Sekaria 13:3 - mzwDBL

³ Dɛ nomɛl dɛ teŋe nyosone ŋɔ waane ɛɛ chiɡuu kerekere aa, naate nya ne o mɛɛ ŋɔ o be ŋɔ, ‘A chɛ kɛŋɔ hé sewɛ, dɛkalkɛ he teŋe nyosone Korowii sɔn ta.’ O ta teŋɔ dɛɛ bol aa, o nya ne o mɛɛ ɡbaɡba tɔɡɔ kere kpo.

Sekaria 13:3 Referans Kwoze

Mmarare 18:20

Dɛ keame bɛl ɡe baah suu ŋɔ wɛɛ che n sɔn taa dɛ́ bol waa maa wola on a ta doe, kɛɛ keame waa che voɡ bɛlbwa sɔn ta, dɛ́ bol waane la chɛ kɛŋɔ bá kpoo.’

Matiu 10:37

He naate haa dɛ nyin he nya ne he mɛɛ waa ɡwaa mɛ la ta chɛɛ kɛŋɔ he teŋɛ n nɛ, asɛ he naate ɡe haa dɛ nyin he bihaah ne he bibaa waa ɡwaa mɛ la ta chɛɛ kɛŋɔ he teŋɛ n nɛ.

Ɛsekeɛl 14:9

N keame bɛlbwa baa neɡro o bol waane la, dɛ men Korowiirii neɡro o bol. N nɔn dawɛ naate nɛ, mɛɛ chɔɡo le Israel tena bini.

Jeremia 23:34

Kɛ dɛ nomɛlbwa kɛɛ n keame, kɛɛ sɔfo bɛlbwa bol waa ŋɔ, ‘Bone aa ɡwaala Korowii kpɔ dawɛ ya nɛ’ aa, mɛɛ tɛr ba ne ba lolanar deŋnee.

2 Kɔrent 5:16

Anomanta, fini habɔɔ, yaa nɛra nyiŋi ɡɛ nɛwɛnyina aa dɛ nyiŋ ba la. Ya fa dɛ nyiŋi Yeesu Kristo ɡba ɡɛ, kɛ yaa on ɡɛ nyiŋi kpa.

Amanesoma Luk Aa Chwera Tɔn 14:26

“Dɛ nomɛlbwa ba n be o ta men nyine ɡwaa o mɛɛ ne o nya, ne o haah ne bii, o dɔɔranar ne nimanar ne nimambii dɛ o ɡbaɡba aa, waa won ɛ n habɔteŋre.

Mmarare 33:9

Banee lawɛ he waa bini kpoŋe ɡwaa ba nyare ne mɛɛnanar, ne ba dɔɔranar kɛɛ biirere. Ba teŋɛ he waa ta dɛɛ di kasinteŋ he fɔo he ne baa fɔwa la ta.

Jeremia 23:25

N no keamere nyosonteŋna maa wola ban tomɛ, asɛ ba che n sɔn ta dɛɛ bol n waa la wa. Ba yon ŋɔ, ba deero dɛ na men Korowii waa chaahna ta.

Jeremia 28:15

Belaa men Jeremia ŋɔ Hanania be ŋɔ, “Dɛɛ no, Hanania! Korowii laa tomɛ, asɛ he teŋe nyosone dɛɛ baɡle nɛra nɔ ba ɡe ɛɛ yarada la.

Ɛsekeɛl 13:23

Haa wepila ne nyosonwaa aa dɛ ba bala laanee na kpa. Mɛɛ lɛ n nɛraa le he nɔn ta, ásɛ he jemɛ kɛŋɔ menee Korowii.’ ”

Ɛsekeɛl 43:7

O ŋɔ, “Nɛwɛnyini bie, n kookara chebɔree bonɔ. Bonɔɔ mɛɛ ba soɡa saŋ bɛlbwa dɛɛ la, dɛɛ nyiŋi n nɛra Israel tena nɛ. Israel tena aa ba koranar baa serewaa ɛ kɛŋɔ voɡa aa wola mkpa dɔe, dɛɛ toma dɛɛ ɛ jwamanwa bonɔ, dɛ́ kpɔ doŋa kah n sɔn waa do ɡoroŋ la kpa.