Sɛɡla 8:27 - mzwDBL

²⁷ N siwi taa Korowii ta nyundua, dɛ pe mpo ne nyundua chenchema,

Sɛɡla 8:27 Referans Kwoze

Job Tɔn 26:10

O pere bochaah le biro ta, o do kɛŋɔ jwɛh dɛ teŋɛ mpo ne nyundua baah.

Aesaya 40:22

Onee di harɛ bwa kora dɛ so kookara ta nyundua, asɛ nɛra baa lɔ harɛ ta do jeɡre kɛŋɔ vaɡla ken. Onee paɡri nyundua bɔle kɛŋɔ yal ken, dɛ baŋro kɛŋɔ baa baŋre tɛnte dea dɛ so o bini la.

Sɛɡla 3:19

Wejema nee Korowii ta harɛ, waa mun noe taa o che, dɛ ta nyundua ɡe.

Kolosi 1:16

O Bie la nɛɛ o che dɛ ta komɛlbwa waa lɔ harɛ ta ne komɛlbwa waa lɔ nyundua, anɔ la yaa dɛ naa ne anɔ la yaa wola an na kɛŋɔ nyundua toroma ne konchɔɡa aa dɛ di kpeɡri bwa soo siwi. O Bie la nɛɛ o che dɛ taa, asɛ a do le tɛo.

Jeremia 10:12

Korowii cheɡɛ o kpeɡri ta dɛ ta harɛ, o wejema nee o ta harɛ nɔ bwa, dɛ che o liire ta dɛ paɡri nyundua ɡe.

Yela 136:5

O cheɡɛ o wejema ta dɛ ta nyundua. O nyina lole saŋ bɛlbwa dɛɛ la.

Hibru 1:2

Fini tɔpera nɔ aa ka mun nɔ te, o Bie nɛɛ o che dɛɛ bol waa ya be. Korowii Bie nɔɔ o kpɔ cheɡ kɛŋɔ o toole naa, onee lole dɛ dɔ komɛlbwa. O nɛɛ Korowii che dɛ ta komɛlbwa.

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Yela 103:19

Korowii kpɔ o kookara cheɡ nyundua, dɛɛ di kora harɛ nɔ nɛra bwa nɛ.

Yela 33:6

Nyoa wobol nee Korowii ta nyundua, ne kwaa aa lɔ nyundua bwa.

Sɛɡla 8:26

Waa wola harɛ ne kpɔɡ bini kɛɛ harɛ nɔ ta teera kwaraa tae mɔɔ la, dɛ n lole.

Sɛɡla 8:28

ɡɛ saŋ waa kpɔ baama do nyundua, dɛ ta neerare a palɛ kaa jo mpo ta la.