamaa kenii dɛɛ ba kae, anomanta, he ŋwɛnɛre ɛɛ chɔ pɛɛ.

Aesaya 66:15

He na, Korowii kpɔ o torɔɡore dɛɛ ba nii ne kɛŋɔ kawulewule. O baah dɛ fuh kohona, wɛɛ ba ó ba tɛr nɛra deŋne.

Aesaya 60:15

Jerusalam, ba fa haeh dɛ vɛɛh, nomɛlbwa aa he ta kpɔ. Kɛ mɛɛ ɛɛ he do wer kɛŋɔ, bwɛjen waa soma tɛ nɛra saŋ te bɛlbwa dɛɛ la.

Jeremia 12:10

Peteɡra kpɔ ba peera ba tiɡri n daa koo do harɛ, kɛŋɔ harɛre ane koranar aa chɔɡ n nɛra la. A ɡelɔ koo n sie aa dɛ lɛ o ta chɔɡ, dɛ berɛ pua hɛŋle ɡbo harɛ.

Ɛsekeɛl 5:10

A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.”

Ɛsekeɛl 12:19

Ŋɔ harɛ la ta nɛra be ŋɔ, ‘Men Nemenɛ Korowii dɛ bol nɛra baa lɔ Jerusalam ne Israel harɛ la ta nɛra be kɛŋɔ, báa di kwaa bochela nee, dɛ́ nyɔ nee ɔmee ne sibeɡra ne. Harɛ la bwa dɛ ba chɔɡa dɛ́ chɔ pɛɛ, deŋnekpeɡ ne naɡrenyin we-ɛɛla aa lɔ bela la wa.

Ɛsekeɛl 22:15

Mɛɛ lɔ baa peɡre harɛre ne bwɛɛre ta, ásɛ dɛ ɡel ba wechɔɡa bwa ba a jaɡa.

Joel 2:3

A dɛ chɔɡ kwaa kɛŋɔ nii yon fuh kwaa dɛ chɔɡa la. Harɛ waa chɔ a sie do kɛ Korowii bodɛɛɡe Eden ken, asɛ pua hɛŋle ɡbo harɛ chɔ a habɔɔ, komɛlbwa aa won chwa le a be.

Sekaria 8:1

Koranar Bwa Kooro bol waa men Sekaria be ja ŋɔ,

Hosia 9:17

Korowii maa dɛ tomɔ la vɛɛh ba, dɛkalkɛ ba ta o waa ta teŋɛ. Baa dɛɛ ɡaaɡe harɛre taa, baa bɔree dɔ so.