Sɛɡla 5:6 - mzwDBL

⁶ Waa ŋwɛnɛ waa dɛ tɛ mkpa la ta kpɔ, valaa o valɛ dɛɛ valɛ, waa jemɛ anɔ la waa dɛ ɛ.

Sɛɡla 5:6 Referans Kwoze

Sɛɡla 4:26

Nyiŋi he vala bini kɛrɛdɛ, ásɛ dɛ che kiŋkiŋ bela haa dɛ kaa.

Yela 16:11

Hɛɛ baɡ mɛ mkpa ŋwɛnɛɛ. N lɔ he sie naa, n sie dɛ lɛ, n bwara ɡe ɛɛ sɔɔh mɛ saŋ bɛlbwa.

Sɛɡla 30:20

Ŋwɛnɛ haah waa wola kasinteŋ dɔe tɛ o jaa, aa dɛ kpɔ o taa nɔ. O yon le o jaa habɔɔ ka kpɔ banfale dɛ berɛ sɔ ne, dɛ ŋɔ, ‘N ta wechɔɡa ɛɛ.’

Sɛɡla 5:21

Korowii dɛ na wobɛlbwa haa dɛ ɛ, o jemɛ he vala bini bwa.

Yela 119:59

N nyiŋi ɡɛ n we-ɛɛla aa doa dɛ charɛ n liire, dɛ baa teŋɛ he waa la ta.

Sɛɡla 11:19

Nɛn o siwi aa swɛɛra kɛŋɔ o waa toɡre kɛrɛdɛ la, dɛ́ dɔ o nyu, kɛ nɛn waa teŋa dɛɛ ɛ wechɔɡa la te dɛ́ sewɛ.

2 Pita 2:14

Ba na haah bɛlbwa naa, ba dɛ nyinu. Ba nyina baa dɛ nyin wechɔɡa ɛɛ ta dɔŋ dɔe. Ba neɡre nɛra baa wola cheɡɛ kiŋkiŋ Korowii waa ta dɛɛ kaa wechɔɡa ta. Ba sie dɛ beɡre kwaa taeh. Korowii taah ba!

Sɛɡla 2:19

Nomɛlbwa waa dɛ la o be aa berɛ dɛɛ ba kpa. Naate aa mkpa ŋwɛnɛ ta chiɡ kpa.

Sɛɡla 9:13

Gɛna do kɛŋɔ haah waa ɛ wobobala te, waa wola sihiih jemɛ.