Sɛɡla 30:15 - mzwDBL

¹⁵ A do kɛŋɔ kpanjeɡ aa dɔ bihaahna banɛ, a sɔne ‘Tɛ mɛ!’ Kombele atoro ane lole aa vaɡɛ bwa, naarɛte lole waa wola ŋɔ, ‘A maɡrɔ!’

Sɛɡla 30:15 Referans Kwoze

Sɛɡla 30:29

Kombele atoro ane lole a vala do wer, ɡɛɛ naarɛte ɡe do.

Sɛɡla 30:21

Webele atoro ane lole yaa wola won kpoŋe, naarɛte ɡe ɡɛ.

Sɛɡla 6:16

Webele anumɛl kɛɛ anuanɛ ane lole Korowii haah kɔkɔkɔkɔ, anee,

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.

Tɔn Pɔɔl Aa Chwerɛ Rom Tena 16:18

A ɡɛ nɛra nɔ, ya Dɔɔ Yeesu Kristo laa baa tomɛ. Waa ba sie aa dɛ lɛ a ta la, anee baa ɛ. Nyotor ne nyosone nee baa neɡre nɛra baa wola wobɛlbwa jemɛ la.

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Amanesoma Jɔn Aa Chwera Tɔn 8:39

Anee ba ŋɔ, “Ya mɛɛɛ Abraham.” Belaa Yeesu ŋɔ, “Dɛ Abraham bii tentenee heya aa, he fe dɛ ɛ o we-ɛɛla siwi.

Matiu 23:32

Hé takapɔ dɛ ɛ wechɔɡa la he naawa aa pa mun ɛa la ka tonɛ.

Maeka 7:3

Ba bwa hweli wechɔɡa dɛ jema kɛrɛdɛ. Nɛra baa bol waa dɛɛ pa bole, ne ba nomonome bwa dɛ nyin kɛ baa yaɡ ba sen. Ba ne nɛnjena kpɔ wejema ŋwɛnɛ lɛ kwaa dɛɛ le ba be.

Emɔs 2:4

Korowii ŋɔ, “Juda tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba vɛh me Mmarare la, ba ta waa maa do ba a ta teŋɛ, dɛ le n waa ta, dɛ kaa tomɛ voɡa ba naawa fa aa toma la.

Emɔs 2:1

Korowii ŋɔ, “Moab tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba ta Edom kooro bui, ba huɡri o hoɡa, dɛ fuah a berɛ tɔɔ.

Emɔs 1:13

Korowii ŋɔ, “Amɔn tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba yo laa dɛɛ nyin ba harɛ do kan, anomanta, ba kpoo Gelead tekpoŋra, dɛ ya ba teene.

Emɔs 1:11

Korowii ŋɔ, “Edom tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba kpɔ keri kpoo ba lolanar Israel tena, ba ta tedoma dɔe tɛɛ ba, ba bandia ta jaɡa dɔe, waa sɔɔh bwa.

Sɛɡla 30:24

Kombele anaarɛ ane lɔ harɛ nɔ ta, dɛ do jeɡrejeɡre ken, kɛ dɛ ɡe jemɛ waa taeh.

Emɔs 1:9

Korowii berɔ ŋɔ, “Taaya tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta kaa bojaŋ Edom harɛ ta, ba ta beŋkpoŋri fɔo ba ne baa fɔwa la ta teŋɛ.

Emɔs 1:6

Korowii berɔ ŋɔ, “Gasa tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta, dɛ ka yoɡ ba yoma tɛ Edom tena.

Emɔs 1:3

Korowii ŋɔ, “Damaskɔs tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lɔɔ Gelead tena nyubinikpeɡ ne, kɛŋɔ baa lɔ mea pɛla ta ken.

Hosia 4:18

Ba nyɔ sen tonaa, ba ka dɛ bɔ ba jwamane la ja. Ba sie dɛ lɛ sihihwaa ta ɡwaa anɔ la aa tɛɛ ba jirima.

Aesaya 57:3

Kɛ heya, sɔmmɔra bii, nɛra baa dɛ chɔɡ yal ne jwamane tena bii, hé ba bonɔ!

Sɛɡla 27:20

Gɛ nɛwɛnyini pɛla kwa aa wola tonɛ bwa la, ɡɛɛ lalabwɛɛ ɡe aa wola su bwa.

Sɛɡla 30:14

Nɛra bane dɔ kpeɡri dɛ kpɔ dɛɛ fiiɡi nyaara ne nɛŋɡwɛɡra, dɛɛ lɛ kwa, a ɛ ŋwɛnɛ baa kpɔa so, dɛ́ chɔɡ ba le nɛra bini.

Sɛɡla 30:16

Anee nɔ, lalabwɛ ne hambara, ne harɛ waa wola vaɡɛ dɛɛ nyin ne, dɛ nii aa dɛ lawɛ baa wola won dima.