Sɛɡla 7:26 - mzwDBL

²⁶ Gɛ haah nɔ chɔɡ baala taeh, dɛ berɛ ɡel bane ɡe serewe baa wola won kur ba.

Sɛɡla 7:26 Referans Kwoze

Nehemia 13:26

Hahmor aa do ken taa a che Israel Kooro Solomɔn ɛ wechɔɡa la. Dɛ o ɡwaa harɛre koranar bwa. Korowii waa dɛ tomɔ nyin o wa, dɛ cheɡo kora ta wɛɛ nyiŋi Israel tena nɛ. Kɛ ane a bwa, haahna baa ɛ nɛŋhɔɔhra moe ɡela o ɛ wechɔɡa.

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.

1 Kɔrent 10:8

Ya bɛ jwamane bɔ ɡɛ nɛra la bane fa aa ɛa asɛ Korowii kpoo ba bini kaɡboŋa fifraanɛ dɛ batoro tɔpebeŋkpoŋ la.

Sɛɡla 6:33

Waa duure dɔ, lɔɔraa chɔ le tɛo, sihiih aa o nɛɛ le bwa.

2 Samoɛl 3:27

Abna aa bera ba Hɛbrɔn la, Joab lawɔ o ne o ka che bwɛjen la doonyojen keŋkeŋ, a do kɛŋɔ waa dɛ nyin kɛ o ne o ɡbo bol waane ken. Belaa o kpɔ kere tɔɡɛ o tea dɛ kpoo. Gɛɛ a do Joab kpo Abna bɔ kem, o nime Asahɛl o fa aa kpoo la wa.

Sitɔɔla 16:21

Filisti tena la lawɔ, dɛ foromi o sibie dɛ kaa o ne Gasa. Ba doo ayaawa jɔɡrɔre dɛ doo dea, dɛ ɡel wɛɛ namɛ kwa.

2 Kɔrent 12:21

Maa nyin kɛ ń ba ba he be ásɛ N Naa Korowii koh he wechɔɡa waa dɛ́ ɡel n fɛɡre. N balɔ dɛ wechɔɡ-ɛɛra ta warɛ he bini, ba tea bini ta chɔɡɛ ba charɛ ba liire ba wedoŋa, ne ba jwamane, ne ba pɛlchɔɡa we-ɛɛla baa dɛɛ ɛ ta naa, n tea bini ɛɛ chɔɡoo.

Sɛɡla 9:18

Nɛra waa dɛ lɛɛ ba la aa jemɛ kɛŋɔ ba la o dem aa, ba dɛ sewɛ. Banɔ la baa tɔ sie jo bela la, ba bwa serewɔ kaa lalabwɛ.

Sɛɡla 7:27

He nakpala tire o dem aa, amɔ dɛ lalabwɛɛ ŋwɛnɛ taa he che la. Bela ne seo bori.

Sɛɡla 2:18

ɡɛ haah la dem ŋwɛnɛ kaa seo ta, o chɔɔ kaa lalabwɛ.

Sɛɡla 23:28

O kpɔ o te dɛɛ sɔh kɛŋɔ ŋwɛɛ ken, dɛ ɡel baala le ba haahna habɔɔ dɛɛ ba o be. O lawɛ ba nyuune dɛɛ lɔ dɔŋa.