Sekaria 13:4 - mzwDBL

⁴ Awola tɔpere la, sihiih ɛɛ kpo keame bɛlbwa waa ŋɔa o dɛ na chaahnaa. Waa keamere batakaaree do dɛ́ neɡre nɛra kpa.

Sekaria 13:4 Referans Kwoze

Matiu 3:4

Gɛ Jɔn nɔ, nyoɡma pona nee ba sɔh o yal, asɛ o kpɔ ol tɔn ɛ kiriso dɛɛ vɔwɛ o chara. O kondikwaa ɡee tontombɛ ne tooh.

Aesaya 20:2

a ɡɛ saŋee Korowii che Emɔɔs bie Aesaya nɛɛ dɛ bol ŋɔ, “Ka laa lweyal wur bil, dɛ́ laa naŋɡawa parame he nakpale.” Asɛ Aesaya ka ɛ ɡɛ, dɛ valɛ dakpaŋ ne o nakpapɛɛ ne.

2 Koranar 1:8

Ba chaŋe ŋɔ, “Batakaare waa doa la ɛ oltɔn, dɛ berɛ kpɔ oltɔn ɡe vɔwɛ kiriso.” Kooro la ŋɔ, “Tisbe te Elaeja laanee.”

Wepila 11:3

O danseɛ tena banɛ lole, dɛ tɔ lweyale. Wɛɛ tɛɛ ba kpeɡrii bá baɡle o waa la tɔpera kaɡboŋ lafraanɛ fifraanumɛl.”

Amanesoma Mak Aa Chwera Tɔn 1:6

Jɔn nɔ yal waa tɔɔ la, nyoɡma pona nee ba sɔɔh, ol tɔn ɡee ɛ o kiriso. Dɛ tontombɛ ne toohnee ɛ o kondikwa.

Jeremia 6:15

Amɔ sihiih kpo ba wedoŋa baa ɛa nɔ ta kenɛ? Akai, sihiih ta ban kpoe kwara, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.”

Jeremia 2:26

Gɛ ba lawɛ ŋwɛɛ sihiih yon kpoo la, ɡɛɛ sihiih kpo he Israel tena bwa, he ne he koranar, ne he nomonome ne sɔfore, dɛ n keamere bwa.

Hibru 11:37

Ba foɡre bane bwea dɛ kpoo ba, dɛ kpɔ seradaa teŋni bane bini anɛnɛ, dɛ kpoo bane ɡe tokobie ne. Dɛ booh tɔne ne pee tɔnee bane kpɔ berɛ laala dɛɛ do. Dɛ ba nyao kɛrɛdɛ, asɛ nɛra che ba nɛ, asɛ bane ɡe ɛɛ ba hɔhɔrɔwa aa wola were.

Jeremia 8:9

Sihiih ɛɛ kpo wejerema la bwaa, baa wiluu á do kɛŋɔ bel aa laɡ ba. Baa vɛh n waa la nomanta, ba ta wejema bɛlbwa dɔe kpa.