Sɛɡla 6:16 - mzwDBL

¹⁶ Webele anumɛl kɛɛ anuanɛ ane lole Korowii haah kɔkɔkɔkɔ, anee,

Sɛɡla 6:16 Referans Kwoze

Yela 11:5

O dɛ pese nɛra ba wa aa toɡra, kɛ nyubinikpeɡ tena, ne naɡrenyin tena te, o hah ba o bambile bwa.

Sɛɡla 8:13

Nomɛlbwa waa dɛ ɔmɛ Korowii kii wechɔɡa, anomanta, n kii mbarafo ne maŋkurae we-ɛɛla, ne wechɔɡa ŋwɛnɛre, dɛ nyosone.

Sɛɡla 11:20

Korowii kii nɛn o liire aa wola were, o sie dɛ lɛ nɛn o we-ɛɛla aa wera nɛ.

Sɛɡla 3:32

Korowii kii nɛn o ŋwɛnɛre aa ɡola, o dɔ hwɛɡa tɛ nɛn o wa aa toɡra, dɛɛ bol o waa o be.

Mmarare 25:16

Korowii haa dɛ tomɔ nɔ kii nɛn waa wola kasinteŋ di dɛɛ faah nɛra.

Sɛɡla 17:15

Korowii hah nɛn waa dɛ pa nɛn waa wola wechɔɡa ɛɛ bolchɔɡe, dɛ hah nɛn waa pa nɛn waa ɛ wechɔɡa boldɛɛɡe ɡe.

Sɛɡla 11:1

Korowii kii nɛn waa dɛ faah nɛra kwaa yoɡa ta. O sie dɛ lɛ nɛn waa kpɔ kon waa maɡra ne kwaa maɡa nɛ.

Emɔs 2:1

Korowii ŋɔ, “Moab tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba ta Edom kooro bui, ba huɡri o hoɡa, dɛ fuah a berɛ tɔɔ.

Emɔs 1:11

Korowii ŋɔ, “Edom tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba kpɔ keri kpoo ba lolanar Israel tena, ba ta tedoma dɔe tɛɛ ba, ba bandia ta jaɡa dɔe, waa sɔɔh bwa.

Emɔs 1:9

Korowii berɔ ŋɔ, “Taaya tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta kaa bojaŋ Edom harɛ ta, ba ta beŋkpoŋri fɔo ba ne baa fɔwa la ta teŋɛ.

Emɔs 1:6

Korowii berɔ ŋɔ, “Gasa tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta, dɛ ka yoɡ ba yoma tɛ Edom tena.

Emɔs 1:3

Korowii ŋɔ, “Damaskɔs tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lɔɔ Gelead tena nyubinikpeɡ ne, kɛŋɔ baa lɔ mea pɛla ta ken.

Sɛɡla 30:21

Webele atoro ane lole yaa wola won kpoŋe, naarɛte ɡe ɡɛ.

Sɛɡla 20:23

Korowii kii nɛn waa dɛ faah nɛra kwaa yoɡa ta, ne onɔ la baa kpɔa dɛɛ maɡɛ kwaa dɛɛ faah nɛn.

Mmarare 24:4

o jaloɡle la aa won moo, doŋa waa kpɔa dawɛ haah la nɛɛ la wa, dɛkalkɛŋɔ Korowii kii ɡɛ. He bɛ wechɔɡa kpɔ la harɛ Korowii haa dɛ tomɔ nɔ aa kpɔa dɛɛ ba heyaa tɛɛ kɛ he kon la ta.

Mmarare 23:18

Bɛ jwamansuuɡa ne Korowii Dea ba dɛ́ ba bɔ nyobaɡa bɛlbwa. Dɛkalkɛŋɔ Korowii haa dɛ tomɔ nɔ kii.

Emɔs 2:6

Korowii ŋɔ, “Israel tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba yoɡ nɛra ba wa aa toɡra, dɛ di kema baa wola won bɔ la. Ba lɛ suuɡapoŋa ba ka ɛ yoma, dɛ yoɡ nyaara baa di kema, kema la suuɡa aa wola won yawɛ naŋɡawa ɡba.

Emɔs 2:4

Korowii ŋɔ, “Juda tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba vɛh me Mmarare la, ba ta waa maa do ba a ta teŋɛ, dɛ le n waa ta, dɛ kaa tomɛ voɡa ba naawa fa aa toma la.

Sɛɡla 30:29

Kombele atoro ane lole a vala do wer, ɡɛɛ naarɛte ɡe do.

Sɛɡla 20:10

Korowii kii nɛn waa dɛ faah nɛra kwaa yoɡa ta, ne kon baa kpɔa dɛɛ maɡɛ kwaa o faah la.

Wepila 21:27

Kɛ komɛlbwa doŋa te bɛlbwa aa lɔ o nɛɛ la aa won jo bela, ɡɛɛ nomɛlbwa ɡe waa dɛ ɛ sihihwaa dɛɛ teŋe nyosone la bɛlbwa ɡe aa wola won jo bela. Nɛra baa chwerɛ ba sɔna do Pebie Mkpa Tɔn la bini la, banee dɛ́ won jo bela.

Sɛɡla 30:24

Kombele anaarɛ ane lɔ harɛ nɔ ta, dɛ do jeɡrejeɡre ken, kɛ dɛ ɡe jemɛ waa taeh.

Sɛɡla 30:18

Kombele atoro ane waa dɔ nyokpoa kɛrɛdɛ n be, naarɛte ɡe maa o mun no.

Sɛɡla 6:15

Anomanta, kerabeŋkpoŋii wekpeɡa ɛɛ ba ba nɛɛ bala, buɡ taa aa ba ba nɛɛ chiɡa, dɛ́ chɔɡ ba, ba chah kahonɛ.

Sɛɡla 6:17

nɛn waa nyiŋi nɛn dɛɛ vah, ne nyosonteŋni, ne nɛŋkpoa,

Jeremia 26:15

Kɛ he jemɛ kɛŋɔ dɛ he kpo mɛ naa, he ne nɛra baa lɔ bwɛjen nɔ ta ɛɛ di bolchɔɡee, kɛŋɔ haa kpo nɛn waa wola wechɔɡa bɛlbwa ɛɛ. Kasinteŋ, Korowiirii tom mɛ ŋɔ ń ba kah heya.”

Sekaria 8:17

he bɛ wechɔɡa lii dɛɛ tɛ dɔŋa, he bɛ ɡel he sie ɛɛ lɛ ŋwɛɛra aa wola kasinteŋ ɛɛ ta. N hah a ɡɛ waa nɔ bwa. Men Nemenɛ Korowiirii bola.”

2 Koranar 21:16

Kooro Manasɛ kpoo nɛra baa wola wechɔɡa bɛlbwa ɛɛ dɛ warɛ taeh, asɛ ba chale ɛɛ palɛ Jerusalam fɔɡbaahna bwa. O berɔ ɡel Juda harɛ tena jo voɡa toma ta, dɛ ɛ wechɔɡa jo Korowii nɛ.

Job Tɔn 5:19

Saŋ bɛlbwa Korowii ɛɛ lɛɛ le wenaale ta.

Yela 5:7

Kɛ n te, he nyina haa dɛ nyin mɛ kohona nomanta, mɛɛ won ba he Dea dɛ́ ba ɡuŋi, dɛɛ tomɛ he Dea waa do ɡoroŋ ta ɔmee ne.

Sɛɡla 12:22

Korowii kii nyosonteŋni, o sie dɛ lɛ nɛn waa dɛ di kasinteŋ nɛ.

Sɛɡla 21:4

Sisa we-ɛɛla ne mbarafo, ne wedoŋa bwa ɛ wechɔɡa.