Sekaria 14:11 - mzwDBL

¹¹ Nɛra ɛɛ ba so Jerusalam deŋnesɔɔhna taa, nomɛlbwa aa wola won ba aah o nɛra dɛ́ chɔɡo kpa.

Sekaria 14:11 Referans Kwoze

Wepila 22:3

Komɛlbwa Korowii aa taahno la aa bwɛɛ la taa do. Korowii ne Pebie la kookara la chebɔree bela, ásɛ o bonɔɔna ne toli ɛɛ tomɔ,

Emɔs 9:15

Mɛɛ lawɛ Israel tenaa ba so ba ɡbaɡba harɛ ta, nomɛlbwa aa wola won ba doŋ ba le harɛ maa kpɔa tɛɛ ba la ta. Men Korowii haa dɛ tom mɛ laanee bola.”

Wepila 21:4

Wɛɛ fee ba sinii bwaa ta baa wola wi kpa. Seo aa lee do kpa. Lokua ne wii ne bwadabii wee aa lee do kpa, dɛkalkɛ webena la bwa toole kpa.”

Sekaria 8:8

Mɛɛ berɔ ba bane ba so Jerusalam, ásɛ ba ɛ n nɛra, n ɡe ɛ Korowii baa dɛ tom mɛ, ásɛ n nyiŋi ba nɛɛ kasinteŋ ne waa aa toɡra ne.

Sekaria 8:4

Koranar Bwa Kooro ŋɔ, “Banjeni ne hanjeni ta ɛɛ kpoŋe daŋɡbalee, dɛ́ so Jerusalam fɔɡbaahna.

Sekaria 2:4

dɛ ŋɔ o be ŋɔ, “Chwa la ka ŋɔ bonɔmbii la be ŋɔ bɔr toole bá ma danjwɛɛ bar Jerusalam kpa, dɛkalkɛ nɛra ne kondɛɛra warɛ o ta.

Joel 3:20

Nɛra ɛɛ so Juda ne Jerusalam harɛ saŋ bɛlbwaa, ka tel naanar baa ka ba bwa saŋ.

Joel 3:17

“Anee dɛɛ ba ɡela he jemɛ kɛŋɔ men Korowii haa dɛ tom mɛ, n soɡe n Saayɔn Bwejen waa do ɡoroŋ la ta. Jerusalam ɛ bwɛjen maa lea cheɡ o do ɡoroŋ, nɛŋhɔɔhra aa won ba yo dɛ́ pɔ n nɛra nɛɛ kpa.

Ɛsekeɛl 37:26

N ne baa fɔwɛ deŋnesɔɔhna fɔwee o do le saŋ bɛlbwa dɛɛ la. Mɛɛ ɡeloo ba do kpeɡri ba mun ya kohona, ásɛ n kpɔ n Dea la ba cheɡ ba harɛ ta saŋ bɛlbwa dɛɛ la.

Jeremia 31:40

Fɛlembɔjen la bwa, bela baa dɛ huɡe nɛra, dɛ berɛ dɛɛ ta chaa o bini, dɛ harɛre aa chɔ Kedrɔn nenabɔɔ ta, dɛ́ kpoŋe ka le Jaɡre Doonyoa wee leebɔr bwa, ɛɛ do ɡoroŋee tɛ mɛ. Nomɛlbwa aa bwɛjen laanee kuuɡi kɛɛ dɛ chɔɡo kpa. Men Korowiirii bola.”

Aesaya 66:22

Korowii ŋɔ, “Gɛ harɛfale la ne nyundufale maa dɛ́ ba tae a che n kpeɡri ta dɛ́ che kiŋkiŋ la, ɡɛɛ he ne he naanar sɔna ɛɛ ba cheɡa.

Aesaya 60:18

Haa yoi ɡbɔɡaa no he harɛ ta kpa, wobɛlbwa aa chɔɡ he harɛ ta kpa bwa. Mɛɛ tɔe ɡbemɡbee kɛŋɔ danjwɛɛ ken dɛ́ lɛɛ, ásɛ he kpɛɛ mɛ, lɛɛ maa lɛɛ ta la wa.

Aesaya 26:1

Tɔpere bɛl dɛ ba, ásɛ Juda harɛ nɛra ɡo yel nɔ harɛ la ta. Ya dɔ bwɛjen danjwɛkpeɡ aa baro name, Korowii ɡbabirii cheɡɛ ya habɔɔ, dɛɛ nyiŋi danjwɛɛ waa baro ta.

Nɛra Kura 21:3

Asɛ Korowii no ba wesoŋa la, dɛ laa nɔn kpɔ Keenan tena la nɛ, dɛ ɡel Israel tena pɔ ba nɛ. Ba kpoo ba, dɛ chɔɡ ba bwɛjena bwa. Anomanta, ba pa bela sɔn Hɔrma.

Jeremia 32:37

‘N dɛ ba nɛra maa cheɡɛ n bandia kohona ta dɛ lɔ ba peɡre harɛre bwa ta la nyoa boara, mɛɛ berɔ ba ba bwa ne bonɔ, dɛ́ ɡel ba so deŋnesɔɔhna ta.

Sekaria 8:13

Gɛ baa taah he Juda ne Israel tena harɛre ta la, ɡɛɛ mɛɛ ba heyaa lɛɛ, ásɛ nɛra che he nɛɛ dɛ́ dɔ wedɛɛɡa. He bɛ ɔmɛ, hé dɔ ɡbemba.”

Mmarare 33:28

Anomanta, Jekɔb naanar, bosɔɔhna taa hɛɛ ba soɡa. Harɛ mea ne sen aa lɔ o ta asɛ mɛn ɛɛ ta dɛɛ pwe harɛ la.

Sekaria 12:6

Awola tɔpere la, mɛɛ ɡeloo Juda nomonome do kɛŋɔ koropɔɔto ninhɔla aa suu dɛ́ do dahola baah dɛɛ hɔ, kɛɛ kapɛle aa lɔ mea baah ta dɛɛ lawɛ nii. Baa chɔɡ harɛre aa bar ba la nɛra bwaa, kɛ Jerusalam tena te ɛɛ so ba buɡ taa deŋnesɔɔhna ne.