Sekaria 11:7 - mzwDBL

⁷ Anomanta, men Sekaria nyiŋi peera baa lea cheɡ dɛ́ ka kpoora la nɛ, dɛ teɡa kaa dibɔr, anɔ la baa dɛ fiiɡa la fanfa. Asɛ dɛ kpɔ daŋɡbale anɛ, dɛ pa bɛl sɔn ‘Sum Nae’, asɛ bɛl ɡe ‘Nyopɛo’, dɛ nyiŋi peera la nɛ.

Sekaria 11:7 Referans Kwoze

Sekaria 11:14

Ate, n berɛ ku daŋɡbanɛɛte maa pa o sɔn ‘Nyopɛo’ la, a baɡle kɛ n chɔɡ beŋkpoŋri waa lɔ Juda harɛ ne Israel harɛ baah la.

Sekaria 11:4

Kenii Korowii men Sekaria aa dɛ tomɔ la bol n be, “Ɛ kɛŋɔ peteɡre waa dɛ nyiŋi peera baa lea cheɡ dɛ́ ka kpoora la.

Aesaya 11:4

Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

Sefania 3:12

Nɛra ba waa aa pwɛra ne nɛra baa kpɔ ba te dawɛ n nɛɛ laanee dɛ́ so bela, ásɛ ba ba n be, ń cha ba.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

Amanesoma Jɔn Aa Chwera Tɔn 10:16

N peera ane ta lɔ leɡa ane bini. Mɛɛ nyin a ɡe bɔree dɛ́ tɔ a sie dɛ́ kpɔa ba ja anɔ ta, ásɛ aa no n taa dɛ́ bwa ɛ beŋkpoŋ, dɛ́ pɛ dɛɛ teŋɛ n nɛ.

Amanesoma Mak Aa Chwera Tɔn 12:37

Aah Devid kwaraa fa aa dɛ yerɔ o dɔɔ nɔ, ɛrɛɛ a berɛ ɛ o ɛ Devid naa ɔ?” Nɛnlaa la no o wobol la silɛɛ ne.

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Yela 23:4

Hale n dɛ valɛ biro tenten bini kwaraa naa, maa ɔmɛ, dɛkalkɛ he ja n nɛ, he daŋɡbala haa kpɔa dɛɛ teɡɛ peera laanee dɛɛ tɛ mɛ bosɔɔhna.

1 Samoɛl 17:43

O bɔɔ Devid ŋɔ, “Nyoatee men he kpoŋe daa dɛɛ ba n be naa?” Asɛ o ŋwɛɛ voɡa ta Devid nɛɛ dɛ taahno.

1 Samoɛl 17:40

O kpɔ o daŋɡbala kpoŋe, dɛ tɔɔ bwea a bwara aa loɡa anue le fɛlembɔjen bɛl bini, dɛ kpɔa do o pur bini, dɛ kpoŋe o vamtor, asɛ dɛ suuh dɛɛ tel Filisti te la.

Lewi Dea Tena 27:32

Kondɛɛre bɛlbwa bini onɔ la waa ja fi la do ɡoroŋ, dɛ ɛ men Korowii kon. Haa dɛɛ kura la, hé kpɔ konswɛm pe o bwara á chaɡle kɛ o ɛ n kon.

Yela 27:4

N Naa Korowii, kombeŋkpoŋii n soŋe dɛɛ le he be, ɡɛ maa dɛ nyin laanee kɛŋɔ, ń so he Dea n soɡa bini bwa, dɛ́ nyiŋi ɡɛ he wa aa wera dɛ́ kooɡa, dɛ́ soŋe, he nyiŋi n nɛ.

Yela 90:17

N Naa Korowii yaa dɛ tomɛ, swee yaa andɛɛɡa. Gel ya wobɛlbwa do wer tɛ yaa kɛrɛdɛ!

Jeremia 39:10

Kɛ o ɡel nɛra baa nyaa dɛ do Juda harɛ ta bini bane baa wola komɛlbwa dɔe kwaraa la, asɛ dɛ kpɔ daa kooni ne kooni tɛɛ ba.

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Maeka 7:14

Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.