Sɛɡla 4:5 - mzwDBL

⁵ Kpɔ wejema dɛɛ no waa mun, do liire a ta, dɛ bɛ waa maa bola la ta le.

Sɛɡla 4:5 Referans Kwoze

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.

2 Webena 34:2

O ɛ waa aa too Korowii tea, o teŋɛ waa o nabaa Kooro Devid aa ɛa ta. O teŋɛ Korowii waa ta kɛrɛdɛ.

Sɛɡla 19:8

Nomɛlbwa waa dɔ wejema la, dɔ nyina tɛ o ɡbaɡba, ɡɛɛ nɛn waa dɛ no waa mun la, o wobɛlbwa ɛɛ do wer.

Sɛɡla 17:16

Tɔnɔ besoo a dɔ kɛŋɔ ɡɛne kpoŋe suuɡa dɛɛ nyin wejema dɛ o ta a liire dɔe yɔ?

Sɛɡla 8:5

He sie ta pilaa, hé hweli sipila wa. He ɡɛnaa, hé hweli wejemwa.

Yela 44:18

He waa ta lɔ ya bambile ta, ya ta waa haa do yaa a ta la vɛɛh,

Sɛɡla 23:23

Lawɛ kasinteŋ bini kpoŋe dɛ bɛ kpɔ ta, nyin wejema ne waa hwela dɛ waa mun noe.

Sɛɡla 18:1

Nɛn waa wola nɛra baah jo la waane laa nomɛlbwa wa, o dɛ lɛ ɡaeh, waa nɛn waa lɛɛ dɛɛ do.

Sɛɡla 16:16

A wer kɛŋɔ haa dɔ wejema ne waa mun noe, dɛ ɡwaa kɛŋɔ haa dɔ suuɡaswɛm ne suuɡapoŋa!

Yela 119:157

N dɔma warɔ, ba ɛ nɛnchɔɡa dɛɛ fiɡ mɛ, kɛ n ta sie laa kpɔ he Mmarare ta.

Yela 119:51

Mbarafo tena aa n loro dii ɡel bwa, kɛ a ta ɡelɛ n laa n te kpɔ he Mmarare ta teŋa ta.

Job Tɔn 23:11

N dɛ teŋɛ ŋwɛnɛ waa dɛ kpɔ o ta kasinteŋ ta, n dɛ teŋɛ o waa ta, maa bɛlbwa ɡel.

Sɛɡla 3:1

N bie, bɛ waa maa baɡle nɔ soh, ɡel he liire do waa maa ŋɔa hɛɛ ɛ ta,

Sɛɡla 4:7

Wejema kan taeh, anomanta, hwelu. Waa mun noe ɡwaa komɛlbwa haa dɔa.