Sekaria 14:20 - mzwDBL

²⁰ Awola tɔpere la, dorɔŋre baa kpɔ do jaɡre baŋa la, baa chwerɛ a taa ŋɔ, ‘A Do Goroŋ Tɛ Korowii’, ásɛ viine baa kpɔa dɛɛ daa saraha kwaa Korowii Dea la, á berɛ do kɛŋɔ loɡa aa do ɡoroŋ dɛ che kon baa dɛ ɛ saraha o ta la sie.

Sekaria 14:20 Referans Kwoze

Kaala 39:30

Suuɡaswɛm tentenee ba kpɔ ɛ kon waa do kpɛlɛntɛŋ o do ɡoroŋ dɛ do Arɔn ɡbɛrɛjen la sie dɛ ɛ dawɛ o ta ŋɔ, “kon baa lea cheg tɛ korowii o do goroŋ.”

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Aesaya 23:18

Ba tɔnɔ baa dɔ ne ba suuɡa baa dɔa la, baa a taa tɔ. Baa kwaaraa cheɡ á ɛ Korowii kwa, ásɛ nɛra baa dɛ tomɔ la kpɔ yawɛ kondikwaa kohona dɛ́ di dɛ́ yawɛ ba bwara laaladɛɛɡa baa dɛ nyin bwa.

Lewi Dea Tena 8:9

Asɛ dɛ kpɔ ɡbɛrɛjen la pi Arɔn, dɛ kpɔ suuɡaswɛm kon waa do pɛmpɛŋ dɛ do ɡoroŋ la vɔwɛ pɛl ɡbɛrɛ la sie, ɡɛ Korowii aa do Mosis la.

Sekaria 9:15

Koranar Bwa Kooro ɛɛ tɔ o nɛra ɡbemɡbee. Baa chɔɡ ba dɔma vamtor bwea nee, dɛɛ moo laa ta kɛŋɔ sennyɔdɛɛra ken. Baa kpoo ba dɔmaa, ásɛ ba chal ɛɛ palɛ kɛŋɔ baa kpoo kwaa ɛ saraha, dɛ kpɔ a chale dɛɛ merɛ saraha kwaa loŋkoni ta la ken.

Nɛra Kura 7:19

Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

Nɛra Kura 7:13

O saraha kwaa ɛ suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, suuɡapoŋ loɡ beŋkpoŋ baa ɛ nee dɛɛ do o bini, dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

Nɛra Kura 4:14

Ásɛ dɛ pa koŋkwaa bwa baa kpɔa dɛɛ ɛ toma saraha kon la ta. Anee kwaa baa kpɔa dɛɛ buh nii, ne bune baa kpɔ toh ola, ne soofire, ne loɡa baa do chal kɛɛ nee a bini dɛ ɛ dɛɛ merɛ, dɛ́ kpɔa chɔŋɛ o ta, ásɛ dɛ kpɔ mpo nae tɔne la bɔle a ta. Ásɛ dɛ kpɔ daa baa kpɔa dɛɛ cheo la suuɡi nɔnloɡa aa lɔ o loŋkoni ta la.

Nɛra Kura 4:7

Bá paɡri yaburum bɛl bɔle teebur Korowii paanoo aa dɛ dawɛ o ta la ta, dɛ́ pa tafolabɔtɔre ne loɡa ne lerwe baa dɛ do sen a bini, dɛ́ kpɔ ɛ saraha dawɛ bela. Paanoo la baa yon kpɔ dawɛ o ta la chɛ kɛ ó ta dawɛ bela.

Lewi Dea Tena 6:28

Dɛ vii nee ba daa ol la aa, bá paɡro. Dɛ buni kon ɡee yaa, bá kwiu kɛrɛdɛ dɛ́ kpɔ nee yaɡlo.

Kaala 37:16

Ba kpɔ suuɡaswɛm tenten ɛ tafolabɔtɔre ne loɡa ne viine dɛ numoli baa kpɔ dɛɛ ɛ sen saraha.

Wepila 20:6

Nɛra baa tɔ sie ir seo ta la na som. Korowii nɛraa ban. Seo nɛɛtena la ta kpeɡri dɔe ba nɛɛ kpa. Baa ɛ Korowii ne Kristo sɔforee, ásɛ ba ne o pɛ di kora bene kaɡboŋ.

Wepila 5:10

dɛ ɡel ba ɛ N Naa Korowii Kora nɛra, ne o sɔfore dɛɛ tomɔ, dɛ́ ba di kora harɛ nɔ bwa ta.”

Wepila 1:6

O ɡelɔ ya bwa ɛ o Kora ta nɛra, dɛ ɛ sɔfore dɛɛ tomɛ o Mɛɛ Korowii. Anomanta, hé tɛo sɔn. Onee dɔ kpeɡri saŋ bɛlbwa dɛɛ la. Aamen.

1 Pita 4:11

Nomɛlbwa Korowii aa chao o won dɛɛ bol o Waa la, wɛ́ɛ bola dɛ jemɛ kɛŋɔ Korowii Waa wɛɛ bol la. Nomɛlbwa Korowii aa chao o won dɛɛ tomɛ o dɔŋ la, wɛ́ɛ tomɔ bokpeɡa Korowii aa tɛo bwa ne, ásɛ wobɛlbwa ta la, Korowii che Yeesu Kristo nɛɛ dɛ́ dɔ sɔn. On chɛ kpeɡri ne jirima aa wola jaɡa dɔe bwa. Aamen.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Kolosi 3:17

Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

We-ɛɛla 15:9

O ta baɡlɛ kɛŋɔ ba korɔ ya korɛ. Baa yarada Yeesu waa la waa Korowii laa ba wechɔɡa kpɔ ba nɛ.

We-ɛɛla 11:9

Asɛ naate berɛ kwaa ŋɔ n be nyundua bela ŋɔ, ‘Kon Korowii aa laa o doŋa kpɔ o nɛɛ la, bɛ on kondoŋ lii kpa.’

We-ɛɛla 10:28

asɛ o ŋɔ ba be ŋɔ, “He ɡbabir jemɔ kɛŋɔ ya Juu tena aa nɛra baa wola Juu tena ɛɛ bini jo. Kɛ Korowii berɔ ŋɔ n be ŋɔ n bɛ nomɛlbwa nɛndoŋ yerɛ.

We-ɛɛla 10:15

Anee naate berɛ ŋɔ o be nɛɛtena ŋɔ, “Kon Korowii aa laa o doŋa kpɔ o nɛɛ la, bɛ on kondoŋ yerɛ kpa.”

Amanesoma Luk Aa Chwera Tɔn 11:41

Hé kpɔ kwaa haa nyina cheɡ la dɛɛ kɛ nyaara he bambile bwa ne ásɛ komɛlbwa do wer tɛ heya.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Sefania 2:11

Korowii ɛɛ ɡeloo ɔmee kohona chole ba nɛ, dɛ́ chɔɡ ba voɡare aa lɔ harɛ la ta bwa. Ásɛ harɛ bɛlbwa ta nɛra ɛɛ tomɔ, bɛlbwa ɛɛ dɛɛ tomɔɔ o ɡbaɡba harɛ taa.

Obadia 1:17

Kɛ Jekɔb dea bii bane ɛɛ dɔ ba nyuu Saayɔn Bwejen la ta, ásɛ o ɛ bɔr waa do ɡoroŋ, bá berɛ dɔ harɛ waa ɛ ba kapɛrɛ kon wubwa la.

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

2 Webena 4:8

O ɡelɔ ba ɛ teeburre fi, dɛ kpɔ cheɡ Korowii Dea bela. Anue cheɡɛ weekaŋle harɛbɔr pera, anue ɡe che weekaŋle nyunduabɔr pera. O berɔ ɡel ba kpɔ suuɡaswɛm ɛ loɡa lafa baa do nee kɛɛ chal a bini dɛ ɛ dɛɛ merɛ.

1 Samoɛl 2:14

Wɛɛ taɡɔɔ su ola la bini, asɛ bɛlbwa waa le o ne la ɛ sɔfo la kon. Dɛ ɡɛɛ ba kpɔ dɛɛ ɛ Israel tena baa ba Silo bela baa ɛ saraha bwa.

Kaala 25:29

Berɛ kpɔ suuɡaswɛm tenten kwaa loɡbakorɔre ne dompaane, ne numoli dɛ loɡa baa kpɔ dɛɛ fuɡe sen saraha kwaa la.

Aesaya 52:1

Bwɛjen Jerusalam, ir! Ir nyu ne! Kpɔ bokpeɡa tɔ he te kɛŋɔ yal ken. Jerusalam, Korowii bwɛɛ waa do ɡoroŋ, kpɔ he yadɛɛɡe tɔ dɛ dɔ jirima. Nɛra baa wola Korowii tomɛ, dɛ kah doŋa te bɛlbwa, aa won jo he bwɛɛ nɔ ta kpa.

Jeremia 31:40

Fɛlembɔjen la bwa, bela baa dɛ huɡe nɛra, dɛ berɛ dɛɛ ta chaa o bini, dɛ harɛre aa chɔ Kedrɔn nenabɔɔ ta, dɛ́ kpoŋe ka le Jaɡre Doonyoa wee leebɔr bwa, ɛɛ do ɡoroŋee tɛ mɛ. Nomɛlbwa aa bwɛjen laanee kuuɡi kɛɛ dɛ chɔɡo kpa. Men Korowiirii bola.”

Ɛsekeɛl 45:1

Korowii ŋɔ, “He dɛ ba harɛ la bɔna tɛ Israel dea bɛlbwa ó ɛ o kapɛrɛ kon aa, a chɛ kɛ he le o pera cheɡ tɛ men Korowii, ó ɛ bɔr waa do ɡoroŋ. O jaŋne ɛ naɡale kaɡboŋa fifraatoro dɛ anuanɛ lafraanue, asɛ o paɡri ɡe ɛ naɡale kaɡboŋa fifraatoro. Bela bɔr la bwa ɛɛ do ɡoroŋee.

Sekaria 14:19

Waa nɔɔ dɛɛ ba deŋnetɛra ɛɛ, dɛ́ tɛ Ijipt tena ne harɛre nɛra la bwa baa wola la ka di Kukure Tɔpejen la.

1 Koranar 7:50

O berɔ ɛ suuɡaswɛm tenten loɡbaala, ne kon baa kpɔa dɛɛ fee kandea ŋwɛn la doŋa, ne loɡa baa do nee kɛɛ chal a bini dɛ ɛ dɛɛ merɛ, ne loɡa ne kwaa baa kpɔa dɛɛ buh nii, ne dea la ɡbeni baa kpɔ suuɡaswɛm ɛa, ne ɡbeni aa lɔ Boɡoroŋ Tenten bela ɡbeni, dɛ ɡbeni aa lɔ Dea la nyoa bwa.

Sekaria 8:3

Mɛɛ berɔɔ ba Jerusalam, bela n Saayɔn Bwejen aa lole dɛ́ ba so. Baa yerɛ Jerusalamee Kasinteŋ Bwɛjen, ásɛ dɛɛ yerɛ men Koranar Bwa Kooro Bwejen la Bwejen Waa Do Goroŋ.”