17 O ɡelɔ he soɡa bini ɛɛ do wer, dɛ́ berɛ ɡel hɛɛ dɔ bosɔɔhna.
ásɛ dɛ chaah ya banɔ la yaa lɔ biro ta dɛɛ ɔmɛ seo la, dɛ́ chaɡle yaa deŋnesɔɔhna ŋwɛnɛ.”
N Naa Korowii, henee dɛɛ tɛ banɔ la ba liire aa cheɡɛ bobeŋkpoŋ bosɔɔhna tenten, dawa baa kpɔ ba te dawɛ he nɛɛ la wa.
He sie ɛɛ piluu, ásɛ he wejema ɡel he sie lɛ.
Nɛra baa dɛ nyin he Mmarare la, dɛ dɔ deŋnesɔɔhna kohona, komɛlbwa aa won ɡel ba lɔ na.
A wer kɛ he kpɔ do he nyu bini, dɛ́ kpɔ dɛɛ bol wa.
N sie dɛ lɛ he waa ta teŋa, ɡwaa kɛ maa dɔ kondɔɔh kohona.
Hé kpɛɛ Korowii! Nomɛlbwa waa dɛ tomɛ Korowii, o sie ɛɛ lɛ o Mmarare ta kohona la, o na som.
ásɛ Israel tena wii berɛ kpɛɛra. Banɔ la baa lɔ bojaŋa ne sie bonɔ la, mɛɛ tɛɛ baa deŋnesɔɔhna tentenee, mɛɛ chaah baa. Men Korowiirii bola.
Dɛ nɛn waa dɛ su Korowii siwi aa, o ɡelɔ deŋnesɔɔhna ɛɛ ba o ne o dɔma kwaraa baah ta.
N Naa Korowii, n sie dawɛ he nɛɛ kɛ he lɛɛ mɛ, he Mmarare laanee dɛɛ tɛ mɛ silɛɛ.
He waa la som n be kohona, a som dɛ ɡwaa tooh kwara.
Maa dɛ nyin he Mmarare la nomanta, n sie dɛ lɛ a ta teŋa ta.
Nɛra baa pwɛr ba te la, ɛɛ so harɛ la taa, dɛ́ dɔ deŋnesɔɔhna kohona.
Korowii dɔ nyina, o waa dɔ kasinteŋ, wɛɛ tɔ nɛra baa dɛ teŋɛ fɔo o ne baa fɔwa la ta siee.
Taraken nɔ, ya yarada aa ɡela Korowii lɛ yaa kɛ nɛndɛɛɡa ya waa su o siwi nɔ, ya Dɔɔ Yeesu Kristo nɛɛ a che asɛ ya ne Korowii pɛ.
