Sekaria 10:11 - mzwDBL

¹¹ Wekpeɡa kohona bɛlbwa aa do kɛŋɔ mpo nehɛma dɛ ba ba nɛɛ aa, men Korowii ɛɛ sɔɔh a nyoaa, ásɛ Nael Moo vile bwa hweeh. Asiiria tena mbarafo nyoa ɛɛ sɔɔhnoo, ásɛ Ijipt harɛ kora kpeɡri nyoa ba harɛ.

Sekaria 10:11 Referans Kwoze

Ɛsekeɛl 30:13

Nemenɛ Korowii ŋɔ, “Mɛɛ chɔɡ voɡaa, ne anɔ la baa ɛa a do bwɛjen Mɛmfes bwaa. Kooro aa Ijipt harɛ taa do kpa, ásɛ n kpɔ ɔmee kohona ba ta nɛra nɛɛ harɛ la ta bwa.

Aesaya 43:2

He dɛ ɡale vile aa, ń ja he nɛ, haa morɛ, wobɛlbwa aa heyaa ɛ. He jo nii ta naa, haa fuh. Aa heyaa nyaa, á ba ɛ kɛŋɔ hɛɛ fuuh.

Wepila 16:12

Nyundua torome waa teŋa numɛl ɡe leɔ, dɛ ka fuɡe o kwaa ta Yufretis Moo ta, asɛ o bwa hweeh dɛ chɔ ŋwɛnɛ tɛ koranar baa le wee leebɔr dɛɛ ba la.

Sefania 2:13

Korowii ɛɛ che o kpeɡri taa, dɛ́ chɔɡ Asiiria harɛ, ásɛ o bwɛjen Niniwe chɔ pɛɛ, dɛ́ berɛ pua hɛŋle ɡbo harɛ, nee aa wola o taa do.

Aesaya 51:10

He laa ɡela mpo hweeh, ŋwɛnɛ chɔ bela waa luŋa, asɛ nɛra haa lɛɛ ba won le o baŋ la aa?

Aesaya 14:25

Mɛɛ chɔɡ Asiiria tenaa le n harɛ ta, mɛɛ tiɡri ba nɛɛ Israel harɛ bwejena ta, dɛ́ lawɛ n nɛra le Asiiria tena kpeɡri baa dɛ di ba nɛ, kɛŋɔ baa kpɔ daa dawɛ nae anɛ baŋa ta a pɛ dɛɛ ɛ toma la.

Yela 114:5

Bɔkwa waa bala Mposwɛm pere anɛ, asɛ Jɔɔdan Moo ɡe ɡel pala ɔ?

Yela 114:3

Mposwɛm pere anɛ ba siwi ta, asɛ Jɔɔdan Moo ɡe ɡel pala.

Ɛsra 6:22

Ba di Paanoo Iisi Aa Wola Toole A Ta Tɔpejen tɔpera anuanɛ silɛɛ ne, dɛkalkɛŋɔ Korowii charɛ Asiiria koojen liire, o won cha ba ba ma Korowii Israel tena aa dɛ tomɔ Dea la.

2 Koranar 2:14

O kpɔ Elaeja yal la lɔ nee la dɛ lii ŋɔ, “Leperaa Korowii Elaeja aa tomɔ la dɔɔ?” Waa bera kpɔ lɔ nee la, o bini pero anɛ, asɛ harɛpɛɛ chɔ o valɛ o bini le o baŋ.

2 Koranar 2:8

Asɛ Elaeja foo o batakaare, dɛ laa kpɛwɛ dɛ kpɔ lɔ nee la, asɛ nee la bini pere anɛ, asɛ ba valɛ kpɔ harɛpɛɛ ta le nee la baŋ.

Aesaya 51:9

N Naa Korowii, ir nyu ne dɛ́ cha yaa! Kpɔ he kpeɡri la ba lɛ yaa ɡɛ haa ɛa saŋ la! He laa chɛwɛ mpo bini oljen Rahab la aa?

Mumpar 8:1

Anɔ bwa habɔɔ la, Korowii ta Nowa ne kpɔɡ bini ola, ne kondɛɛra bwa aa ja o nɛɛ dɛ jo daka la bini la waa soɛh. O ɡelɔ peu ta asɛ nee la ɛɛ hweeh.

Aesaya 19:16

Awola tɔpere, Ijipt tena ɛɛ ɛo kɛŋɔ haahna ken. Baa ɔmɔɔ ba bwara chel Koranar Bwa Kooro nɔn waa ɡɔɔra dɛ́ kpɔ tɛr ba deŋne la wa.

Aesaya 44:27

N dɛ ŋɔ mpo hweeh, ó hweeh, ásɛ nenabɔɔne ɡe hweeh.