Sekaria 11:12 - mzwDBL

¹² Men Sekaria ŋɔ peyarawa la be ŋɔ, “A wer tɛ heya aa, hé bɔ mɛ a kem, a laa ɡe aa, hé ɡel.” Asɛ ba tɛ mɛ suuɡapoŋa fifraatoro.

Sekaria 11:12 Referans Kwoze

Matiu 26:15

dɛ ka pɛɛ ba ŋɔ, “Dɛ n ba Yeesu ne ba tɛ heyaa aa, aŋwɛnɛɛ hɛɛ ba n tɛɛ yɔ?” Anee Sɔfonomonome la kure suuɡapoŋa fifraatoro do o nɔn ta.

Kaala 21:32

Dɛ nabal chuɡe yom waa ɛ haah kɛɛ baa laa, a chɛ kɛ nao te la bɔ suuɡapoŋa fifraatoro tɛ yom la dɔɔ, ásɛ ba foɡre nao la bwea kpo.

Mumpar 37:28

Bonadiire la aa tel ba be la, o dɔɔranar la lawɔ le kɔlɔŋ la bini, dɛ yoɡu tɛɛ ba suuɡapoŋa fifraanɛ, asɛ ba kpɔɔ kaa Ijipt harɛ ta.

Amanesoma Jɔn Aa Chwera Tɔn 13:2

O ne o habɔteŋra aa lɔ tiɡ ta jɔmɔra la, Bɔnsam tɔ sie kpɔ liichɔɡa ba do Seemɔn Eskareɔt bie Judas bini kɛŋɔ ó le Yeesu tɛ.

1 Koranar 21:2

Awola bɛl, Kooro Ahab ŋɔ Nabɔt be ŋɔ, “He bodɛɛɡe haa du daa nɔ bɛne n koodem, kpɔ tɛ mɛ ń parɛ papooni baa kpɔa dɛɛ ɛ dɔkpɔɡa dɔr ne kela ne ntoosi dɛ ŋwana. Mɛɛ tɛɛ daa koo waa wera ɡwaalo, dɛ he dɛ nyin ɡe aa, n tɛɛ suuɡa aa chɛ o yoɡ.”

2 Webena 30:4

Dɛ waa nɔ maɡrɔ tɛ kooro ne nɛra baa cheme bela la bwa.

Matiu 27:9

Waa Korowii keame Jeremia fa aa bola la ɛ kpela. O fa ŋɔ, “Ba lɛ suuɡapoŋa fifraatoro, ɡɛ Israel tena nyoa aa pɛa ba di o yoɡ la,

Matiu 27:10

asɛ dɛ kpɔ ɡɛ suuɡa la ka yawɛ vimamaa harɛ la ɡɛ Korowii aa ŋɔ n be la.”

Mumpar 23:16

Asɛ Abraham sɛh dɛ bɔ suuɡapoŋa lafraanaarɛ, ɡɛ Efron aa di harɛ la yoɡ ba bala la bwa no la tɛo ba siwi ta. O bɔ ba ɡɛ ba bonadiire aa dɛ peɡra ɡɛ saŋ la.

1 Koranar 5:6

Anomanta, cha mɛ dɛ́ ɡel he nɛra ka teŋe peleme daa le Lɛbanɔn harɛ ta tɛ mɛ. Mɛɛ ɡeloo n nɛra ba ja he nɛra nɛ, ásɛ n bɔ he nɛra la kem ɡɛ bwa haa baɡle. He ɡbabir nao kɛŋɔ nomɛlbwa ta daa teŋa wejema dɔe ka ja he nɛra baa le bwɛjen Sidon ta nɔ nɛ.”

Jeremia 32:9

N yawɛ harɛ la le Hanamɛl be dɛ bɔ suuɡa aa chɛa la tɛo, a tɔɡre ɛɛ ɛ suuɡapoŋa fi dɛ anuanɛɛ.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Lewi Dea Tena 27:4

Hanomoa ɡe, suuɡapoŋa fifraatoroo chɛ kɛŋɔ bá bɔ.