Sɛɡla 4:7 - mzwDBL

⁷ Wejema kan taeh, anomanta, hwelu. Waa mun noe ɡwaa komɛlbwa haa dɔa.

Sɛɡla 4:7 Referans Kwoze

Wejereme 7:12

Wejema dɛ tɔ nɛn nɛ, kɛŋɔ suuɡa aa won nɛn lɛɛ la ken. Wejema dɔe kohona ɛɛ won ɡel naate la so sodɛɛɡa, dɛ́ dɔ mkpa.

Sɛɡla 23:23

Lawɛ kasinteŋ bini kpoŋe dɛ bɛ kpɔ ta, nyin wejema ne waa hwela dɛ waa mun noe.

Sɛɡla 16:16

A wer kɛŋɔ haa dɔ wejema ne waa mun noe, dɛ ɡwaa kɛŋɔ haa dɔ suuɡaswɛm ne suuɡapoŋa!

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

Amanesoma Luk Aa Chwera Tɔn 12:20

Anee Korowii ŋɔ o be ŋɔ, ‘Gɛne! Fini jwaana nɔ ne hɛɛ sewɔɔ, ásɛ kwaa haa kwaara cheɡ la, lee hɛɛ ba a bɔr nae jaɔ?’ ”

Yela 119:104

A taa n dɔ wejema dɛɛ le, anomanta, n hah wechɔɡa nɛra aa dɛ ɛ.

Amanesoma Luk Aa Chwera Tɔn 10:42

Waa aa weraa Mɛɛre kpɔ la, anomanta, maa won ŋɔ o be ŋɔ ó ɡel.”

Sɛɡla 21:6

He kpɔ nyosone ŋwɛnɛ ta dɛ dɔ kwa aa, a dɛ le he nɔn ta kɛŋɔ peu ken, dɛ́ berɛ ba seo ne.

Wejereme 4:8

Dɛ baa bɛl ɡboo soɡa, o ta bibaa kɛɛ nime dɔe. Dɛ tɔpere bɛlbwaa wɛɛ koh, kɛ o siwi aa o kondɔɔh su. Ate, o bɔɔ ŋɔ, “Ume waa mɛɛ koh maa wola won lɛ n sie nɔɔ?” Anɔ ɡe ɛ wepuu, bosɔɔhna aa wola toole a ta.

Sɛɡla 4:5

Kpɔ wejema dɛɛ no waa mun, do liire a ta, dɛ bɛ waa maa bola la ta le.

Sɛɡla 8:23

Menee Korowii tɔ sie ta mumpar la, mɔɔ dɛ ta harɛ nɔ.

2 Webena 1:10

Tɛ mɛ wejema ne waa mun noe, ásɛ n won kpɔ nyiŋi nɛra nɔ nɛ. Ɛrɛɛ n ɡbo ɛɛ ba wona nyiŋi he nɛra baa wara ken nɔ nɛɔ?”

Sɛɡla 2:4

dɛ he siwi beɡrɔ, hɛɛ nyina kɛŋɔ suuɡapoŋ, kɛɛ kondɔɔh ane aa sɔh bobɛl aa,