Sekaria 1:21 - mzwDBL

²¹ N bɔɔ ŋɔ, ‘Bɔkwaa baala nɔ ɛɛ ba ba ɛɔ?’ Asɛ Korowii nyundua torome la chaŋe ŋɔ, ‘Ba balɔ dɛ́ ba aah, dɛ́ doŋi harɛre a nɛra aa kpeɡa, dɛ ba chɔɡ Juda harɛ dɛ lɔ o ta nɛra bwa peɡre kaa harɛre ta la.’ ”

Sekaria 1:21 Referans Kwoze

Sekaria 1:19

N bɔɔ Korowii nyundua torome la waa dɛ bol waa n be la ŋɔ, ‘Nyeɡlare nɔ ɡe munii ɛrɔɔ?’ O chaŋe ŋɔ, ‘Nyeɡlare nɔ cheɡɔ tɛ harɛre a nɛra aa kpeɡa, dɛ lɔ Juda ne Israel dɛ Jerusalam tena peɡre kaa harɛre ta la.’

Wiile 2:17

Korowii teŋɛ o nyobaɡa ta, dɛ ɛ waa o fa aa vɔrɔwa bil ŋɔ wɛɛ ɛo la. O chɔɡe, o ta he nɛɛ sune, dɛ ɡel he dɔma pɔ he nɛ, dɛɛ di he loro, he chɔɡa la wa.

Yela 75:10

Wɛɛ sɔɔh kpeɡri nɛnchɔɡa aa dɛ di la nyoaa, kɛ nɛra ba wa aa toɡra te, wɛɛ berɔ tɛɛ ba bokpeɡa.

Daneɛl 12:7

Nyundua torome la ir nɔɔra anɛ bwa nyundua, asɛ n no ɡɛ waa ŋwɛɛ Korowii Waa Lole Saŋ Bɛlbwa sɔn ta ŋɔ, “Aa ɛ bene atoro ne faah. Gɛ saŋ nɛra baa teŋɛ Korowii nɛɛ bonyɛɡa aa ba a jaɡa la, dɛ waa nɔ bwa ɡe chiɡo.”

Yela 83:2

Na ɡɛ he dɔma aa ir he nɛ, nɛra baa haeh ba deŋne do kpeɡri la.