Sɛɡla 6:29 - mzwDBL

²⁹ Gɛɛ a do, nomɛlbwa waa lawɛ o dɔŋ haah chɔ la, baa tɛr o deŋne.

Sɛɡla 6:29 Referans Kwoze

1 Kɔrent 7:1

He fa chwerɛ tɔn dɛ ba bɔɔ mɛ ŋɔ, dɛ baa ŋɔ waa haahnee mo aa, a wer aa? Baa ŋɔ waa haahnee mo aa, a wer.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Ɛsekeɛl 22:11

Bane dɛ bɔ jwamane, bane ɡe lawɛ ba bii haahna, kɛɛ ba nimambii ba ne baa pɛ nya ɡbo, kɛɛ mɛɛ dɛɛ chɔ.

Sɛɡla 16:5

Korowii hah nɛn waa dɛ ɛ mbarafo, kpelaa, naate ɛɛ di bolchɔɡee dɛ́ dɔ deŋnetɛra.

2 Samoɛl 16:21

Anee Ahetofɛl chaŋe ŋɔ, “La ka lawɛ he mɛɛ sɛnanar waa ɡel ba habɔɔ baa daah koodem la he ne ba chɔ. Anee dɛ́ ɡel Israel tena bwa no kɛŋɔ he ɛ he mɛɛ dɔm kɛrɛdɛ, dɛ́ ɡel nɛra baa ja he nɛɛ la bwara do kpeɡri name.”

Lewi Dea Tena 20:10

Dɛ baa nyin o dɔŋ haah naa, dɛ ba bwa bɔ jwamane, a chɛ kɛ bá kpo baa la ne haah la bwa.

Kaala 20:17

He bɛ ɡel he sie beɡre he dɔŋa deremi. He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.”

Lewi Dea Tena 18:20

Bɛ he dɔŋ haah lawɛ chɔ dɛ́ kpɔ doŋa kah he bwa.

Sɛɡla 6:28

Hɛɛ won valɛ ninhɔla ta, he napaala aa wola bwɛ aa?

Ɛsekeɛl 18:6

waa kwaa Israel tena aa kpoora dɛɛ tɛ ba voɡa bwejena dor la di, waa ba voɡa ɡe tomɛ, kɛɛ waa o dɔŋ haah lawɛ dɛɛ chɔ, waa haah waa le dahara nyin,

Ɛsekeɛl 33:26

Hé ɛ nɛŋkpoa nɛra, dɛɛ tomɛ voɡa maa kia, dɛɛ nyin dɔŋa haahna. A chɛ kɛ harɛ nɔ ɛ he kon aa?’

Mumpar 20:2

Belaa o ŋɔ o nimambiee o haah Saara. Anomanta, Gerar kooro baa dɛ yerɔ Abemɛlɛk tomɛ nɛra ba ka lawɛ Saara ba tɛo.

2 Samoɛl 11:27

Waa wiu tonɛ la, kooro ɡelɔ ba ka kpɔɔ ba o be dem o berɛ o haah, dɛ lolɛ bibaa tɛo. Kɛ Korowii sie ta waa kooro aa ɛa la ta lɛɛ.