Sɛɡla 4:23 - mzwDBL

²³ He dɛ lii wa aa, dɛɛ nyiŋa kɛrɛdɛ, waa haa dɛ lii la, anee hɛɛ ɛ.

Sɛɡla 4:23 Referans Kwoze

Amanesoma Luk Aa Chwera Tɔn 6:45

Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa damanta aa lɔ o bambile bini, dɛkalkɛ waa aa lɔ nɛn bambile ta laanee o nyoa ɛɛ bol.

Sɛɡla 13:3

He jemɛ he wobol nyiŋaa, he laa he te dɛɛ kpɔ waa ta, kɛ nɛra baa bol waa baa wola liire a ta do la, dɛ chɔɡ ba te.

Jeremia 17:9

Umee dɛ́ won jemɛ nɛwɛnyini bambile bini waɔ? Wobɛlbwa toole o bini ka ja neɡra ɡbo, nomɛlbwa aa wola won kwaaro.

Matiu 15:19

Liichɔɡa ne nɛŋkpoa, ne jwamane ne ŋwɛɛ wa, ne nyosone teŋa ne nɛra ŋwala, dɛ anɔ aa jaa bwa, bambile binii a le.

Sɛɡla 23:19

N bie, no dɛ́ che a ta jemɛ wa, ásɛ he sie chɔ harɛ he soɡa bini.

Sɛɡla 28:26

Nomɛlbwa waa kpɔ o te ɛɛ dawɛ o ɡbaɡba liire ta la ɡɛnɔ, kɛ nɛn waa dɛ teŋɛ wejerema waa ta dɛ́ dɔ o nyu.

Amanesoma Mak Aa Chwera Tɔn 14:38

Asɛ o ŋɔ ba be ŋɔ, “Hɛ́ɛ nyiŋi kɛrɛdɛ dɛɛ soŋe Korowii ásɛ Bɔnsam bɛ won neɡre heya. He bambile fe dɛ nyin wedɛɛɡa ɛɛ, kɛ he bwadabii pwɛre.”

Mmarare 4:9

A bwaa kɛŋɔ hé nyiŋi kɛrɛdɛ dɛ́ ɡel he sie chɔ harɛ, hɛɛ berɛ waa haa naa la soeh. Hé bola baɡle he bii ne he naanar.

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Sɛɡla 4:7

Wejema kan taeh, anomanta, hwelu. Waa mun noe ɡwaa komɛlbwa haa dɔa.

Sɛɡla 3:21

N bie, lawɛ he wejema ne waa mun noe bini, bɛ ɡel a paŋɛ.

Sɛɡla 22:5

Nafuɡere ne sɔɔhne lɔ wechɔɡ-ɛɛra ŋwɛnɛ ta, he dɛ nyin he nyu aa, laa he te kpɔ ɡɛ ŋwɛnɛ la ta.

Sɛɡla 11:16

Haah waa dɔ dadɛɛɡe la dɛ dɔ nyanyini, kɛ nɛn waa dɛ lɛ ɡaeh dɛ́ dɔ kondɔɔh ɡbo.

Wejereme 5:13

N na wedoŋa ane ɡe harɛ nɔ ta, nɛra yon pa ba kondɔɔh sɔh kɛ aa ban cha,

Matiu 15:18

Kɛ waa aa le nɛn nyoa la te, bambile binii a le. Anee yon ɡel nɛn ɛ nɛnchɔɡe.

2 Koranar 10:31

Kɛ ane a bwa, Kooro Jehu ta Korowii Israel tena aa dɛ tomɔ la mmarare ta teŋɛ o bambile bwa ne, dɛ teŋɛ wechɔɡa Kooro Jɛroboam aa ɛa, dɛ ɡel Israel tena ɡe ɛ wechɔɡa la ta.

Sɛɡla 16:17

Nɛn o wa aa toɡra la dɛ ke wechɔɡa o vala bini, nomɛlbwa waa dɛ nyiŋi o vala bini la, dɛ dɔ o nyu.