10 Hé kpɔ waa maa kpɔa dɛɛ ja heya dɛ́ ɡel suuɡapoŋ, hé kpɔ wejema ɡwaa suuɡaswɛm tenten.
N dɛ nyin he Mmarare haa dɛ do mɛ a ta la ɡwaa suuɡaswɛm, hale suuɡaswɛm tenten bɛlbwa,
Mmarare haa kpɔa tɛ mɛ la ɡwaa mɛ harɛ nɔ ta suuɡa bwa, hale suuɡaswɛm ne suuɡapoŋa ta an tele.
Lawɛ kasinteŋ bini kpoŋe dɛ bɛ kpɔ ta, nyin wejema ne waa hwela dɛ waa mun noe.
Wejema wer kɛŋɔ haa dɔ kapɛrɛ kon bɛl dɛɛ cha nɛra baa lɔ harɛ nɔ ta.
Nɛn o wa aa toɡra wobol do kɛŋɔ suuɡapoŋ tenten, kɛ nɛnchɔɡe te liire ɛ wepuu.
Belaa Pita ŋɔ, “N ta suuɡa dɔe dɛ tɛɛ, kɛ mɛɛ tɛɛ kon n ɡe aa dɔa laanee. Yeesu Kristo waa le Nasarɛt la sɔn ta, ir dɛ́ valɛ!”
A wer kɛŋɔ haa dɔ wejema ne waa mun noe, dɛ ɡwaa kɛŋɔ haa dɔ suuɡaswɛm ne suuɡapoŋa!
N sie lɛo mɛɛ hɛɡre he nyobaɡa la ta, kɛŋɔ nomɛl waa kpaah komɛl o yoɡ aa kpeɡa ken.
Ba dɛ ɛ yaa tebinichɔɡ wa, kɛ saŋ bɛlbwa dɛ ya lɔ silɛɛ ta. Ya ɛ nyaara, kɛ ya won nɛra chae kohona. Ya ta komɛlbwa dɔe, kɛ yan ɡee komɛlbwa.
Kon haa dɔ le n be la ɡwaa suuɡaswɛm baa laa doŋa kpɔ o ta, dɛ ɡwaa suuɡapoŋ tenten.
Baa won kpɔ suuɡaswɛm tenten yawɔ, kɛɛ dɛ kpɔ ɡɛ suuɡapoŋ tɔɡre aa doa maɡɛ o yoɡ.
Haa won kpɔ suuɡaswɛm kɛɛ diɡi maɡɔ, haa won kpɔ suuɡaswɛm koŋkwaare charɔ.
Dɛ he jemɛ waa haa dɛ bol aa, he dɔ kon ɡwaa suuɡaswɛm ne suuɡapoŋ.