Sekaria 10:3 - mzwDBL

³ Koranar Bwa Kooro ŋɔ, “N baah di nɛra baa do kɛ peteɡra la nɛ. Mɛɛ tɛr sitɔɔla la deŋnee, dɛkalkɛ, mɛɛ nyiŋi Juda dea tena baa do kɛ n peera la nɛɛ, dɛ́ ɡel ba do kɛ jaaɡɔ waa kpeɡa laa ta.

Sekaria 10:3 Referans Kwoze

Ɛsekeɛl 34:2

“Nɛwɛnyini bie, bol waa aa dɛ ba Israel nomonome baa do kɛŋɔ peteɡra nɛɛ bala, dɛ́ ŋɔ men Nemenɛ Korowii ŋɔ, ‘Hé bwɛɛlɛ! He ɛ peteɡra haa wola he peera nɛɛ nyiŋi, he ɡbo waa hiah heya. Hé laa chɛ kɛŋɔ hɛ́ɛ nyiŋi a nɛ aa?

Sekaria 11:17

Peteɡre ɡɛne waa chwa ɡel peera la, ó bwɛɛlɛ! Baa kpɔ keree ŋwɛnɛ o nɔn ne o diɡ siwi. O nɔn ɡe sewɛ, o diɡ siwi ɡe tɔ kwaraa.”

Sefania 2:7

Juda tena baa ka la ɛɛ ka so belaa, ó berɛ ba kondɛɛra dibɔr, ásɛ jɔmɔra telo aa, bá ka chɔ bwɛjen Askɛlɔn deene bini. Korowii baa dɛ tomɔ laanee dɛ́ nyiŋi ba nɛ, dɛ́ ɡel ba do wer, ɡɛ ba fa aa doa wubwa la.

Jeremia 25:34

He nomonome haa do kɛŋɔ peteɡra dɛɛ nyiŋi n nɛra nɛɛ la, hé do lɔŋɔre dɛɛ wi kohona! Hé chɔ harɛ dɛɛ ɡbili, dɛkalkɛ saŋ telo kɛ bá kpoo heya. Hɛɛ doo kɛŋɔ vii yon le harɛ dɛ paɡre la ken.

Sɛɡla 21:31

He dɔ jaɡre ɡɛ bɛlbwa dɛ won kpɔa yo aa, Korowiirii dɛ won ɡel he yo le.

1 Pita 2:12

Haa lɔ nɛra baa wola Korowii tomɛ baah nɔ, hé ɡel he wobɛlbwa toɡre, ásɛ dɛ ba dɛ bol he waa ŋɔ he ɛ wechɔɡ-ɛɛra aa, a habɔɔ la, bá na he we-ɛɛla kɛŋɔ a wer, dɛ kpɔ jam tɛ Korowii awola waa ba ya ne o na dɔŋa la.

Amanesoma Luk Aa Chwera Tɔn 1:68

“Hé ɡel ya kpɛɛ Korowii Israel tena aa dɛ tomɔ, dɛkalkɛŋɔ o cha o nɛra dɛ lɛ yaa le wahala ta.

Rut Tɔn 1:6

A habɔɔ la, o baa no kɛŋɔ Korowii cha o harɛ ta nɛra dɛ ɡel ba dɔ kondikwa. Anomanta, o ne o bii la haahna la kpɔ ba te ásɛ dɛ berɛ kaa o bwɛ.

Kaala 4:31

asɛ ba yaradao. Baa noa kɛŋɔ Korowii na ɡɛ baa dɛ ɛɛ ba hɔhɔrɔwa asɛ ba waa hiaoh kohona la, ba ɡuŋo dɛ duuru.

Sefania 1:8

A ɡɛ Korowii saraha Tɔpere la, mɛɛ tɛr nomonome ne koobii dɛ nɛra baa kpɔ harɛfale bɛl nawee waa do ba te la deŋnee.

Jeremia 50:6

N nɛra do kɛŋɔ peera a teɡra aa ɡela a nyoɡre ken, dɛ ɡel a do bwejena dor dɛɛ ɡaaɡe. A lɔ bwejena ne deŋɡarere ta dɛɛ ɡaaɡe, dɛ soh bela aa dɛ chɔ wa.

Jeremia 25:12

Kɛ bene fifraanuanɛ la baa kaa laa, wɛɛ tɛr Babelɔn kooro ne o harɛ nɛra deŋnee ba wechɔɡa la wa, ásɛ dɛ chɔɡ harɛ la o berɛ dimɡbia saŋ bɛlbwa dɛɛ la.

Jeremia 11:22

Anomanta, Koranar Bwa Kooro ŋɔ, “Mɛɛ tɛr ba deŋnee. Baa kpoo ba bonɔɔna laa taa, lɔr kpo ba bibaala ne bihaahna ɡe ba serewe.

Jeremia 10:21

N chaŋɔ ŋɔ, “Ya sitɔɔla bwa nya liire, baa waa bɔɔrɛ dɛɛ le Korowii be. Anomanta, aa ban kɛrɛdɛ chiɡ, asɛ ba nɛra bwa lɔ peɡre.

Aesaya 24:21

Awola tɔpere la, Korowii ɛɛ tɛr kwaa aa dɔ kpeɡri dɛ do nyundua, ne koranar baa dɔ kpeɡri harɛ nɔ ta deŋnee.

Aesaya 10:12

Dɛ Korowii baa tonɛ ɡɛ waa ɛ nɛra baa lɔ Saayɔn Bwejen doa ne Jerusalam bwa naa, wɛɛ ŋɔɔ, “Mɛɛ ba tɛr Asiiria koojen deŋnee o mbarafo ne nyiŋa waa nyiŋi nɛn dɛɛ vah la wa.

Yelsom 1:9

N sɛnodɛɛɡe, n kpɔe dɛɛ maɡɛ Ijipt kooro jaaɡɔnee baa vɔwɔ pɛl torɔɡo ta ken.

Ɛsekeɛl 34:12

Gɛ peteɡre la peera ne dibɔr, dɛ ane peɡrɔ o yon ɡaaɡe dɛɛ nyin a bɔr la, ɡɛɛ Israel tena fa peɡre kaa harɛre bwa ta awola tɔpechɔɡe bɛl wee. Mɛɛ ɡaaɡe ba bɔree name, dɛ́ berɛ ba ba ne.

Daneɛl 11:32

Siiria kooro la ɛɛ neɡre nɛra baa koni fɔo baa fɔwa laanee, kɛ banɔ la baa jemɛ Korowii baa dɛ tomɔ la ɛɛ cheo kiŋkiŋ, dɛ́ yoo.

Job Tɔn 39:25

Ba hoh bɛla aa, dɛ o sio. O won laa ɡbɔɡa noe dɛ le bojaŋ, laa nomonome nyɛɡa baa dɛ nyɛɡ ne lɔŋɔre baa dɛ do laa ta.

Ɛsekeɛl 34:11

Men Nemenɛ Korowii ɡbaɡba ɛɛ nyin n peera bɔree, ásɛ dɛ nyiŋi a nɛ.