Sɛɡla 3:32 - mzwDBL

³² Korowii kii nɛn o ŋwɛnɛre aa ɡola, o dɔ hwɛɡa tɛ nɛn o wa aa toɡra, dɛɛ bol o waa o be.

Sɛɡla 3:32 Referans Kwoze

Yela 25:14

Nɛra baa dɛ duu Korowii la, o kpɔ ba ɛ o daamanar, o ɡelɔ o ne ba fɔo baa fɔwa la che kiŋkiŋ.

Amanesoma Jɔn Aa Chwera Tɔn 15:15

Maa heyaa n bonɔɔna yerɛ kpa, dɛkalkɛ bonɔɔ naa won jemɛ o nomoa waa bini. N daamanaree mɛɛ yerɛ heyaa name te, dɛkalkɛ n ɡelɔ he jemɛ wobɛlbwa maa noa dɛ le n Mɛɛ be.

Sɛɡla 11:20

Korowii kii nɛn o liire aa wola were, o sie dɛ lɛ nɛn o we-ɛɛla aa wera nɛ.

Matiu 13:11

Anee Yeesu chaŋ ba ŋɔ, “He te dɔ Korowii Kora ne a wejema a fa aa sɔah bwa dɛ jemɛ. Kɛ ba te ta dɔe.

Sɛɡla 17:15

Korowii hah nɛn waa dɛ pa nɛn waa wola wechɔɡa ɛɛ bolchɔɡe, dɛ hah nɛn waa pa nɛn waa ɛ wechɔɡa boldɛɛɡe ɡe.

Sɛɡla 8:13

Nomɛlbwa waa dɛ ɔmɛ Korowii kii wechɔɡa, anomanta, n kii mbarafo ne maŋkurae we-ɛɛla, ne wechɔɡa ŋwɛnɛre, dɛ nyosone.

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

Yela 18:26

Nɛn o tea aa toa la, onee he dɔ tepoŋ tɛ, kɛ he dɔ wejema ɡwaa nɛn waa dɔ baradeɛre.

Job Tɔn 29:4

Gɛ saŋ n fa aa cheɡɛ n naa ta, dɛ kpɔ Korowii ɛ n dam tenten, o kpɔ nɔn tɔ n ne n dem tena nɛ.

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

Amanesoma Luk Aa Chwera Tɔn 16:15

Anee Yeesu ŋɔ ba be ŋɔ, “He dɛ ɛ he te kɛ he ɛ nɛndɛɛɡa he waa aa dɛ su Korowii siwi, kɛ Korowii jemɛ ɡɛ he liire aa doa. Kon waa ɛ konjen nɛwɛnyini sie ta la, Korowii te aa on komɛlbwa bu.

Sɛɡla 14:10

Nomɛlbwa toole dɛ jemɛ waa aa dɛ ha o dɔŋ, kɛɛ ɡɛ o silɛɛ aa doa.

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

Aesaya 41:24

Voɡa la ta komɛlbwa ɛɛ, asɛ a we-ɛɛla ɡe ɛ wepuu. N kii nɛra baa dɛ toma la ne ba voɡa.