Sekaria 6:6 - mzwDBL

⁶ Kon baa vɔwa pɛl jaaɡɔbiŋere la sie chaɡɛ weekaŋle nyunduabɔr, Babelɔn harɛɛ a tɛɡre dɛɛ kaa. Onɔ la baa vɔwa pɛl jaaɡɔpoŋa la sie chaɡɛ wee cholibɔr, asɛ onɔ la baa vɔwa pɛl jaɡre a bwara aa lɛɡra la ɡe sie chaɡɛ weekaŋle harɛbɔr a bwa tɛɡre dɛɛ kaa.”

Sekaria 6:6 Referans Kwoze

Ɛsekeɛl 1:4

N nao kɛŋɔ peukpeɡ bɛl aa taa dɛ kpɔ bam waa kana le weekaŋle nyunduabɔr, nii baro cheme, o bini ɛɛ nyɛɡle pelɔpelɔ ken. Waa dɛ nyɛɡle la, komɛl do kɛŋɔ ayaawa ken dɛ do o bini.

Jeremia 51:48

Belaa koŋkwaa aa lɔ nyundua ne harɛ ɛɛ ba silɛɛ lɔŋɔre doe Babelɔn wa, dɛkalkɛ nɛra dɛ ba weekaŋle nyunduabɔr lee dɛ́ ba yoo dɛ́ chɔɡo.

Jeremia 6:1

Bɛnjamen dea tena, hé chwa le Jerusalam dɛ́ dɔ he nyu. Hé hoh bɛla la Tekoa, ásɛ dɛ choŋi nii Bɛt Hakerem ɡe, á baɡle kɛ siswɛm balɔ. Wekpeɡa ne harɛchɔɡ le weekaŋle nyunduabɔr dɛɛ ba.

Jeremia 4:6

Hé ir fraŋkaa chaɡɛ Saayɔn. He bɛ hɛlɛ, hé chwa dɛ́ lɛ he nyu. N kpɔ wenaale le weekaŋle nyunduabɔr dɛɛ ba, chɔɡa tenten nee mɛɛ ba he nɛ.”

Daneɛl 11:40

Aa ba ka tama Siiria kooro waa ba a jaɡa la, Ijipt kooro ɛɛ ba yoo laalee, ásɛ Siiria kooro la kpɔ kwaa aa do kɛ torɔɡore, ne laa tena baa soɡe jaɡre ta, ne stiimaere aa wara, o kpeɡri bwa ne dɛ́ ka puu yo. Wɛɛ lɔɔ ka tɔ harɛre ɡalɡa nɛra nɛɛ kɛŋɔ nee yon su dɛɛ kpɔ bobɛlbwa la ken, dɛ́ ba lɛ harɛre dɔɔh.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Daneɛl 11:9

Siiria kooro ɛɛ kpɔ o laa tenaa ka lɔ tɔ Ijipt kooro ne o nɛra nɛ, kɛ waa won, dɛ́ berɛ kaa o harɛ ta.

Jeremia 46:10

Awola tɔpere la ɛ Korowii, Koranar Bwa Kooro Tɔpere, tɔpere waa dɛ ba o dɔma kem bɔe. O tokobii nee wɛɛ ba ba kpoora, dɛ́ nyɔ ba chal sɔɔh nyɔɡre waa dɛ kpoo nyoa. Korowii, Koranar Bwa Kooro ɛɛ kpoo o dɔmaa awola tɔpere, Yufretis Moo nyoa, weekaŋle nyunduabɔr.

Wepila 6:5

Pebie la swe kwaa baa kpɔa marɛ tɔn la toorote la, asɛ n no kɛ hweera kwaa toorote aa ŋɔa, “Ba!” N nyiŋo, dɛ jaaɡɔbiŋi bɛl ɡe leɔ. Nɛn waa soɡe o ta la kpoŋe kon baa kpɔa dɛɛ kari kwaa tɔɡre la bɛl.

Aesaya 43:6

Mɛɛ ŋɔ weekaŋle nyunduabɔr, ne weekaŋle harɛbɔr tena bee ŋɔ bá tɛɛ ba ŋwɛnɛ bá kaa! Hé kpɔ n bibaala le bojaŋ ba, dɛ́ kpɔ n bitoli baa lɔ harɛ jaɡa ɡe ba,

Aesaya 30:6

Waa Korowii aa bera kpɔ baɡle Aesaya chaahna ta, a ɛ kpɔɡ bini olchɔɡa waa Nɛɡɛv pua hɛŋle ɡbo harɛ taa nɔ. “Juda tena toroma la vɔrɔwe ba laala dawɛ keeɡore ta, dɛ vɔrɔwe ba kondɔɔh dawɛ nyoɡmare ta, dɛ kpɔ wekpeɡa ne siswɛm harɛ, nyujentena ne domkpule ne harɛkwaare aa dɛ jah aa lole, dɛɛ kaa harɛ la tɔnɔ bɛlbwa aa wola toole o ta la ta.