Sekaria 6:15 - mzwDBL

¹⁵ Nɛra ɛɛ le bojaŋaa ba, dɛ́ ba cha bá kwaa ma Korowii Dea la. Ásɛ he jemɛ kɛ Koranar Bwa Kooroo tom mɛ he be. Dɛ hɛɛ teŋɛ waa Korowii haa dɛ tomɔ aa do heyaa a ta kɛrɛdɛ tenaa, ɡɛ waa nɔ ɛɛ ɛo.”

Sekaria 6:15 Referans Kwoze

Aesaya 60:10

Korowii ŋɔ Jerusalam tena be ŋɔ, “Nɛŋhɔɔhraa dɛ́ berɛ ba kwaa ma he bwɛjen nɔ danjwɛɛre, ásɛ ba koranar ɛɛ tomɛ heya. N baahnee fa dia n tɛr he deŋne. Taraken te, mɛɛ dɔ tedomaa tɛ heya, dɛ́ sune he nɛ.

Sekaria 3:7

Koranar Bwa Kooro ŋɔ, “Hɛɛ dɛɛ teŋɛ n waa taa, dɛɛ ɛ waa maa dɛ nyin tenaa, mɛɛ kpɔ n Dea wobɛlbwaa do he nɔn ta, ásɛ hɛɛ nyiŋi o dembaahna bwa ta. Mɛɛ no he wesoŋaa, ɡɛ maa dɛ no nyundua toroma baa cheɡɛ he sie nɔ wesoŋa.

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

We-ɛɛla 2:39

dɛkalkɛŋɔ he ne he naanar ne bojaŋ tena Korowii aa dɛ yer ba ŋɔ bá ba o be la bwa waa o baɡɛ nyoa la la.”

Aesaya 57:19

ásɛ Israel tena wii berɛ kpɛɛra. Banɔ la baa lɔ bojaŋa ne sie bonɔ la, mɛɛ tɛɛ baa deŋnesɔɔhna tentenee, mɛɛ chaah baa. Men Korowiirii bola.

Sekaria 6:12

Bol o be ŋɔ men Koranar Bwa Kooro ŋɔ, ‘N bonɔɔ waa do kɛ Daa Kpale la ɛɛ ta kpalee le bela waa lole, dɛ́ berɛ ba kwaa ma men Korowii Dea la.

Jeremia 7:23

N do ba ŋɔ baa no n wa, ásɛ n ɛ Korowii baa dɛ tom mɛ, ásɛ ba ɡe ɛ n nɛra. N berɔ ŋɔ ba be ŋɔ a chɛ kɛ baa ɛ ɡɛ maa do ba la, ásɛ wobɛlbwa do wer tɛɛ ba.

Aesaya 3:10

Gel nɛra ba wa aa toɡra no kɛŋɔ aa do werii tɛɛ ba. Baa di ba we-ɛɛla tɔnɔɔ.

Mmarare 30:10

dɛ he teŋɛ Korowii haa dɛ tomɔ nɔ waa aa lɔ o Mmarare Tɔn nɔ bini nɔ ta, dɛ kpɔ he bambile bwa ne he hweera bwa ba o be naa.

Aesaya 49:12

Baa le bojaŋaa ba, bane ɛɛ le weekaŋle nyunduabɔree, bane ɡe le wee cholibɔr dɛ́ ba, ásɛ bane ɡe le Aswan dɛ́ ba.”

Sekaria 2:13

Nɛwɛnyina bwa hel Korowii sie, dɛkalkɛ o iro le o boɡoroŋ bela waa lole.