Sɛɡla 6:6 - mzwDBL

⁶ Bɔhwaah bɛlbwa nyiŋi vaɡla we-ɛɛla, dɛ́ che a ta hweli wa.

Sɛɡla 6:6 Referans Kwoze

Sɛɡla 20:4

Paa waa dɛ ɛ bɔhwaah kwaa para saŋ la, ɡɛɛ waa wola kondikwaa dɔ a koma saŋ ɡe.

Sɛɡla 18:9

Bɔhwaah aa toma ɛɛ nyin, o dɔŋee nɛn waa dɛ chɔɡ kwa.

Sɛɡla 6:9

Bɔhwaah, saŋ besoo hɛɛ nyin he chɔ ka tel, dɛ́ ir saŋ besoo?

Hibru 6:12

Yaa nyin kɛ he bwara hwah heya. Ya dɛ nyin he kpɔ nɛra baa lawɛ bambile dɛɛ yarada Korowii, ásɛ o tɛɛ ba kwaa waa baɡ ba nyoa la.

Sɛɡla 13:4

Bɔhwaah bɛlbwa aa o konnyini dɔ, kɛ nɛn waa dɛ nyin toma te, o dɛ dɔ kon waa dɛ nyin.

Matiu 25:26

Anee o dɔɔ la ŋɔ, ‘Bonɔnchɔɡe bɔhwaah kohona! He jemɔ kɛ bela maa wola mea duee mɛɛ koma, asɛ bela maa wola kwaa komɛ laanee mɛɛ nyin a cheɡbɔr aa?

Sɛɡla 30:25

Anee vaɡla, aa kpeɡe kɛ a dɛ nyin a kondikwaa hwel saŋ cheɡ, dɛ kpɔ dɛɛ kpa bwaala nee saŋ.

Tɔn Pɔɔl Aa Chwerɛ Rom Tena 12:11

Hé laa bɔhwaah kpɔ he waa bini, dɛ́ do ɡbemba dɛɛ tomɛ ya Dɔɔ Yeesu Kristo.

Sɛɡla 21:25

Bɔhwaah pɛla konee dɛɛ kpoo, dɛkalkɛ waa toma ɛɛ nyin.

Sɛɡla 19:15

Bɔhwaahree dɛɛ chɔ dom kohona, ɡɛɛ nɛn waa wola waane ɛɛ nyin la ɡe ɛɛ chɔ lɔr.

Sɛɡla 22:13

Bɔhwaahree yon ŋɔ, “Nyujente lɔ dahare!” Kɛɛ, “O ken ɛɛ kpo mɛ fɔɡbaahnaa!” dɛɛ so dem.

Sɛɡla 10:26

Gɛ konnyɛɡa aa dɛ nyɛɡ nyena, asɛ ninchuu ɡe ɛɛ we sie la, ɡɛɛ nɛn waa dɛ ɛ bonyɛɡa do tɛ nɛn waa tomɔ. Waa on bansɔɔhna tɛ.

Sɛɡla 19:24

Nɛra bane bɔhwaah ɡwaa ba nɛɛ kɛ, bá won kpɔ kondikwaa kwaraa la nyoa.

Matiu 6:26

Hé ta sie nyiŋi jumbii na. Aa kwaa du, aa komɛ, a ta bela aa komɛ kwaa do dɔe, kɛ he Mɛɛ waa lɔ nyundua la dɛ́ tɛa kondikwaa aa di. He ta jumbii nɔ ɡwaalaa?

Sɛɡla 15:19

Bɔhwaah soɡa bini do kɛŋɔ, waa dɛ valɛ sɔɔhne ta, kɛ he waa toɡraa, he ŋwɛnɛ wer.

Sɛɡla 1:17

He dɛ nyin jumbie dɛ́ lawaa, baa on bel harɛ o siwi ta, baa mea lwee nyubaah ta du.

Aesaya 1:3

Nao jemɛ o dɔɔ, asɛ keeɡo jemɛ kon o dɔɔ aa kpɔ kondikwaa do o bini dɛɛ tɛo. Kɛ n nɛra Israel tena te aa men jemɛ, baa waa mun no.”

Sɛɡla 23:19

N bie, no dɛ́ che a ta jemɛ wa, ásɛ he sie chɔ harɛ he soɡa bini.

Sɛɡla 30:24

Kombele anaarɛ ane lɔ harɛ nɔ ta, dɛ do jeɡrejeɡre ken, kɛ dɛ ɡe jemɛ waa taeh.

Jeremia 8:7

Hale chaŋɡale aa dɛ ɡah nyundua ɡba jemɛ komɛlbwa saŋ, ɡɛɛ kwehre ne konkolombiiri bwa ɡe jemɛ saŋ aa kpɔa dɛɛ ɡaaɡe sobɔrfala. Kɛ n nɛra te aa jemɛ waa maa dɛ nyin dɛɛ teŋɛ a ta.

Sɛɡla 10:4

He dɛ ɛ bɔhwaah aa, nyae hɛɛ nya, kɛ dɛ he dɛ ɛ toma tenaa, kwaa hɛɛ dɔ.