Sekaria 2:10 - mzwDBL

¹⁰ Korowii ŋɔ, “Jerusalam tena, hé ɡel he sie lɛ hɛɛ ɡo yela! N dɛ ba dɛ́ ba so he baah ta.”

Sekaria 2:10 Referans Kwoze

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Sekaria 8:3

Mɛɛ berɔɔ ba Jerusalam, bela n Saayɔn Bwejen aa lole dɛ́ ba so. Baa yerɛ Jerusalamee Kasinteŋ Bwɛjen, ásɛ dɛɛ yerɛ men Koranar Bwa Kooro Bwejen la Bwejen Waa Do Goroŋ.”

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Sefania 3:17

Korowii haa dɛ tomɔ la ja he nɛ. O dɔ kpeɡri dɛ́ won lɛ heya. O sie ɛɛ lɛ he nɛɛ kohonaa, dɛ́ che o nyina ta tɛ heyaa mkpafale. Wɛɛ ɡo yelaa dɛɛ hɛɡre he wa.

Ɛsekeɛl 37:27

Ba baahnee mɛɛ ba soɡa, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

Lewi Dea Tena 26:12

Mɛɛ ja he nɛɛ, dɛ́ ɛ Korowii haa dɛ tom mɛ, ásɛ he ɡe ɛ n nɛra.

Wepila 21:3

Asɛ n no takpeɡ bɛl o le kookara la ta, dɛ ŋɔ “Hɛ́ɛ no! Taraken Korowii dobɔree nɛwɛnyini bini. O ne banee dɛ́ so, bá ɛ o nɛra ásɛ o ɡe ɛ ba Korowii, ba ne o so.

Amanesoma Jɔn Aa Chwera Tɔn 14:23

Asɛ Yeesu chaŋo ŋɔ, “Nomɛlbwa waa dɛ nyin mɛ la, wɛɛ dɛɛ teŋɛ n webaɡla la taa. N Mɛɛ ɛɛ nyinuu, n ne o bwa ba o be ya ne o so.

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Jeremia 30:19

Nɛra baa soɡe bela ɛɛ ɡo kpɛɛra yelaa, dɛ́ do lɔŋɔre dɛɛ hɛɡre. Mɛɛ swee ba andɛɛɡaa, dɛ́ ɡel ba mun ya, ásɛ dɛ dɔ duure.

Aesaya 66:14

Dɛ he na ɡɛ waa nɔ a chiɡ aa, he sie ɛɛ lɛo, a tɛɛ kpeɡri, ásɛ he jemɛ kɛŋɔ n dɛ cha nɛra baa dɛ no n deŋna wa, dɛɛ baɡle n bandia nɛra baa ɛɛ mɛ dɔm nɛ.”

Aesaya 51:11

Nɛra haa lɛɛ ba la ɛɛ berɔɔ ba jo Jerusalam, dɛ́ ɡo yela dɛɛ hɛɡre silɛɛ ne. Ba sie ɛɛ lɛo saŋ bɛlbwa, ásɛ sum ne hima le kwaraa.

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Wepila 2:1

“Tɔn nɔ dɛ kaa nyundua torome waa cheɡa tɛ asɔre tena baa lɔ Ɛfesos la be. Kenii men maa kpoŋe weweela anuanɛ n nɔndiɡ ta, dɛɛ valɛ suuɡaswɛm kandea daa anuanɛ baah la ŋɔ,

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

Malakae 3:1

Koranar Bwa Kooro bolɔ ŋɔ, “Hé no, mɛɛ tomɛ n toromee ó tɔ n sie dɛ́ kwaa ŋwɛnɛ tɛ mɛ ń ba. Ásɛ Dɔɔ haa dɛ nyiŋu ŋwɛnɛ la ba piɡri heyaa o Dea, onee hɛɛ nyiŋi ŋwɛnɛ ó ba dɛ́ ba baɡle fɔo la wa.”

Sekaria 14:5

Hɛɛ chwao kpɔ fɛlembɔjen waa bɔne Bwejen la binii kaa bwɛɛ bɛl baa dɛ yerɔ Asɛl ta. Hɛɛ chwao ɡɛ he naawa fa aa chwaa ɡɛ saŋ harɛ aa jiɡra dɛ Juda Kooro Ussia di kora la. Korowii maa dɛ tomɔ la ɛɛ bao, o nyundua toroma bwa ja o nɛ.

Jeremia 31:12

Baa bao dɛ ba ɡo silɛɛ yela Saayɔn Bwejen la ta, ásɛ ba sie lɛ n koŋkɛɛla, aa ɛ mea ne sen ne ɔleve no, dɛ peera ne nae bwa ta. Baa doo kɛŋɔ bodɛɛɡe ba du daa, bwaala nɛ o ta ken, dɛ́ dɔ kondɛɛɡa men Korowii aa kpɔ tɛɛ ba. Ásɛ ba sunaa di kpa.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 54:1

Korowii ŋɔ, “Jerusalam haa do kɛŋɔ hambara, ɡel he sie lɛ hɛɛ moo, dɛkalkɛŋɔ haah o jaa aa chwao la ɛɛ ba dɔ biirii ɡwaa onɔ la o jaa aa wola on chwae.

Aesaya 42:10

Nɛra haa lɔ harɛ ta bwa, hé ɡo yelfale kpɛɛ Korowii. Nɛra haa dɛ ɛ toma mpo ta, ne kwaa aa lɔ o ta bwa, ne harɛ jaɡa nɛra bwa, hé ɡo kpɛɛra yel tɛo!

Yela 68:18

O teehnɔ kaa nyundua, dɛ lawɛ nɛra waa laɡ ba laa ta kaa, asɛ deŋnekpeɡ tena kpɔ koŋkɛɛla baa tɛo dɛ ŋɔ, Korowii ɛɛ ba so belaa.

Yela 40:7

Belaa n ŋɔ, “N Naa Korowii, menee la. N balɔ. Ba chwerɛ n waa do he Mmara tɔn la bini.

Aesaya 35:10

Baa valɔɔ ɡo silɛɛ yela ka jo Jerusalam, hɛɡra aa wola nyoa dɔe ne. Ba sie ɛɛ lɛo ba bwara sɔɔh ba, suna dii ne tebinichɔɡ le ba bini kwaraa.

Kaala 29:45

Mɛɛ do he Israel tena binii, ásɛ dɛ ɛ Korowii haa dɛ tom mɛ.

Aesaya 37:22

Korowii ŋɔ, ‘Jerusalam waa do kɛ bechatolo, waa wola baa jemɛ la hah hen Koojen Senakerib, dɛɛ nyiŋi he nyubaah.

Ɛsekeɛl 48:35

Harɛ la bwa jaŋne dɛ bar la ɛɛ ɛ naɡale kaɡboŋa fifraanɛ dɛ anuanɛɛ. Dɛ le awola dɛ kaa la, baa yerɛ bwɛjen la, ‘korowii lɔ bela.’ ”

Sekaria 1:16

Mɛɛ sune Jerusalam tena nɛɛ, dɛ́ berɛ ba bela, ásɛ ba kwaa ma n Dea ne bwɛjen la bwa. Men Koranar Bwa Kooroo bola.’

Sekaria 2:5

Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Mmarare 28:64

Wɛɛ lɔ heyaa peɡre harɛre ta bobɛlbwa kaa o jaɡa, ásɛ he kaa tomɛ kwaa baa kpɔ daa ne bwea ɛa. Voɡa he ne he naawa aa wola an jemɛ bwa.

Aesaya 48:20

Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Aesaya 52:11

Hé le Babelɔn harɛ! Hé pere he te le ba nɛɛ kwara! He bɛ komɛlbwa waa kah doŋa leɡe! He nɛra haa cheɡɛ Korowii Dea laala la, hé le ba bini, dɛ́ do ɡoroŋ.