Sekaria 12:6 - mzwDBL

⁶ Awola tɔpere la, mɛɛ ɡeloo Juda nomonome do kɛŋɔ koropɔɔto ninhɔla aa suu dɛ́ do dahola baah dɛɛ hɔ, kɛɛ kapɛle aa lɔ mea baah ta dɛɛ lawɛ nii. Baa chɔɡ harɛre aa bar ba la nɛra bwaa, kɛ Jerusalam tena te ɛɛ so ba buɡ taa deŋnesɔɔhna ne.

Sekaria 12:6 Referans Kwoze

Obadia 1:18

Jekɔb ne Josef nɛra ɛɛ doo kɛŋɔ nii, dɛ́ chɔɡ Esɔ dea bii ɡɛ nii yon dɛɛ fuh haahra la. Esɔ naanar bini bɛlbwa aa kae ba. Men Korowiirii bola.

Sekaria 2:4

dɛ ŋɔ o be ŋɔ, “Chwa la ka ŋɔ bonɔmbii la be ŋɔ bɔr toole bá ma danjwɛɛ bar Jerusalam kpa, dɛkalkɛ nɛra ne kondɛɛra warɛ o ta.

Sekaria 9:15

Koranar Bwa Kooro ɛɛ tɔ o nɛra ɡbemɡbee. Baa chɔɡ ba dɔma vamtor bwea nee, dɛɛ moo laa ta kɛŋɔ sennyɔdɛɛra ken. Baa kpoo ba dɔmaa, ásɛ ba chal ɛɛ palɛ kɛŋɔ baa kpoo kwaa ɛ saraha, dɛ kpɔ a chale dɛɛ merɛ saraha kwaa loŋkoni ta la ken.

Maeka 4:13

Korowii ŋɔ, “Jerusalam tena, hé ir ka yo he dɔma, mɛɛ ɡeloo he do kpeɡri kɛŋɔ nabal waa dɔ bune nyeɡlare, o nafikokore ɡe do kɛŋɔ ayaawa ken. Hɛɛ yo harɛre ɡalɡa nɛraa, dɛ́ pɔ ba nɛ, ásɛ dɛ kpɔ kondɔɔh baa yo nɛra dɛ lɛa la, ba tɛ men Korowii maa ɛ harɛ nɔ bwa dɔɔ la.”

Jeremia 30:18

Korowii ŋɔ, “Mɛɛ berɔ lawɛ n nɛra ba ba harɛ ta, dɛ́ dɔ tedoma tɛ bɛlbwa ne o lolanar. Baa berɔ kwaa ma Jerusalam, dɛ́ kwaa o koodem la cheɡ o buɡ ta.

Aesaya 54:3

Hɛɛ paɡri he harɛ jwɛhree a kaa sie diɡ ne ɡal, ásɛ he naanar berɛ lɛ harɛre nɛra bane aa soɡe a ta taraken nɔ, dɛ́ so a ta. Bwɛjena aa chɔ pɛɛ taraken la, he nɛra ɛɛ warɔɔ dɛ́ berɛ ba so a ta.

Aesaya 9:20

Baa kah kondikwaa nɔndiɡ ne ɡal bwa nee dɛɛ di, kɛ baa vaɡɛ, hale dɛ́ larawe ba biirere chwe.

Wepila 20:9

N na ba ba wur ba tɔ harɛ bwa, dɛ bar bwɛjen Korowii aa dɛ nyinu o nɛra do o ta la. Asɛ nii le nyundua, dɛ ba le ba nɛɛ dɛ fuh ba bwa kwaraa.

2 Kɔrent 6:7

ne kasinteŋ bola ta, ne Korowii kpeɡri waa kpɔa cha yaa ta, dɛɛ baɡle kɛ Korowii bonɔɔnaa yan. Waa aa dɛ su Korowii siwi laanee ya dɔmkwa. A nee yaa yo diɡ ne ɡal ne, a nee yaa tɔ ya te ɡbemɡbe.

Sekaria 11:1

Lɛbanɔn harɛ, pili he ɡbeni ásɛ nii ba fuh he peleme daa bwa dɛ́ chɔɡa.

Sekaria 2:12

Korowii ɛɛ berɔ ba kpɔ Juda harɛ ɛ o kon waa dɛ nyinu kohona, harɛ waa do ɡoroŋ la ta, dɛ́ nyin bwɛjen Jerusalam ɡwaa bwɛɛ bɛlbwa.

Sekaria 1:16

Mɛɛ sune Jerusalam tena nɛɛ, dɛ́ berɛ ba bela, ásɛ ba kwaa ma n Dea ne bwɛjen la bwa. Men Koranar Bwa Kooroo bola.’

Sekaria 12:5

Ásɛ Juda nomonome bol dɔŋa be ŋɔ, ‘Jerusalam tena kpeɡri, dɛkalkɛ Koranar Bwa Kooroo baa tomɛ.’