Sekaria 1:8 - mzwDBL

⁸ “Awola jwaana la, men Sekaria na baa bɛl wepila ta o so jaaɡɔswɛm ta. Dɛ o cheɡɛ daa ane baa dɛ yera mɛtel baah ta fɛlembɔjen bɛl bini, asɛ nɛra bane ɡe so jaaɡɔswɛɛma, ne jaaɡɔkɔla dɛ jaaɡɔpoŋa ta o habɔɔ.

Sekaria 1:8 Referans Kwoze

Wepila 6:4

Belaa jaaɡɔ bɛl ɡe le, o bwa swɛɛrɔ peihpeihpeih ken. Dɛ ba tɛ naate waa soɡe o ta la kpeɡri ŋɔ ó chɔɡ beŋkpoŋri ɛɛ harɛ bwa ta, ásɛ nɛra kpoo dɔŋa. Tokobijen bɛlee ba tɛo o kpɔ kaa.

Wepila 2:1

“Tɔn nɔ dɛ kaa nyundua torome waa cheɡa tɛ asɔre tena baa lɔ Ɛfesos la be. Kenii men maa kpoŋe weweela anuanɛ n nɔndiɡ ta, dɛɛ valɛ suuɡaswɛm kandea daa anuanɛ baah la ŋɔ,

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Aesaya 55:13

Bela sɔɔhne aa lole la, dajaŋa ɛɛ le a buɡ taa, ásɛ jabalnadaŋɛre le dadɛɛɡa buɡ ta. Gɛ waa nɔ ɛɛ ɡeloo Korowii dɔ sɔn kohona, dɛ́ chɔ saŋ bɛlbwa dɛɛ lii waa men Korowii aa ɛa.”

Aesaya 41:19

Mɛɛ ɡeloo peleme ne akaasia ne mɛtel ne ɔleve daa le pua hɛŋle ɡbo harɛ ta. Mɛɛ ɡeloo kɔr bini daa le harɛ waa wola were tɛ komɛlbwa ta,

Daneɛl 7:13

Wepila la ta jwaana la ne la, n na nomɛl kɛŋɔ nɛwɛnyini bie ken, o le nyundua baama bini dɛɛ ba. O baa tel Nɛn Waa Lole Saŋ La Bwa la jwɛh, asɛ dɛ ba che o sie.

Daneɛl 7:2

N deera la ta la, n nao kɛŋɔ peu bele anaarɛ tao le baŋ bɛlbwa kpɔ nyundua dɛ baa ta mpo ta.

Daneɛl 2:19

Awola jwaana la, Korowii pili waa la bini baɡle Daneɛl. Asɛ o kpɛɛ Korowii Waa Dɛ Di Kora Nyundua.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Job Tɔn 4:13

A do kɛŋɔ jwaanen deechɔɡa ken, a chɔɡ n dom,

1 Koranar 3:5

Waa lɔ Gebeɔn bela la, Korowii ba o be jwaana deera ta dɛ ba ŋɔ o be ŋɔ, “Baɡle komɛlbwa haa dɛ nyin ásɛ n kpɔ tɛɛ.”

Josua 5:13

Awola bɛl, Josua ne Israel tena dɛ bɛne bwɛjen Jeriko, asɛ o na baa bɛl o kpoŋe kere dɛ che o sie. Josua la o be dɛ ka pɛɛro ŋɔ, “Ya bini bɛlee hen kɛɛ ya dɔmee hen ɔ?”

Mumpar 20:3

Jwaana bɛl, Korowii ba o be deera ta, dɛ ba ŋɔ o be ŋɔ, “Na! Haah la haa kpɔɔ nomanta, hɛɛ sewɔɔ, dɛkalkɛ nomɛl haahnee.”

Yelsom 6:2

N sɛnodɛɛɡe kaa bodɛɛɡe waa du daa konsɔɔhsoma aa su o bwa. O sie dɛ lɛ a ta dɛ kaa nyin ane, dɛ kaa nyin kpɔɡa fee aa wera.

Yelsom 2:16

Menee dɔ n sɛnodɛɛɡe, asɛ o ɡee dɔɔ mɛ. O ɡbo peeraa dɛɛ di kpɔɡa aa dɛ fe la bini.

Wepila 6:2

N nao kɛŋɔ jaaɡɔpoŋ bɛl aa lea, nɛn so o ta dɛ kpoŋe to. Ba kpɔ kooɡbɛrɛ tɛo, asɛ o dɔ kpeɡri dɛ le kaa, dɛ ka yo laa dɛ pɔ o dɔma nɛ.

Nehemia 8:15

dɛ ŋɔ, bá kpɔ Korowii waa la perɛ ba bwɛɛre ne Jerusalam bwa, dɛ ŋɔ, “Hé la deŋɡarere harɛ ta, dɛ́ ka teŋni dadɛɛɡa, ne ɔleve daa kpala, dɛ bambie ne daa bwa soo siwi kpala, ne a papooni, dɛ́ kpɔ ba ɛ kukure ɡɛ baa chwera do Mmara Tɔn bini la.”

Sekaria 1:7

Koojen Dareɔs aa di kora bennɛɛte, korobie fi dɛ beŋkpoŋ baa dɛ yerɔ Sebat, tɔpera fifraanɛ dɛ anaarɛ ta la, Korowii bol waa o keame Sekaria be jwaana. Kenii Sɛkaria bol Korowii waa la.

Sekaria 1:10

Belaa baa waa soɡe jaaɡɔswɛm ta dɛ che daa la baah ta la ŋɔ, ‘Banee banɔ la Korowii aa toma ŋɔ bá ka ɡaaɡe harɛ nɔ bwa ta dɛ́ na waa aa dɛ chiɡ.’

Sekaria 1:11

Ba balɔ dɛ ba ŋɔ Korowii nyundua torome la waa cheɡɛ daa la baah ta la be ŋɔ, ‘Ya laŋɔ ka ɡaaɡe harɛ nɔ ta bwa, dɛ na kɛ harɛ la sɔɔhnɔ o nɛra bwa ɡwɛɡre.’

Mumpar 46:2

Korowii kpɔ o te baɡlo bela deera ta jwaana dɛ yerɔ ŋɔ, “Jekɔb.” Asɛ o sɛh dɛ ŋɔ, “Menee la.”

Nɛra Kura 12:6

O ŋɔ, “Hé no n waa nɔ, Dɛ n keame lɔ he bini naa, chaahna taa n che dɛ kpɔ n te dɛɛ baɡlo, dɛɛ bol waa o be deera ta.