Sɛɡla 6:12 - mzwDBL

¹² Nɛnsale baa ɛ ba te nɛnchɔɡaa vala dɛɛ teŋe nyosone.

Sɛɡla 6:12 Referans Kwoze

Matiu 12:34

Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol.

Sɛɡla 16:27

Nɛnchɔɡee dɛɛ vɔrɔwe wechɔɡa, o wobol do kɛŋɔ ninlao ken.

Sɛɡla 4:24

Bɛ waa aa wola kpela ɛɛ bol bwa, laa he te kpɔ neɡra wobol ta.

1 Timoti 5:13

Luhaahna nɔ dɔŋa, baa wedɛɛɡa bɛlbwa dɔe dɛɛ ɛ ka ja kɛŋɔ baa dɛ ɡaaɡe dɛɛ valɛ deremi ta pɛɛpɛɛ. A ɡbo laa. Ba kpɔ nyoa dɛɛ do nɛra waa ta, dɛɛ ŋwalɛ nɛra, asɛ dɛɛ bol waa aa wola chɛɛ kɛŋɔ ba bol bwa.

We-ɛɛla 20:30

N jemɔ kɛŋɔ he ɡbaɡba bini bane ɛɛ dɛɛ bol waa aa wola weree, dɛ́ neɡre nɛra ásɛ ba ɡel Yeesu nɛɛ teŋa dɛɛ teŋɛ ba nɛ.

Sɛɡla 17:4

Nɛnchɔɡee dɛɛ do deŋna wobochɔɡa ta, ɡɛɛ nyosonteŋni ɡe cheɡ deŋne dɛɛ no musuwa.

Sɛɡla 8:13

Nomɛlbwa waa dɛ ɔmɛ Korowii kii wechɔɡa, anomanta, n kii mbarafo ne maŋkurae we-ɛɛla, ne wechɔɡa ŋwɛnɛre, dɛ nyosone.

Yela 59:7

No chɛɡa ne waa aa dɛ le ba nyoo, ba nyondoŋa do kɛ keri ken, kɛ dɛ ɡee lii kɛŋɔ nomɛlbwa aa ba be no.

Jems 3:6

Nyondoŋe do kɛŋɔ nihɔl ken, dɛ won wechɔɡa ɛɛ taeh ya bini, dɛ won yaa chɔɡa ya soɡa bini bwa. Bɔnsam niinii dɛɛ choŋu.

Sɛɡla 11:6

Nɛn o wa aa toɡra daa dɛɛ lɛo, asɛ nɛn waa wola kasinteŋ dɔe la ɡbaɡba pɛla waa dɛɛ lawɔ.

Sɛɡla 6:14

ba dɔ liichɔɡa ba nyu bini, dɛɛ vɔrɔwe wechɔɡa ba bambile ta. Wobochɔɡa lɔ ba nyoo baa ir nɛra bandia.

Sɛɡla 2:12

ásɛ dɛɛ lee waa aa wola were ta. Aa kee le nɛra baa wola kasinteŋ bol dɛɛ ba waa ne nɛ,

Yela 36:3

Nyubinikpeɡ ne nyosone waa baa bol, ba ta wedɛɛɡa liire dɔe kpa.

Yela 10:7

Nɛra taahna ne nɛra neɡra, dɛ nɛra aahra ɡboo ba bwa, wobochɔɡa ne musuwaa ɡboo baa bol.

Yela 10:3

Nyubinikpeɡ tena dɛ maŋkura ba te ba pɛlchɔɡa ta, nɛra baa dɛ nyin kafo dɛ bol Korowii bwara wechɔɡa dɛɛ vɛoh.

Jems 1:21

Anomanta, hé le wedoŋa ne wechɔɡa aa lɔ he bini dɛ ɡwaa he nɛɛ la ta, dɛ́ pwɛr he te, dɛ́ kpɔ he te tɛ Korowii waa la waa kpɔa do he bambili bini á won lɛ heyaa la.

Jeremia 24:2

Nɔndɛɛɡa su wɛɡrɛ beŋkpoŋ, anee tɔ sie swɛɛ, asɛ wɛɡrɛ nɛɛte la te kwaa ɛ nɔnchɔɡa, baa wola won dia.

1 Samoɛl 17:28

Devid dɔɔ nomoa Eliab aa noa kɛŋɔ Devid ne baala la dɛ bol waa la, o baah di o nɛ, dɛ bɔɔro ŋɔ, “Bɔkwaa hɛɛ nyin bonɔ nɔ? Umee he kpɔ peera la kabora ja pua hɛŋle ɡbo harɛ ta bela wɛɛ nyiŋi a ta nɔ? N jemɛ ɡɛ haa dɛ ɡɔɔ he te, ne ɡɛ he bambile aa kpeɡa, he balɔ dɛ́ ba nyiŋi laa nɔ.”

Sɛɡla 10:32

Nɛn o wa aa toɡra wobol dɛ́ sɔɔh baah, kɛ nɛnchɔɡe te, o wobol dɛ muɡli baah.

Yela 101:3

dɛ́ laa n te kpɔ wechɔɡa ta. N hah nɛra baa berɛ habɔɔ kpo hen Korowii la we-ɛɛla, n ne ba toole wobɛlbwa bini.

Sɛɡla 3:32

Korowii kii nɛn o ŋwɛnɛre aa ɡola, o dɔ hwɛɡa tɛ nɛn o wa aa toɡra, dɛɛ bol o waa o be.

Sɛɡla 16:30

Nɛn waa laa sie dɛɛ kpɔ waa ta la dɛ lii wechɔɡa, o dɛ tɔ nyoa nyiŋi wechɔɡa chiɡ.